شــــغّــــــالات ســــعوديـــــــــــات ؟!!!! ما رأيــك ؟
أطلت علينا الصحف المحلية بقرار من وزارة العمـــل تدعو فيه وزارة الشؤون الإسلامية للبحث من خلال
الجمعيات الخيرية والأسر المحتاجة عن عاملات منزليات سعوديات لإحلالهن محل العمالة الوافدة .. مع تغيير المسمى الوظيفي إلى ( مديرة منزل ) وتهدف الوزارة من هذا القرار كما يبدو و- بحسن الظن - إلى مساعدة الأسر الفقيرة والتي لا يوجد لديها عائل غالباً وغالباً أيضاً لا توجد وظائف متاحة للشباب فضلا عن الفتيات واللاتي - وغالباً أيضاً - في تلك المجتمعات الفقيرة لا يحملن مؤهلات علمية أو عملية تؤهلن للوظائف المعتادة ..كالتدريس ونحوه هناك من رفض الأمر جملة وتفصيلاً ..هناك من رحّب به بلا تحفظ هناك من مسك العصا من المنتصف وأيد القرار بضوابط حددها كل منهم بشكل مختلف... أنــــــــت ما رأيك ؟ أيّا كان رأيك سأسعد جداً بإبدائــــــــــــه ؛ وكلي آذان صاغية ... ولي عودة أنا أيضاً لتوضيح رأيي إن شاء الله ... بنتظاركم.......... |
رايي لااؤيد ان اتكون سعوديه عامله منزلبه
بس اذا تذكرت اللي تبيع جسمها من اجل المال اقول العامله المنزليه وظيفه محترمه بس والله قهر دوله كلها نفط وكلا يتمنى انه ياخذ الجنسيه فيها ان تعمل نسائهم عاملات منزليه ! |
لا مو سعوديات ابد !!! يمكن بقايا ؟
|
اقتباس:
أنا أشهد شي يقهر والله |
مشكووووووووووورين على طرح ارائكم واسعدني مروركم والله
|
لا أرى فيها بأسًا،فما العيب في وظيفة مدبرة منزل أو شغالة لا يهم الاسم . وكفاكم غرورًا باسمكم ودولتكم أخواننا يموتون فقرًا وأنتم ديدنكم "سعودية تصير شغالة"لا أنقص من قدر مملكتنا الحبيبة لكن الفرق الشاسع بين الطبقات ينذر بشر مستطير!! |
العمل شرف .., والتحصيل من عرق الجبين عز وكرامه .
لا بئس عندي من عمل السعوديه (مديرة منزل) وفق ظوابط بسيطه ميسره . مثل أن تكون من عمر 40 سنه فما فوق .., مثلاً . تكون متزوجه وتعول أطفال .., تحياتي .,’ |
قسم بالله وزارة العمل عليهم غباء مهب على أحد ,, شكلهم محتاجين دورات تعلمهم وشلون التفكير الصح
والله لو أموووت من الجوع ماشتغل شغاله , مابقى الا هي , قال أيش قال شغاله بصراحه وزارة العمل مكلفين على أرواحهم بالقضاء على البطاله , بالله وش فايدة الزكاة بالحاله هاذي جداتنا وهن على فقرهن ماشتغلن هالشغله هاذي |
قسم بالله منتهي الي حط القرار هذا هذا الي ناقص والله هذا الي ناقص والله ياوزير العمل عليه تقليعات ماكنها يعرف المجتمع السعودي وتقاليده |
أمران احلاهما مر
توجد هناك اسر فقيرة لايوجد عائل لها هل تتسول ام تعمل في المنازل لهذه الفئه العمل لهم افضل من سؤال الناس او الموت جوعاً مع وضع ضوابط لحفظ حقوقهن |
اقتباس:
الكل يعرف لو كل الاغنياء طلعو زكاة اموالهم لم يبقى بالدوله فقير !! ليش الدوله مانجبرهم على اخراج الزكاة ! وافرض ان الدوله ماتقدر تجبرهم ليش الدوله نفسها ماتطلع نظام التقاعد المبكر للمعلمه عشان تتوظف البنات العاطلات وافرض ان مو كل الفقراء معهم شهادات ليش الدوله نفسها تعطي راتب شهري لكل عائله فقيره فنحن ولله الحمد نعيش اقوى اقتصاد مر على الدوله فيه حلول كثيررررررررره غير حل السعوديه تصير شغاله بمنزل انت نفسك هل يسمح قلبك لان تقول لسعوديه روحي اكنسي الحوش !!! والله مايطاوعك قلبك ولاقلب كل سعودي خلنا نتكلم بصدق ياخوي ترضى اختك تروح تشتغل عند ناس ! الحين قسم بالله اذا شفت حرمه تبيع بحديقه وقاعد بالشمس قسم بالله يتقطع قلبي من القهر فمابالك تصير عامله منزليه ودي اتكلم بس شكلي طولت بالهرج <<<<<<< منقهر قوووووه |
