منتدى بريدة

منتدى بريدة (https://www.buraydh.com/forum/index.php)
-   ديوانية الشعر والأدب (https://www.buraydh.com/forum/forumdisplay.php?f=29)
-   -   مقهى الديوانيه الادبي : (https://www.buraydh.com/forum/showthread.php?t=358272)

نبوي 17-04-16 10:16 pm

موووووووووووفق

سلطانة الغيد 19-04-16 07:44 am

العمـر يمشي والليالـي تسـابـق
والظلم فـوق متون الايـام يطلـع

لـو اختلفنـا فالمصيـر , نتطابـق
فالخاطر (المكسور) والحظ (الاصلع) !

وش خانة الأحـلام والموت لابـق؟
الناس تشبع غبـن والأرض تبلـع !

كروومه 21-04-16 03:09 am

‏من باعنا بين العرب ماشريناه
‏وصله وقربه مثل بيعه نبيعه
‏:
‏واللي شرانا بالمعزه رفعناه
‏اسلومنا هذي وصارت طبيعه

سلطانة الغيد 24-04-16 10:30 am

إنتبه تطوي شراعك قبل توصل للأمآن
لا خذلك الوقت قل له الأمل بالله كبير

ابتسم رغم الظروف ورغم عن أنف الزمآن
ماخلق ربي عسير الاخلق بعده يسير

كروومه 22-07-16 04:11 pm

'









‏لاهتز غصن الشعر ثم غنت طيوره
‏اخذ مع القاف والهاجوس لي سجه
'
‏ذوقي وذوق القصيد وبعض جمهوره
‏احسب حسابه قبل يلقى علي حجه

عبدالله ون 28-07-16 02:16 pm

لك في سكون الليل طاري وحزه

كروومه 28-07-16 06:51 pm

‏لغة غلاك اللي طغت داخل البوح
‏ ترسم لعشاق الهوى مفرداتي

‏ دام الشعر يتنفسك داخل الروح
‏ ارتاح يانبض الغلاوسط ذاتي"

طبيبة القلوب 30-07-16 08:06 pm

‏اشتقت للفجر القديم اشتقت لأيامي معك ..
‏اشتقت للوقت الطويل اشتقت تحكي واسمعك

كروومه 31-07-16 01:24 am

‏لا هنت يا حظي مقدّر ومحَشوم
دام اكثر الاصحاب مافيه ثمَره

عمر الغلا لاجل المصالح ما يدوم
يعطيك وجهه ثم يلقيك ظهَره

عبدالله ون 31-07-16 10:11 am

كل ما فكرت القاني حزين
وكل ما اعشقكم بدوني ترحلون
عقرب الساعه وانت والسنين
لا مشيتوا صعب جدا ترجعون

كروومه 02-08-16 01:35 am

‏حنا نسامح والمسامح . . ترى زين
من لا يسامح ماكسب فالزمن حي
/
عشت الحياه وحكمتي بين قوسين
بروح من الدنيا وأنا مامعي شي !

عبدالله ون 02-08-16 09:28 am

تعال لك بالقلب حب ومقدار
بعيوني وقلبي وروحي رضيتك
تعال لا تذبح فؤادي بالاعذار
تعال يا حب بروحي فديتك

كروومه 10-08-16 01:22 am

‏الجرح ينزف لك قصيد وقوافي
بـ احساس شاعر طعنتك اثرت فيه

والعين فيها شي مازال خافي
دمعة غلا مدري فراق ومشاريه

عبدالله ون 10-08-16 10:10 am

فيني جفاف سنين ما تت به عروق
وفيني صحاري ما تبي غير مزنك

محمد بشير 13-08-16 11:30 pm

ممتاز
 
كلمات جميلة رائع


الساعة الآن 09:49 am.

Powered by vBulletin® Version 3.8.8 Alpha 1
Copyright ©2000 - 2022, vBulletin Solutions, Inc. Trans by
موقع بريدة