|
ياحول .. ياللي ماله عشيق ..!!
الحب لغيرك حرام ... والبسمة لغيرك اجرام ... كتبت أبيات الغرام ... حبك في قلبي وسام
أخوتي الأكارم .. السلام عليكم ، سجلت ملاحظاتي و تمنيت مشاركتكم لي فيها .. و أحببت أن أبدأ بتلك العبارات ^^^ أينما ألتفت حولي .. لا أجد سوى .. مشاعر تنزف .. و عيون تدمع .. و قلوب حب كبيرة طائرة بالهواء و جروح عميقة .. و طعنات هوا .. و أشعار أشعار أشعار .. الله وكيلكم تعبت من المشاهدات هذه .. !! ياورد من علمك تجرح ؟! .. و يا قرد وش طيحك بالغزل .. ! .. و يا أبله .. وش فهمك بالحب ؟! الكل اليوم أصبح : شاعر !! و الظاهر أنه لا يشعر بغبائه و ثقل دمه ..! جميع الفتيات .. معاشقات .. !! ويشهد عليها كتابها .. و جوالها .. و مخدتها اللي اغرقت بدموعها ..!! يامال الضّعفة .. اعشقي العفة .. اعشقي أمك و أبوك .. أعشقي دروسك .. جماهير مجمهرة .. من شباب الأمة .. عاشق و معشوق .. هه وش فهمك بالأحاسيس يا فطفوط ؟! بالأمس تسرق مفاتيح سيارة أبوك .. و كل يوم و الثاني مقبوض بتهمة ( إزعاج كفرات ) ..! واليوم عشان أخضرت شواربك .. صار لازم تضبط المرزام و تصيد الغزلان ؟! الله يرحم أيامك يا عليّان و سعيدان ..! تقول : أحبك لو يموت الحب و تصير القلوب قبور أشوف الحب هو موتي و أشوفك انت تابوتي هه أمحق عاشق .. هذا كئيب جداً .. الله يعين اللي تحبك ! رسمت الدنيا بعيونك وتهت أنا من دونك حلفت إني ماخونك أحبك موت وأصونك مممممم أتحداك .. أتحداك .. قال ماخونك قال .. ترى مرقم 800 وحدة غيرك ! الشمس ترسل "حبا" ذهبيا والقمر يرسل "حبا" فضيا وأنا أرسل لك حبا "أبديا" هه بكره يعزمك على عرسه .. و يرفعك في درج خاص بــ التالف .. ** في المنتديات .. بكل ثقة .. يعرض صورته ، و يكتب تحتها بيتين غرام .. يا أخي الكريم .. ماعمر أحد قالك تراك شين ؟! أو تصدق كلام اميمتك إذا قالت : أنت أحلى واحد بالجماعة ..؟! يعني لو وسيم شوي .. مايخالف مايضر .. ولو أنه بيعاني من مسخرة الغيورين .. بس شين و يسوي زحمة كذا .. ليه ياربي !؟ وهي تعرض صورة تقطع القلب .. و ( أنا اللي سهرني الهوا و جفاني النوم ) .. وشرط إنها تنام 16 ساعة باليوم .. ماجابت خبرك ..! يا أخوتي انا تعبت من هالحالة .. معقول انا صح و كل العالم غلط ؟! انا بس عاقلة .. و الناس مجانين ؟! المشاعر كانت و ستظل مخفية .. خاصة جداً .. ليست عرضه للجميع .. ولا تستنزف بشكل قبيح رخيص .. ليه نسمح لأي من كائن أن يطلع على أسرارنا ؟! ليه نبيع مشاعرنا الغالية بثمن بخس ؟! ليه نرخص أرواحنا للي يسوى و اللي مايسوى ؟! ليه مضطرين إدعاء الرومانسية ؟! ليه نعود أنفسنا على : آه آه .. مظاليم الحب .. و الحزن و الفراق و الذل ...؟! ليه نشوه الكتب .. الجدران .. التشات .. الجوالات .... حتى الريالات ماسلمت من أشعارنا ؟! أنا عكست التيار ؟! أو التيار ما يبيني ؟! ما أقول إلا : Je n'voudrais pas qu'tu crois que je t'attends جونو فودغيه با كو تو كغوا كو جوتا أتوه لا أرغب أن تعتقد بأني أنتظرك هه .. بالفرنسي عشان نغيّر شوي :) |
(ياذاهبة إلا عن الصدق ..سلااااام ) !!