لويحطون مليون قرارمثل هذا ما راح يشتغلن البنات |
كم راح تاخذ الشغاله 600 ريال ؟؟؟؟؟؟؟؟؟؟؟؟؟؟؟
بدل ماتهين هالجمعيات السعوديات بهالطريقه يعطونهم 600 ريال مو أبرك!!!!!!!!!! مفروض دوله مثلنا لديها أكبر احتياطى نفط بالعالم تخلووووووو من الفقراء والمحتاجين والا شوى بيقولون تروح تشتغل ببرا المملكه وتصير شغاله بفيزا بدول ثانيه تصير أقول كااااااااااااااااااااااااااااااااااااااااااافي بس |
رأي .. وأحنا كد صار لنا رأي بالأساس خلو الدرعى ترعى زي ما هي .. لو تروحين وتجيين وتحوسين وتدوسين وتخلطين عباس مع دباس .. أنت كما هي بالأول لأحد بيسمعك ولا حد بيجيب عليك .. كود تنطمين لك بربعه بالبيت .. وعساك تسلمين من غثاء القيل والقال عنك تحيتي لك ....! |
مثل هذا الموضوع تم طرحه من قبل وكان لي رأي برفض مثل هذا العمل للسعوديات ...
اليوم اتراجع واقول اذا كان هناك من تحتاج وتعيل اسره كأرمله مثلا ليس من العيب ان تعمل خادمه بعدد معين من الساعات ومن ثم تعود الى بيتها واسرتها بعد انتهاء عملها ... |
أرى أن الأمر طبيعي جدا ولكن يجب وضع قوانين محددة ... على الأقل نأمن على أنفسنا من غدر الخادمات ووساختهن !!! |
اقول دام عندنا مثل القصيبي وطقته لا تستغرب اي شي منهم .
بدل ما يحصون المحتاجين ويحسنون معيشتهم يبون بنات الناس تشتغل شغالات .وقد تتعرض لإنتهاك عرضها والذل ممن تشتغل عندهم . |
الله يدووووووووم عزكم على زيارتكم للموضوع وفي الاخير كلن وله رأية وانا رااايي
(البنت في بيت اهلها يكد عليها الوالد الله لا يهينه لين يجي النصيب وياخذها ويكد عليها وماظن ان بناتنا يرضوون بكذا إلا إذا الحاجه خلتها تكوون كذا انا ولكن رايي من الرافضين ) وشكراااااااا على الأراء والنقاش ولا ننعدم من طلتكم يا رب تقبلو تحياتي وحياكم الله |
اقتباس:
لا فض قوك وسلمت يمينك على هذه الكتابه ولكن هل تنظر الاسره الفقيره هذه الحلول التي شبه مستحيله وتموت جوعاً او تتسول ام تعمل لتحفظ ماء وجهها وتعيش كما قلت أمران أحلاهما مر تحياتي لك |
الله يسلمكم على روح النقاش اخواني
ولا عدمناكم |
كنت في سفر قبل فتره و قابلنا المان قالوا لنا فب معرض حديثنا معهم ..
انكم سعوديون و اقل واحد فيكم عنده ثروه تقدر بنص مليون دولار ! فلما راى استغرابنا اكمل قبل ان نرد ... انتم تملكون النفط. فعلا تملك ارضنا النفط !! لكن غلاء المعيشه و البطاله وانعدام الوظائف كلها تجعل تلك العوائل التي تتضور جوعا تبروز قطره نفط وتجلس امامها ببؤس يتساقط افرادها تلو الاخر! لا عيب في العمل كخادمه بضوابط تحفظ للعامله كرامتها و سلامتها . شكرا اختي عاشقه الطير |
شرفني حظورك اخوي والله ولا عدمناك
تحياتي |
لا ما يصلح السعوديات شغلهن بمطبخهن << حق بيتهن بس ولا لهن اي شي ثاني
ودمتـ بود |
الله يسلمك اخوي على طلتك وعلى راييك ولا عدمناك يارب
تحياتي |
الساعة الآن 10:14 pm. |
Powered by vBulletin® Version 3.8.8 Alpha 1
Copyright ©2000 - 2024, vBulletin Solutions, Inc. Trans by
موقع بريدة