|
(( رب النــــــــاس ولا قفـــــــرة عشـــــــــنا)) ...
مسيكم بالخيرياعمال لعماليه... عطونا بنتكم الحلوه والزينه ...... أكملو النص .. .ههههه <<ذكريات جميلة
أنا كنت بمسيكم بس مسكت خط...:a2: ****************** اليوم عندي مثل رائع ومعروف قديم مازلنا نردده (( رب النــــــــاس ولا قفـــــــرة عشـــــــــنا)) ... يضرب المثل عند الاحتقار أو توضيح لعدم الاهتمام على قولة((ماقام عندي ولا قعد....؟؟)) كمثل قول (( وفلان عااااد ..:d5: ؟؟ رب الناس ولا قفرة عشنا )) تــرجــــمة المـــثل :17[1]: رب الناس * .. جل جلاله وتقدس أسمائه قفرة عشنا *... ((القفرة )) هو اللحم المجفف المالح ..ومعروف العشاء* ... الطعام... أو الأكل ..الفنك طبعا أهلنا الاوالين .. يكدون يتعبون لجل للقمة العيش .. أهم ماعندهم الصلاة بوقتها... وزاد اليوم موجود هذا اهم شي ... .يعبدون الله على الفطرة والقلوب صافيه ... وغفلتهم كانت على جهل ... اللحم من الأكل النادر بزمان أول ... وين اللي عنده للحم عساهم يحصلونه في عيد الأضحية .. من قلة وعدم توفره تلقى الجد أو الجدة يوصي ورثته بالأضحية ((شروط تعجزيه )) تلقاه يقول ؛؛؛ وصيتي من سكن بيتي يضحي عني وعن أبوي وعن أمي وعن عن... ((يارب لك الحمد والشكر على النعمة اللي حنا فيها ... الحين أبو ( خمس طعش سنة يضحي عن نفسه )) ويجي عيد الضحية والثلاجات مليانه..من كل نعمة... للحم وسمك ودجاج وغيره من الأكلات المحفوظة ومجمدة ((فحمدو الله وسجدو له فوق رأس الطعميس )) ******************** ... تذكرت قصيدة. خالتي.((أم زوجي )) عطتني وصيتها على شكل أبيات .. بنقل لكم بعضا منها توصي (( أعيالها )) ياما عيوني أسمعوا كلكم من(ن) ياما عيوني وأنا عندي لكم وصية (( أفطنوا)) لخواتكم لابراء جسمكم الدين ياعل قلبكم ينعوي لهن وياوي ترأ معزتهن مع الناس تغنين أبدأ علي من العشاء(( والضحية)) بمعنى ماابي منكم تعشون لي أو تذبحون لي ضحية ابغاكم تحنون على خواتكم ... ************************* نرجع... للقفرة.. ((قفرة العشاء )) (( بمناسبة الجنادرية :a1: )) >>> وكان أهلنا ماعندهم .. ثلاجات .. وش يسوون .. يجون يدقون اللحم ويرشونه بملح كثير ((يدحونه ملح دحي:8[1]: )) يدخلون الحبل بوسطه ويعلقونه ((بصفه)) مكان منزوي يكون في البيت أو (( بالقبة)) على فكرة ((وشخبار قبة رشيد يالقصمان )) ارجــــع :b9: للحم يحطونه بالحبل ويتركونه أيام حتى ينشف ويندحي ذباب:8[1]: . .ولا يحلو الطعم حتى يكون نصه ذبان.. ينفضونه من الحشرات كا ((الشبث ))<< عنكبوت صغيره طويلة رجليها ... بعد تنظيف القفرة ... يحطونه (( في العياشة ))<< أنية من الخوص لها غطاء جميل مزخرف يوضع بوسطه الخبز أو القفرة أو غيره الطعام لحفظه من الحشرات والبسا سه ... وان بغو ذاك اليوم يطبخون .. مطازيز.. أو دويفه ... قرصان او مرقوق الله لا يعوق ... يطبخون القفرة يطعم بالآكل .. ويكون معدودة القطع ((يعني كل واحد من العائلة له قطعه واحده صغيره )) ولي يخطي منهم أو يغلط ..عقابة الحرمان من للحمه ..... ياما أبوي حرم اخوي عن للحمه هذا معاقبة له... ابوى كان الله يمتعه بصحة والعافيه موهوب راعي ضرب :11_1_218v وكـــانوا :e3: ما يطبخون دايم اللحم...والتاجر منهم يأكل اللحم بشهر مره يطبخون اللحم .. والعظم يحتفظون فيه يعيدون طبخه مرات :f1: الحمد الله على هالنعمة للي حنا فيها الان يارب لا تغير علينا طبعا تقولون ليه اذكروا العشاء.ماقالوا.(( قفرة غداءنا )) لان أهلنا مايعرفون شي اسمه غداء المتيسر منهم لا رجع لبيته كاد وتعب .. عند الضحى .. لقي حريمته حطتن له لبن وتمير ت.. وبعد الظهر ..تسعى للطبخ العشاء اللي يكون قبل يمسي الليل أي قبل المغرب بشوي تخبرون مهنا كهرباء ولا سهر تدرون لو حنا نسوي مثلهم كان الحين صحاتنا سليمة لا تنسون تحمدون الله على النعمة اللي نعيشها الحين بــــحر ومعودتكم تجيب قصة مناسبة للمثلfor3: :: هه هاكم عساه تجوز لكم ... القووووصة << :20[2]: دحيم.. وعزوز ... عيال صالح أبو دحيم... مشتركين بمشروع جميل .. يقضى وقت فراغهم ((البطالة من قديم الزمن :c2: )) المشروع عبارة عن تربية الحمام الرقاصي وتدريبهن على الرقص ((الشرقي :a3: )) هزي ياوسط.. دحيييم ولد صريح ولا عنده هذا كبير وهذا صغير الحق حق وعزييز ضعيف ((وذر يقه:for4: )) واحيانآ يقتبس قوته وشجاعته بسوالفه عن أخوه الدحمي وبطولته ..على عيال الحارة يشغل عيال الحارة بحكي عنه .. اخوي كذا .. يحزنكم من دحيم ..والله لا اعلم عليكم اخوي هلم وجرى وتخيله هو يقولها (( البرطم شبر ..والسعبيل تقوطر ومحرك أصبعه كنه يرقص سوداني:4_1_200v[ ..)) راحت الأيام ..ومازال دحيمآ ولد الحارة القوي البطل .. سكن عندهم ... جيران جدد ((يقال.. عيال أبو عبيد)) ((شياطين )) موصيهم إبليس وتارك المكان والحارة مايحتاج يكون متواجد ..عيال ابوعبيد وإخوانه قيمن بالواجب طبعا ادحيم ياويلك ياسود للييييييك اللي يجي حمامة :for4: وكل بيت من عيال الحارة عنده عشه بسطحهم وحمام وأشكال ..وحمام دحيم معروفات ومميزات .. يطير ادحيم حمامه كل العادة وقام عبيد يسوقهن له بطريقة معروفه عند مربين الحمام ... حس دحيم أن الحمام ينقصن ويهدد ويتوعد من القاهن عنده يقمزه هو عشته من الطاية :15[2]: قام عزيييز بزيارة عبيييد بيتهم واستبدال بينهم الحمام وتوقيع العروض المتفق عليها. .واستعراض ماعندهم من مشاريع كا لون الحمام وتقليب بالسماء والرقص اطول مدة طبعآ يبون يفتحون لهم فندق خمس نجوم ويحطون الحمام يرقصن لجذب الزبائن:) ..لا يكثر كملي قصتك ..طيب .. تفا جاء عزيز بحمام أخوه دحيييم عند عبييد وقال مهدد وااااوك يااااااحزنك ويوالك من دحييييم يبي يلجنك ويذبح أبو أبوك:for4: لا درى عن حمامه عندك عبيد يلتفت بدون أي اهتمام ويرجع يحوس ويدوس بالعش فرد عزيز قولة ياويلك ياعبيد من اخوي دحيم والله لاعرف عنك ان يحوسك حوس رد عبيد.. غير مابالي وباااااااااس والله أن لمس وحده منهن.. لا اربطه بعاير الحارة << ياقوي قلبه انا ارتعت وخفت من الدحمي :for4: قال عزيز أنت متعرف منهوه ((دحيم )) رد عبيد متمطعآ بلسانه ومططآ حروفه.. بصوت عالي وضخم (( ودحييييم عاااااااد وال.؟ رب الناااااس ولا قفرة عشانا)) بعدها أعلنت الحرب بين عبيد ودحيم .. ومازالت الحرب بين أبنائهم وأحفادهم ((عاد تبون الصراحة عبيد هو اللي بادي )) تمت بحمد الله وفضله:b8: |
بحر العطاء00 أزال الله عنك الهم والغم00هذه المواضيع تسر وتبهج وتطرد الملل0
ظرافة00فائدة00معلومة00وتذكير بشكر النعمة التي نعيشها0 تحياتي لك0 |
شكرا لك بحر العطاء 00
بالرغم من مافي هذه المواضيع من بساطة الا انها تحمل فوائد وحكم تفيد المتلقي ودائما ننتظر كل مايحمله قلمك اخت بحر العطاء 00 |
يارب لك الحمد والشكر الله يديم علينا مانحن فيه من النعم اما القصة ههههه دمتي بسعادة بحر العطاء |
(( رب الناس ولاقفرة العشاء ))
غالبا ينقال هذا المثل ...إذا جاء الزوج إلى البيت تعبان من كدح اليوم ينتظر ام العيال تجيب التميرات واللبين ...وحلة القرصان ..! تسولف له ام العيال وش صار طوال اليوم بغيابه ...! وآخر شيء قبل ماتروح تجيب الأكل تقول له نسيت يابوفلان ...شف امطوع المسجد طق الباب علينا يقول ولدكم مايصلي الفجر يالمسجد ...ترانا نبي نشكيه على الهيعة !! ,,,,,,,,,,,,,, بعد تفكير عميق ...يرد عليها ...تشششششششششش همن عاد والهيعة (رب الناس ولاقفرة العشاء ) !! شكرا بحر العطاء |
يازين جياتك يابحر ويازين سواليفك وعلومك ومجاليبك مثل عمتي رقية اللي اذا جت تزورنا من يوم تدخل الين تطلع وهي تشرّط !!!
عاد الله والعالم يابحر وانتي ابخص ان اهلنا ماشافو من النعمة الا لحمة الضحية او لحمة ناقتن عجوز شاخت وذبحوها قبل تفطس وفرقوها على اهل الديرة وكلن طاله من اللحم جنب... ايه ماعلينا.... تورمت محاجري يوم قريت... اقتباس:
هذا ماجاء في بالها من النعيم ..العشاء..والضحية...!! سقا الله قبورهم بوابل الحيا يابحر .... يقول ذاك وقد تمنى أمنية ووعد ربه بالطاعة ان استجاب له ... والله لصلي لربي فروضن تماما...واسجد لربي فوق روس الطعاميس وتقولين لافض فاك... اقتباس:
اما قبة رشيد يابحر فماعادت قبة ..!! صارت (خمسة بارك افينو)...صارت مبيعة الماركات العالمية ومعقل اساطين المال في بريدة لكن بوجه جديد..فلم يعد رشيد الدرابى ولا العرفج ولا الرشودي رحمة الله عليهم...صارت مافيا اليمنية تعيث فيها ...تحت اعين هوامير المال والموضة والذهب في بريدة والى الله المشكى... |
