شكلـــــي غلـــــــــــــط
 

قصيدة بسيطة لكن بمعانيها كبيرة........ قصيدة رائعة للشاعر سليمان المانع ... قراءة ممتعة :

كان الرجوله بالمظاهر والاشكال ***** عزالله اني ماعرفت الرجوله
وكان الرجوله بالمواقف والافعال ***** عز الله اني مرتوي يالخجوله
ياجارحة احساس شاعر ورحال ***** غريب تايه من زمان الطفوله
ماكل من يكشخ من الناس رجال ***** الشخص جوهر وأفهمي ما اقوله
سطحية النظره ومعبودة المال ***** مايعجبك شكل الغريب ونحوله
شكلي غلط لكن على الكود حمال ***** ودرب الفخر نفسي عليه معلوله
والشاطر اللي يفتهم رمز الامثال ***** كم داس وقتك من سلايل جموله
لانــي بمغرورٍ ولانــي بحيال ***** لي روح عن باقي الخبول معزوله
باني لي اهدافٍ عظيمات وآمال **** والغيم من شافه ترجى هطوله
ولايندمج درب الدناسه والافعال **** والاصل يعرف من يتم بأصوله

قصيده رائعه

وتسلم على النقل

حياك يالشمري ياولد العم .. نورت يالغالي

بصرحه لعنوان القصيده خلاني ابتسم لغرابته

لكن بعد قراية القصيده اقووووله كفووووو على هالابيات القويه

وذكرتني بيت يقول : ماهيب أنا اللي نظرتي للرجال ... تبنى على لبسه وكشخة ثيابه

ختيارك دائماً رائع للقصائد ..
لك جزيل الشكر والتقدير..

الرائع حضورك اختي العابره .... حياك ونورتي يالغالية

دائماً ابدااااااع في نقلك وذائقتك...اخي راعي الاوله.....

دمــــــت بكل الود والتقدير

صح لسان الشاااعر سليمان


وصح الله ذوقكك اخوي


واشكرك على النقل الجميل

كبرياء انثى .. ياهلا وغلا نورتي وسعيد باعجابك بالقصيده ..
اخوي عوض الغالي .. ياهلابك والله ونورت الصفحه بوجودك .. حياك