|
عامل استراحة يتعرض لحادث..يــقــهــر..!!
بسم الله الرحمن الرحيم
السلام عليكم ورحمة الله وبركاته،، البارحة الساعة 9بعد صلاة العشاء والعامل فيصل( بنقلاديشي) حق استراحة عـمـي على الدباب ابوكفرين.. رايح يتعشى عند صديقه (محمد) على وليمة عشاء دسمة بالفلفل... ولاكـــن ..... ..تهور شاب مراهق .. حول طريق ( فيصل ) من الوليمة إلى المستشفى المركزي!!! ابو الشباب حب انه يتسلى بــهـالعامل الغافل..وبسرعته ضرب الدباب من واراء بصدام موتره وهرب0 العامل طار من الدباب وطاح على الحصى يمين الشارع .. والدباب كمل طريقه 50متر قدام. فيصل ..يحمد ربه ويشكره إنه لابس ( الخوذه ) اللي تلبس على الرأس .. لإنه طاح على حصات كبيرة وكسرت الخوذه.. وصارت خفيفه على راسه0 الجزمات-النعال- (الله يكرمكم) إلى هالحين وفيصل يدور عليهن... مايدري وين وصلن!! القهر.. فيصل الحين قاعد يون ويحن ويتوجع من كل أجزاء جسمه... والشاب يضحك ولا كأنه سوى شئ!! {{ حقيقة مأساوية . إلى هذا الحد وصل بشبابنا الإستهتار بأرواح العماله الوافدة ؟؟؟ }} البنقلاديشي .. كريه جداً ..في كل منطقة من مناطق المملكة مكروه... ولاكن... توصل المواصيل إلى محاولة القتل عـمـد .. واستهتار .. أو مزح ثقيل .. أو تسليه!!! حرام والله ودي أقراء ردودكم وأرائكم حول موضوع - استهتار الشباب وطيشهم بالسيارة - ** ولكم جزيل الشكر مسبقاً على التفاعل ** |
شيء مؤسف أخي الكريم0
ويظل البنجلاديشي انسان فيه الخير والشر وحالة الاستهتار لدى الشباب تحتاج الى الضرب بيد من حديد0 تحياتي 0 |
لا حول ولاقوة إلا بالله
تصرف لامبالي من شاب لايقدر خطر مثل هذه التصرفات اللعب بأرواح الغير أصبح لعبه لدى البعض من تهور بالسيارات ومن ممارسات مشابهه لهذا التصرف |
بغضّ النظر عن الجنسيّــة 00 المهم كونــه إنسان 00 حتى ولو لم يكن إنسان أيضاً
فالحيوان حرام قتله دون سبب 00 مالم يكن مؤذي 00 طريقة تنبي عن عدم التربية واللآمبالاة وضعف الوازع الديني والفراغ الإجتماعي والخواء الفكري 00 |
اخوتي ..عبدالله30 & الزعيم & العصامي ......... ألف شكر لكم على تفاعلكم وتعاطفكم مع عاملنا المسكين0
بصراحة فيصل انسان مسلم وراعي صلاة .. عمره فوق 40 سنة .. رجال يعجبك بشغله وأمانته وأخلاقه وتعامله .. فاهم أشياء كثيره عن المجتمع السعودي والبريداوي خصوصاً... محترم الرجال ويتكلم معك كأنه واحد من الجماعة0 |
الحمدلله على سلامة فيصل حق الإستراحه<<<حسيت انه يعرف يطبخ
هي جت على فيصل وبس من هالمبزره اللي معهم سيارات ... شف عمال نظافة البلديه متكسرات ظهورهم منهم .. ويقولون وراه بريده وصخه .. والله ياهالمبزره مشغليننا إشغال بالشوارع .. الله يرحم ايام ابو هباش .. واطي عليهم .. |
بعض التصرفات الصبيانيه تصل الى مرحلة الاجرام
وللاسف يقاس هذا التصرف بانه مراهقه وليست جريمه |
الله يهديهم هبلوبنا بالشوارع اما يحدك والا يكبس العالي بوجهك عاد ما شاء الله نوره ضعيف(زنون)
والا اذا وازنك ودري انك فاتحن الدريشه خلى الكفر يفحط عند اذنك. |
ضعف العقاب والجزاء من قبل الجهات الامنية
التربية لها دور كبير فى عمليه احترام الاخرين نحن مجتمع نامى حتى بتصرفاتنا |
مسكين هالعامل
والمشكله والله في الأهل طالعوا السيارات الي بشوارع بصراحه نصها أطفال اقصد الي يسوق تلاقيه مايمسك ولا سيكل اذكر مره كنا بشارع من الشوارع>>>صارت قوصه المهم مرت من عندنا سياره اعتقد كامري ويمشي تقريبا الف>>مسويه تفهم المهم شوي ولا دخل بجدار البيت الي قدام تصدقون اني لفيت بشوف من المجنون الي يسوق بهطريقه اقولكم الحقيقه مالقيت احد والله العظيم حتى ابوي طقته البوهه مافيه سايق نزل تدرون وش لقى طفل عمره ماتعدى14 يوم صدم نط للمرتبه الخلفيه وجلس يصيح معقول وين عيون اهله كيف طفل بهالعمر معطينه سياره ؟؟؟؟؟؟؟؟؟ |
يا الله !
يمكنه ما جرب الحادث هو و وجهه ما جرب العصافير اللي تدوووور فوق راسك ماجرب الروعة و العصفر .. الله يهديهم يارب .. شباب فساقى |
اخي بريده معشوقتي
تاكد ان هذا الشاب خلفه اب مهمل و ام جاهله فالارواح لها حرمتها التي كفلها الله حسبنا الله ونعم الوكيل |
ربنا لاتؤخذنا بما فعل السفهاء منـــــــــــــا
|
| الساعة الآن 08:31 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة