|
ياويلك تعرس مره ثانيه !
[align=center]:x17:
اعضاء منتدى بريده الحلوين اليوم تزوج واحد من قرايبنا على زوجته وعمر زوجته الجديده فوق الـ 37وكل اهلي واقاربي يهوشون عليه ويقولون وشوله يعرس لاكن الرجال مؤيدين زواجه وبقوه وانا طبعاً انضميت لصوت الرجال ومؤيده معهم بحجة انه حرام البنت تجلس ببيت اهلها لان الرجال اقل من النساء بكثير ,ولان البنت يضيع مستقبلها وهي تكمل تعليمها وبعدين لاتخرجت من الجامعه تقول لا ودي اتعين قبل ولا القطار قد فاته ,, وبكذا تتعدى الثلاثين وهي ماتزوجت عاد تعرفون الشباب مستحيل يتزوج بيت متعديه الثلاثين الا ماندر يعني ماله الا رجل لديه زوجه ,, والبنت لها احاسيس ومشاعر مثل الزوجه الاولى وده يكون لها مملكه خاصه بها وزوج واولاد ,, يعني مفروض الي تتعدى زوجته سن الاربعين يتزوج على بنت عمرها35 او اقل ,,لاكن الحريم انانيات و مسويات حصار على ازواجهم وياويل بنت ابوها تقرب لم زوجها ,,ليش الرجال مايحيون سنة الرسول الكريم بالتعدد ! ارائكم تهمني ××××××××× ,,,[/align] |
يارب يعرس عليك رجلك عشان تنبسطين وتعيشين بسعاده ,
|
كفوا والله ..... |
اقتباس:
خلاص وش ابي به تلقى كل الامراض فيه ضغط سكر ..الخ يروح يبلش مرته الجديده وانا استانس كل يوم عند ولد من عيالي [/align] |
اقتباس:
|
أهلا جوان00
الزواج من ثانية أمر صعب 0 فالزوجة الاولى تدخل في احراجات مع الاخر من النساء مثل ليش تزوج عليك وخلافه وهنا من الجميل أن لايأتي نساء اخريات ويجرحن مشاعر الزوجة والنظرة لها بانها مقصرة أو خلافه0 فمثل ما أنت تريد ان تعيش بسلام يجب أن تقدر وضع زوجتك وبان لها الحق بالعيش مثل ما أنت تريد0 تحياتي لك0 |
اقتباس:
لآن من اعمارهن في الاربعين الأن اولادهن في سن مادون العشرين 0 تحياتي لك0 |
هلا فيك يام جوووان
ايش عرس ثاني ياحلوه لايمكن ارضى انه زوجي يعيش مع وحده غيري وهي الضره سهله يعني مو طمع ولا انانيه عادي زوجي يحب امه يحب اهله بس زوجه يعطيها نفس اللي يعطيني لا وانا بصراحه اعتبر الرجال اللي يعرس على مرته انه يهينهاا وانا كل عمري ببيت اهلي معززه مكرمه يجي هو باخر الزمن يهينن لا والله بعيده عن شنباته بعدين ايش بعد الاربعيين يتزوووج هي على كيفه ياخذني لحمه ويرميني عظمه لاتزعلي مني ياحلوه لانه سالفة العرس الثاني تنرفزني |
انا بصف جنبك ياجوان
ويمكن أحسن منك ... بزوج زوجي .. ثلاث بعدي ويكون بعلمك ... ماللحب الا للحبيب الأولي *_^ يعني الأولى مكانها مايتغيـــر ... << احزاب خخخخخ |
جوان السبب من الزوجات انتم بس اطلقن العنان لهم والله ما تشوفين العنوسه ليصير به ازمه بالبنات مثل ازمت الطحين بالايام اللي فاتت لكن مشدات الحصار اقوى من امريكاء على ايران لكن تبين الجد ليت النساء كلهم زيك |
أختـي جـوان: بودي لـو أعـرف رأيـك بعـد أن تتـزوجـي!!
من المؤكـد أنّـه سيتغـيــر .!! طبعـاً أنـا أود أن تنتشـر هـذه الثقـافـة في مجتمـع النسـاء لكـن الـواقـع ينفي ذلك ,ليس واقع نساء وقتنا الآن بل واقـع النسـاء بشكـل عـام حتـى في عهـد الصحـابـة, وأفضـل النسـاء من تـرضـى بالتعـدد دون أن تحبـه . |
زميلي اخبر زوجته برغبته بالزواج امراه ثانية !! وان الامر منتهي .. لم يكن مقصرا معها ومع ابنائها فما كان موقف المرآه الا ان اشترطت عليه : بعدم معرفة المجتمع الذي حوله بزواجه الي امدا قريب ! فوافق على ذلك الشرط . اتفق مع عبدالله 30 اقتباس:
بالنسبة لي ارى ان المرآه انانية ما دام الزواج قائم بواجباته نحو زوجته وبيته وابناءه . تمنياتي لك بالتوفيق |
والله معك حق ياجوان والله من تجربة انا الوالد تعب ولا امي اصغر منه بشيء بسيط فهي ماتقدر عليه والله هي هالحين تقول ليته معرس علي على وحده اصغر مني،حنى علاجه ماتعرف له ،وهي ضعيفه ماتقوى عليه ،بعد ماشفتهم كذا اتمنى ان زوجي يتزوج علي بس ابغاه بعدل ومايظلمني
|
جوان والله :23_28_100 والله لو يسمعنك هالحريم ان يقاطعنك
بصراحه احيانا اسأل نفسي ليش شي حلال والرسول صلى الله عليه وسلم مسويه وذكر بالقران ومع ذلك لايرضن به اطلاقا اكيــد بيقولن لأن مافيه عدل ,طيب لماذا الحكم قبل التجربه . لكن انشاء الله يسمعن نصيحتك ويغيرن رايهن ,جوان تصدقين اللي عمره فوق الخمسين ماتبي زوجه يتزوج وتنهبل مادري وش تبي فيه ...ننتظر الشباصات وش يقولن الله يعينك عليهن... |
جوان والله أنتِ غريبه ..................... يعني شوفي كل الحريم وأولهم أمي مايحبون طار عرس ...(انتي شخص غريب ) شوفي عني انا احس ماابي لانو طبيعي بخاف انو مايعدل والا اخاف يحبها ويميل كل الميل وصدقيني طاري الناس ماراح يهمني بقدر مايهمني تعامله معي ... اذا كان بيعدل وبيتزوج وانا اربعينيه وبيجيب لي سواق وخدامه ومسكني في بيتي مع عيالي ومو مقصر بحقي يمكن اقبلها ولو اني بعد بخاف يبعد عني وعن عياله عموما مابي ابوي يتزوج على امي <<<فيني ولا ف امي :( |
| الساعة الآن 12:37 am. |
Powered by vBulletin® Version 3.8.8 Alpha 1
Copyright ©2000 - 2024, vBulletin Solutions, Inc. Trans by
موقع بريدة