منتدى بريدة

منتدى بريدة (https://www.buraydh.com/forum/index.php)
-   المجــلس (https://www.buraydh.com/forum/forumdisplay.php?f=2)
-   -   خلونا نسويها ونعرس على الثانية والثالثة والرابعة...................... (https://www.buraydh.com/forum/showthread.php?t=121529)

ابوخالد382 08-08-07 01:37 am

خلونا نسويها ونعرس على الثانية والثالثة والرابعة......................
 
صبحكم الله بالخير....ورجاءا الأخوات المتزوجات لايفهمنن غلط....إسمعن السالفه وأنتن إحكمن......
كنت في حفلة زفاف في الرياض وكنت أجلس بقرب رجل كبير سنا وقدرا,وبطبيعتي فأنا أحب مجالسة الشيوخ الكبارلأنني أحب أحاديثهم وتجاربهم وكفاحهم في الحياة.....مالكم بطوالته....الرجال من ضمن كلامه لي,,,قال لي :ليش ماتعرس وتأخذ لك زوجة ثانية؟؟
قلت والله الحمدلله عندي أم خالد,,تسوى عندي كنوز الدنيا,وماقصرت معي ,لها مواقف مستحيل أن أنساها في حياتي...قال:أنا أعرف ذلك ,,,أنت ياوليدي مافهمت قصدي...أنا أقصد البنات ماليات البيوت ياوليدي وقعدن ,,والبلى بشباب هالوقت ,مهب راعين زواج...جتهم مع كل يمه(يعني مع كل صوب) بطالة وغلاء وزد على ذلك شباب هالوقت مهب راعي مسؤولية ولايقدر يفتح بيت,,ماغير متسدحين بهالإستراحات عند هالقنوات وسهر إلين الفجر ونوم حتى المغرب,,وهذولي الشباب بصراحة مانقدر نعطيهم بناتنا وهم عيشتهم كذا,,ولاتنسى ياوليدي الخمور والمخدرات إلعبت ببعض شبابنا,,,,,لكن أنتم ياللي سبق وتزوجتوا وقطعتوا شوط من تكوين مستقبلكم ,,,الحمدلله أنت موظف ومرتبك عالي وعندك بيت ملك ,,وماينقصك شيء تزوج وعندي لك بنت,,,وياليت ياوليدي كل اللي مثلك لوتزوج وأخذ الثانية ,,كان حليتوا مشكلتي أنا وآباء كثيرين يعانون من معاناتي.......وهالحين ياشباب المنتدى وش رأيكم بكلام الرجال؟؟؟؟
ياشايب سمنسي خلنا نسويها وننقل تجربتنا للآخرين.....ودمتم بخير.

شموع تحت المطر 08-08-07 01:48 am

شايب سمنسي>> معرس وهو اشغلنا يبي يعرس اثرة يبي ثانية

وجع يوجع العدو... صدق انكم ماتستحون....

اعرسوا غديكم تلهون بالحريم ووجع الراس.

قصمنجيه 08-08-07 01:52 am

يا حليله... يبي يعرض بنيته وحط حرته بالشباب . :4[1]:

رحيل 08-08-07 02:15 am



أقول تعلث بس بكلام الشايب
مير الله يرحم حال أم خالد ويأخذ حقها منك
ليتني أعرفه والله لا أشبها عليك وأخليك بدال ماتدفع الفلوس لجيب مرة ثانيه
تدفعه رضاوه تجيب مرتك من بيت أهله
ذكرتني بواحد تزوج على زوجته يقول ابي الأجر بكفالة الأيتام <<<<المره عنده عيال
عاد أنت لانويت أكفل أيتام علشان يصير الأجر أجرين <<<<ولا ماقاله الشايب
(مع كل هذا ما أنكر بفايدة التعدد )
مع أني أدري أن هدف التعدد شئ وهدفك شئ ثاني

نـدى الـورد 08-08-07 02:17 am

>> تكره طاري العرس من

حرمه ثانيه :e5:

عموماً ابو خالد

الي اقدر اقوله لك لو انك بتقدم على هذي الخطوه المميته لقلب ام خالد

العدل

ثم

العدل


لاتنسا تعزمنا على العرس


,

ابوخالد382 08-08-07 02:41 am

اقتباس:

المشاركة الأصلية كتبت بواسطة شموع تحت المطر (المشاركة 1256577)
شايب سمنسي>> معرس وهو اشغلنا يبي يعرس اثرة يبي ثانية

وجع يوجع العدو... صدق انكم ماتستحون....

اعرسوا غديكم تلهون بالحريم ووجع الراس.

ياأخيتي شموع,,,أنتي ماتدرين إن الشايب ميتتن عجوزه سنة السبله,,,يعني هالحين هو شايب عزوبي يدور على نصفه الآخر.....يقالنا ماكبينا عيشك يالشايب!!!!!!!!
بس ماقلتي رأيك حول زواج المتزوجين والمساهمة بحل مشكلة الفتيات اللي تارسات البيوت.....دمتي بخير.

رومنسيه وكلي حنيه 08-08-07 02:41 am

خخخخخخخخخخخخ
والله حطه على يمناك هذا الشايب
كلامه حكمه للأجيال القادمه من طرف واحد فقط ..
طيب هذا الشايب عندما ذكر بكلامه لك أن الشباب راعي تبطح بالإستراحات وسهر أمام القنوات
ليش ما ذكر سلبيات بنات الأندومي اللي هم بنات هالوقت
أنا اللي أشوفه أن شباب هالوقت يتفوقون على بنات هالوقت بأشياء كثيره ..
تبغى الحقيقه البنات كابات كب بهالبيوت منتالي
والموضه اللي أنا ملاحظتها كثير أن أغلب البنات من ضمن شروطهن للزواج أنه يكون معاه زوجه أخرى .. يعني يكون كبير بالسن .. عشان يكون قادر على معيشة هذه الإنسانه ومقتدر بحلول كل مشاكلها الماديه

هذا والله أعلم ..

تحيتي والسلام

ابوخالد382 08-08-07 02:45 am

اقتباس:

المشاركة الأصلية كتبت بواسطة قصمنجيه (المشاركة 1256579)
يا حليله... يبي يعرض بنيته وحط حرته بالشباب . :4[1]:

طيب ياقصمنجية بما إنك من بنات حواء,هل صحيح ماذكره الرجل من تكدس للفتيات وعدم ثقتهم بشباب هالجيل,,,وهل تؤيدين زواج المتزوج؟؟؟؟؟دمتي بخير

العصامي 08-08-07 02:48 am

إستغفر الله يا أبو خالد 382

ماهقيته تجي منك 00 أنت تشجّع على الزواج من ثانيه ؟؟ !!!
أنــا ضد هذا الرأي واللي يتزوّج ثانيه لاتسلم لي عليه 00
أم العيال وبس 00

خلف المعطف 08-08-07 02:57 am

الله يهديك بس يا ابو خالد

والله اني رحمت ام خلودي المسكينه ياليت تدخل الموضوع وتعرف الي مستخبي

قصمنجيه 08-08-07 03:02 am

اقتباس:

المشاركة الأصلية كتبت بواسطة ابوخالد382 (المشاركة 1256671)
طيب ياقصمنجية بما إنك من بنات حواء,هل صحيح ماذكره الرجل من تكدس للفتيات وعدم ثقتهم بشباب هالجيل,,,وهل تؤيدين زواج المتزوج؟؟؟؟؟دمتي بخير

محدثك الشيخ فيه عور شديد ...
كونه تحدث عن مثالب الشباب و نسي الفتيات ..!!!
أما من ناحية تكدس البنات و عدم ثقتهن بالشباب , فهذا يحصل أيضًا بالطرف الآخر اللي هم الشباب ..
عزابية وعدم ثقة بالبنات , ((اللي ماهن مثل حريم أول على قولتهم ))
بمعنى إن الأزمة أزمة جيييل , و ليست مقتصرة على جنس معين .. و عدم ثقة متبادلة أيضًا
فشيخك لو أنه أعطانا القضية من كافة زواياها
وليست من الزاوية التي تريحه و تحقق مطلبه لكن أجدى لنا ...

زبدة الهرج ..
الشباب عطالية و عدم تحمل للمسؤولية ..!! يعني فقر وغلدمة
البنات يطقن لهم بأصبع ...!!!
هناك خلل بالتأكيد , أين هو ..؟؟؟ بعيدًا عن عور شيخك .

أما عن رأيي في زواج المتزوج أو هواة التعدد
فلا نملك إلا أن نقول (( الله يجعل قصيرنا منهم المسلم المؤمن :p))

ابوخالد382 08-08-07 03:05 am

اقتباس:

المشاركة الأصلية كتبت بواسطة رحيل (المشاركة 1256610)


أقول تعلث بس بكلام الشايب
مير الله يرحم حال أم خالد ويأخذ حقها منك
ليتني أعرفه والله لا أشبها عليك وأخليك بدال ماتدفع الفلوس لجيب مرة ثانيه
تدفعه رضاوه تجيب مرتك من بيت أهله
ذكرتني بواحد تزوج على زوجته يقول ابي الأجر بكفالة الأيتام <<<<المره عنده عيال
عاد أنت لانويت أكفل أيتام علشان يصير الأجر أجرين <<<<ولا ماقاله الشايب
(مع كل هذا ما أنكر بفايدة التعدد )
مع أني أدري أن هدف التعدد شئ وهدفك شئ ثاني

يعني يارحال أنتي من الحزب المعارض,,,طيب أنتي تعرفين هدف التعدد ,,,وأنا هدفي هو هدف التعدد اللي ذكرتيه,,,وإذا تخبرين لنا أم أيتام نكفله ,بس بشرط عنده بيت ومسيار,,,,لكن الزواج اللي أتحدث عنه هو أن أغلب الفتيات يردن الزواج من المتزوج لفقدها الثقة بشباب هالوقت....دمتي بخير

توتي 08-08-07 03:08 am

الله يقويكم

بس تراي ابرووح معكم بشهر العسل ودي اتفرج واسافر من زمان ماسافرت << والله ياهو نشبه خخخخخخخ

ابوخالد382 08-08-07 03:10 am

اقتباس:

المشاركة الأصلية كتبت بواسطة رومنسيه وكلي حنيه (المشاركة 1256663)
خخخخخخخخخخخخ
والله حطه على يمناك هذا الشايب
كلامه حكمه للأجيال القادمه من طرف واحد فقط ..
طيب هذا الشايب عندما ذكر بكلامه لك أن الشباب راعي تبطح بالإستراحات وسهر أمام القنوات
ليش ما ذكر سلبيات بنات الأندومي اللي هم بنات هالوقت
أنا اللي أشوفه أن شباب هالوقت يتفوقون على بنات هالوقت بأشياء كثيره ..
تبغى الحقيقه البنات كابات كب بهالبيوت منتالي
والموضه اللي أنا ملاحظتها كثير أن أغلب البنات من ضمن شروطهن للزواج أنه يكون معاه زوجه أخرى .. يعني يكون كبير بالسن .. عشان يكون قادر على معيشة هذه الإنسانه ومقتدر بحلول كل مشاكلها الماديه

هذا والله أعلم ..

تحيتي والسلام

بس ياأخيتي رومانسيه....القصمنجيه لها رأي آخر,,,,,لكن أعجبني رأيك الصريح رغم أنك أنثى وتحاكين واقع بنات جنسك....وفعلا أنا أعرف مسبقا أن الفتيات يرغبن بالإقتران من المتزوج أكثر,والسبب واضح....سرني مرورك الكريم

DaRk MoOn 08-08-07 03:12 am

ايـــه زين الوااحد يصك له اربع بس يعدل بينهن مو زي بعض الناااس ما اخذ له اربع وشغاااال تطليق ويعرس ماتقل حريم .الحريم عنده نـــعال الله يكرمكم لا مل منه غــيره . انا دايم ادعى يا جعلي بوحده ما اشوووف غيرهاااا وجعلي ما اردد

الصدر ضايق والمعازيب قشران € والبوك فاضي والمره عند أهلها


الساعة الآن 04:59 pm.

Powered by vBulletin® Version 3.8.8 Alpha 1
Copyright ©2000 - 2019, vBulletin Solutions, Inc. Trans by
موقع بريدة