فراااغ وعقول خاوية .. مشاعر زائفة ...وقنوات بائســة شعراء بالهبل ...ميوعة زائطة إعلاااام فاســد ...شباب كاســد الكل عم بيحب ياذاهبة ...كله بيموت بالعشق والهيام شوفي كيف حنا هدف لكل قنوات الفضاء السخيفة إعلانات السعودية بالقنوات اللبنانية ..! ليه ياذاهبة ؟؟ من شان أحنا الشعب الياباني ...صاحب الصناعة والتقدم الحضارة المذهلة !! لا لا من شان أحنا يالسعوديين شعب الله المختار !! (الحب كله حبيت فيك ..الحب كله ) صار الحب الوهمي الزائف الوقتي الشهونجي شعار مرفوع يطرقه شعراء الغفلة شعراء الدجل ...شعراء الطرارة والنصب والكل يطبل لهم ..ويلهث لسماع شعرهم الساحر ! فنان العرب سعودي ...ملك العود سعودي ...شاعر الحب سعودي كله سعودي سعودي ....! مسابقات الشات ....ودردشة الشات ..ومغازل الشات كله سعودي ...كل بطولة خلفها سعودي !! أيــه الحكاية ياقمــاعة ؟؟ شرا لك ياذاهــبــة ...يامبدعة ..! |
الذاهبه
الظاهر انك انتي معدومة الاحساس القلب مايعرف صاحبه اذا حب وبعدين يوم تقولي اعشقق امك وابوك هاذي صراحه كلمه احس انك ماخذتها من شيبان وعجز مهب انتي ولاغيرك يعرف بفلب الواحد اذا حب وتعذب شغل اول شغل شيبان وعجز امشي انتي على قانونه لكن حنا الحين بوقت حب وغرام نحاول ننسى فيه كل شي يكدر جونا ونبي نعشق اي شي نشوفه مادام فينا طاقه توصلنا للشي هاذا واكثر اسباب الاحباط وعدم الثقه بالنفس وهاذا اهم شي كلاااااااااااامك اللي كتبتيه ابكمل كلامي لكن مافيه وقت؟؟؟؟؟؟ تحياتي اخوووك صدى صوتها |
[align=center]
الاستاذه الذاهبة ياويلك من شعرالعاشقين ترى مره شديد وفيه خيالات وتعبير!!! الصورة هذي تراها صورة اخية أومسوي فيه مكياج خاص للعاشقين! الم تسمعي بعشق قيس ل (ليلي ) ماالغرابة اذن في هذالعشق النقي !!!!!!!!!!! تعرفين استاذتي والله يهون الأخ هذا عندقناوات 000 بدون صورة ويقول (اناوسيم وحلووأقدرالحياة الرومانسية والنرجسية والبنفسجية ولا أعترف باالطلاق ها من تقبلني بسرعة ترى اناعاشق للحياة اتمنى لي عودة للتعقيب والله موضوع جميل ورائع واسلوب ساخروهادف تم صياغته بقالب كوميدي ولااحلى دام حرفك وعطائك [/align] |
الأخت المتميزة الذاهبة
تعليقاً على عنوان مشاركتك أقول وبكل صدق ((ياحوووول لمنتدى مافيه مشرفة مثل الذاهبة )) تعليقاً على موضوعك أقول أحسنتِ الإختيار والطرح كماتعودنا منك دائماًعلى الرغم من أننا أمام تحديات كبيرة في هذا العصر إلا أنه مازالت الإهتمامات من قبل بعض الشباب تنصب على العشق والغرام ومع ذلك أقول لكل جيل اهتماماته ضارباً بعرض الحائط جميع الظروف المحيطة به. المشاركة القادمة إتحفينا بلغة جديدة !!!! دمتِ بألف صحة وعافية ودام الطرح المتميز. |
العاشقة للأم و الأب / الذاهبة
لاشك أن كلامك كان بشكل عام , بأن الجميع بدأ يعلن أنطلاقة الحب و بدأ يجول و يصول في مضمار الحب و الكثير من الشباب و الفتيات يجوبونه منهم من يخدع نفسه و منهم مع الخيل يا شقراء !! لكن يجب أن لانبخس حق المحبين يجب أن لا نتحامل عمن يحمل في قلبه ذرة صدق و فاء هناك من قلبه صافي لذلك سطورك جميلة و تحمل حقيقة موجودة في هذه الأيام , و على الرصيف الآخر هناك من حبه حقيقي .. لكن ليس بالشكل الموجود الآن .. مع الأسف سلمت أناملك : الذاهبة |
ينصر دينك ذاهبة.....
أنا شعرتي حمراء يا اخيتي ... إن قلت شي قيل وش يبي هالجلف اللي ماله قلب... المتصفح هذا يدقدق للاستهتار والتريقة يا ذاهبة!!.. تسمحين نطلق العنان ....او اصف على جنب وانا ساكت؟ |
الذاهبة0
أنتي هنا تقولين الحقيقة0وهذه الحقيقة قد يكون لها أسباب؟ الود لك0 |
يا حووول يا اللي مااااااافهم كلام الذااااهبه
كلاااام رااائع صراحه سطرتي ما يعاااانيه البعض دمتي لنا أختا غاااااااااااليه دمتي بووود الذاااهبه |
ماشاء الله تبارك الله
حياكم الله جميعاً .. نورتونا :) مرة من المرات .. دق جوالي رقم غريب .. الساعة 10 الصباح قلت في نفسي .. اكيد هذا اتصال هام .. من اللي رايق يغازل ع الصبح .. و رديت .. نعم ؟ قال جوال خالد ؟ قلت لأ .. و قفلت ياناس ما امداني أقفل .. أرسل لي مسج ( أحبك ) الله يلعن أصلك يا زلابة عسى يحبك عزرائيل .. <<<< قشرا إذا عصبت .. و إذا ماعصبت بعد هه طبعاً مارديت عليه لعله يتوب و لكنه ماتاب و اخذ يرسل مسجات غبية .. مما دعاني لاتخاذ الإجراءات اللازمة .. حيث أحلت رقمه إلى السكرتير حقي ( هامان ) وتم طي قيده .. هذا اللي أقصده يا أخوتي .. ما فيه أسهل من الحب هاليومين .. شيء متوفر و سهل و على الكيف .. |
[align=center]
لمبة شارع بعدالسلام والتحية عساك بخيروصحة لكن وين قلبك راح ولاعلشان قلت كلمتين صارمالك قلب تصدق قلت عشركلمات يعني مالي وجود!!!!!! [/align] |
يعطيك العافية على الموظوع |
الاخت الكريمة الذاهبة00تحية طيبة0
حتى المعني بما قلتي00 قد يقول ويردد ماتقولين!!! تحياتي لك0 |
الذاهبة
هناك مثل شائع ينص على : اللي ايده بالماء غير اللي ايده بالنار ومثل آخر يقول : النار ماتحرق إلا رجل واطيها ووووووو ... الخ الحب لعبه بيد البعض وموضه يرتديها البعض الآخر وحقيقة مره يعيشها بعض آخر وشئ ليس ذا قيمة عند مثلك يحق لك الحديث عن العموم بسبب انتشار الصنف الأول والثاني وندرة الرابع وغياب الثالث عن الواجهه او بالأصح اختفائه خلف الصنفين الأول والثاني وضياعه بينهما لكن الحقيقة التي لايمكن تجاهلها ان الحب سيضل محل خلاف واختلاف وموضوع يحرض على الحوار والجدال وحتى الهواش تحياتي |
[align=center][align=center]
اقتباس:
لو اردت قول مثل هذا مااستطعت .... .[/align][/align] |
| الساعة الآن 08:15 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة