|
هذا النظام ... هذي التعليمات .. إذا مو عاجبك اختر لك اقرب حيطه و اخبط راسك فيها ...!
اهلا وسهلا بالجميع ...
قبل مده من الزمن هاتفني صديق عزيز وقال الولد اشغلني ( عمر الولد 12 سنه ) يبي يروح يحضر المبارة في الملعب ... وش رايك نمرك وتروح معنا ..؟ قلت له تامر أمر ... تم ... انتظركم ... ذهبنا لملعب الملز بالرياض , قبل الدخول للملعب وشراء التذاكر طلب الإبن من ابيه شراء علم للنادي الذي يشجعه ... اشترى الوالد لإبنه ماطلب ... دخلنا الملعب وقبل الدخول للمدرجات هناك جنود من الأمن يقومون بعمليه التفتيش ... لحد الآن الوضع عادي ... و اثناء ذلك قال رجل الأمن الأعلام ممنوع دخولها ...! قلت له لماذا ..؟ قال هذي التعليمات ...! قلت له العلم عباره عن خرقه قماش مثل الثوب والشماغ , لماذا يمنع ..! و اذا كانت التعليمات هكذا لماذا تسمحون ببيعها خارج الملعب وهي ممنوعه دخولها ...؟ قال لي مره اخرى هذه التعليمات ...! ما سبق مدخل لما يحدث في كثير من التعاملات وما فيها من التعقيد والروتين الممل جدا و عندما تسأل عن مايحدث يرددون الإسطوانه التي عفى عليها الزمن هذا النظام وهذه التعليمات ..! ولا تستغرب من احدهم اذا احتدم النقاش معه ان يقول لك : إذا مو عاجبك اختر لك اقرب حيطه واخبط راسك فيها ...! ____________ تقديري و احترامي للكل . |
تبي تريح راسك خلك مثلي خليت الكوره .
والملعب من 1417ه ما رحت لمه . قبل يوم انا اناظر الكوره واذهب للملعب اعصاب وشد نفسي والله اعلم وش يقول الواحد اذا عصب. |
فور يو اخوي موضوع ممتاز
المشكله مو بتطبيق النظام فقط المشكله المسؤلين تستخدم النظام كا قوه يلعب فيها على الناس اللي يعجبه مايمشي النظام عليه و اللي مايعرفه يمشي ابو النظام عليه حرف حرف ,, مثل بسيط اعرف مشرفين بمنتدى يخذفون اللي مايعجبهم ويتركون اللي يعجبهم والنظام بالمزاج , مشكور اخوي مره ثانيه على الموضوع |
فور يو
المشكلة تتمثل ببعد الأدارة التنفيذيه عن موقع الحدث لذا لاتلم شخصاً يقتصر دوره على تنفيذ التعليمات وليس بيده ان يفعل مايتوافق مع قناعاته تقبل تحياتي |
اخي فور يو
اعتقد انك جنيت على هؤلاء المساكين الجنود مساكين تأتيهم التعليمات من الضباط ويهددون بالويل والثبور ان لم ينفذوا ولذلك لا حول لهم ولاقوه المشكله ان بعض الضباط الجدد صغار في السن(((( يعني بزارين )))))) وفرحان انه معلق نجمه وعمره لا يتعدى العشرين وهؤلاء هم سبب التخلف لان تفكيرهم طفولي حب السيطره |
مثل بسيط اعرف مشرفين بمنتدى يخذفون اللي مايعجبهم ويتركون اللي يعجبهم والنظام بالمزاج ,
مشكور اخوي مره ثانيه على الموضوع |
مممممم
فور يو هذول الجنود والعمال هم عبيد مأمورين اللائمه على من هم فوقهم ويضعون تعليمات غـــبيّه |
اخي فور يو
وربما يتعدى الوضع أن يقول لك شوف اقرب حيطه لاحظ وضع رجال الجوازات على الحدود :( ماتقدر تقول شيء واال سيارتك تروح تشليح نظام ضعيف يسهل معه التلاعب للأسف أهم شيء العلم هلالي والا لا ؟ |
شيء طبيعي اخي فور يو
حيلة الضعيف دائماً يقول " حسب التعليمات والأنظمة " شماعة بالية تخدم الضعفاء ليس لك إلا أن تدعو لهم بالهداية .. . |
المشكله اذا كان النظام لايطبق الا على الضعفاء واللي ماعندهم فيتامينات واو واخواتها..!!
|
شوف اخوي فور يو
اذا العلم هلالي معك حق وهم مخطين وعلى التعليمات من الله ماتستحق وماهي بعيده المسأله عنصرية ولا الضابط المستلم علماني او ليبرالي او من المندسين. واذا العلم غير هلالي فيجب عليك احترام النظام والتعليمات والجندي رجل موظف عنده تعليمات ينفذها واوامر يطيعها قال ماتدخل بالعلم لاتدخل بالعلم والله يعوض عليك العشر ريال اللي دفعت فيه. الكورة في ملعبك |
شف حبيبي فور يو أتوقع والله أعلم أن المباراة بين فريقين والعلم اللي مع البزر حقكم ليس له علاقه بالناديين المتباريين في وقتها !!! فبالتالي يمنع دخول أي شعار للملعب إذا كان لاينتمي لأحد الفريقين .. (( هذا النظام اللي أنا أعرفه )) أما إن كان العلم هلالي فهناك خلاف !!!! وهالجندي ماعنده وطنيه ولا ولاء لدولته ووووووووو نصراوي !!!! ههههههه |
هي جات على الرياضة فقط غالبية الأنظمة ..... انت كمواطن لا تعرف ما لك وما عليك فيسهل التلاعب بالنظام وكل ما لك يصبح ضدك لاحظ القضاء يختلف من شخص لآخر ومن مكان لآخر ابحث عن الواسطة لتحصل على حقك |
اقتباس:
من زمان مارحت للملعب , بس يوم طلبني رفيقي استحيت اقوله لا ... شكرا لمرورك الكريم . |
اقتباس:
اهلا وسهلا عاشق ديرتي بريده من المفترض ان يمشي النظام على الكل , ومن المفترض ان يكون النظام مقنع ايضا ... شاكر لك مرورك . |
| الساعة الآن 03:53 pm. |
Powered by vBulletin® Version 3.8.8 Alpha 1
Copyright ©2000 - 2024, vBulletin Solutions, Inc. Trans by
موقع بريدة