هلا ببحر العطاء .. و الله سواليفك ما تمل, أثاري القفره هي هذي :e8: , أنا من فرط الذهانه أحسبها ( الحافة) يعني موضعك من الأكل , لكن على حسب وصفك تذكرت... أذكر الوالد _ أطال الله بعمره على طاعته_ قد مرة عزم أنه يسوي هذي , وهو رجل كبير بالسن , المهم أتذكر جاب لحم و عمل عليهن و كان ينشرهن و مختب و متحمس , طبعًا لا تسألين سؤال بيئي ..لأن البيئة أنتحرت عن عتبات بيتنا أثناء ترجمة الوالد لحنانة لسالف أيامه , المهم كنا نتأفف و الوالدة تغمّز لنا و تعضعض على شفاته , يعني أنطموا " شوفي بس حرية الرأي " ما هي هنا المسألة المسألة أنه لم أنتهـى من شغلته و جاء بياكلها , قال : مااااش السفره هي السفرة " ويقصد بها القفرة " لكن الوقت ماهوب وقته ... |
ياسلام
رغم ضيق ذات اليد وظروف الحياة الصعبه كان هذا المثل: رب الناس ولاقفرة عشانا معلومه ومثل جديد لاتحرمينا بحر من مثل هذه المعلومات الأثريه الجميله بتواجد المخضرم راشد الصليحاني |
ذكرتني بموضوعك القاص الشرهان سواليف ووسعة صدر والفوائد دائما في المواضيع مثل هذا تكون خافية لكن حلاوة الشي ببساطته وعدم التكلف أشكرك على حضورك الجميل |
ياملح سواليفك 000 برجع اقراها مره ثانيه لكن هالمثل اول مره اسمع فيه |
مشكوره اضفتي لمعلوماتي شي جديد لان صاحب هالمعرف مبتلى جدا بحب التراث النجدي والمصطلحات الشعبية وما افوت شايب بمجلس الا امسك حلقه عن عادات وتقاليد وطقوس وقصايد زمان اول والموضوع حق القفرة صور احوال اهل نجد ايام الجوع والشقا وكفيتيني مسكة شايب.
اخوي لمبه يمكن تخصيص الصلاة على الطعاميس كناية على الخلوة في البر والطعاميس اتوقع وصف لشكل سطح النفود وفيه اسم ثاني يقول بعضهم على راس النفود ذالق النفود يقصد جنبه اذا كان كالجدار ويمكن ان الطعاميس هي راس النفود المنبسط المناسب للصلاة والله اعلم لكن الاكيد اني سجلت ملاحظتك عشان انشب في حلق شايب عن قريب جداً. |
اهنيك اختي بحر العطاء على اسلوووب الرائع بطرح
ولك جزيل الشكر على مثل غريب وجديد علي تقبلي مروري دمتم بود |
[align=center]شفتهم بمكة يذبحون الدحاااايا العشر والعشرين ويخلونهن امتنفخة ابطونهن ( بس شيء اسمه اننا ضحينا!!)..ليتهم قاموا وزعوه على الضعوف الأفارقة كانوا يستخدمون تلك الطريقة ونشر الحيمتهم
على جبال منى ومزدلفة..!! " منة الله ولا منة خلقه " تقبل تحيتي.[/align] |
سرد في منتهى الجمال .. وموضوع مميز فيه فائد .. متعه .. اسلوب جميل .. وخفة دم ..
بحر العطاء .. هنيئاً لك بهذا الأسلوب الجميل .. دمت في سعاده ابديه .. تحيه وتقدير لــ شخصك الكريم |
.
. هلا فيكـ بحر العطاء ... منورهـ طيب سؤال مادام يحفظ بطريقة اضافة الملح لهـ بالنسبهـ لطعمهـ هل يكون ماااااالح ؟ السؤال موجهـ للناس اللي ذاقتهـ اما الذبابين كرم الله النعمهـ ... الحمدُ لله في نعمهـ لاتعد ولاتُحصى ولاتجد الشكووور الا من رحم ربي . . |
| الساعة الآن 08:45 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة