|
اول نت تحترم مشتركيها
[align=center]الشركات الموفرة لخدمة الانترنت في السعودية كثيرة ومتعددة
البعض يتميز بالسرعة وتوفير الخدمة بشكل مريح والبعض يموت حيلك ويغثك بكثرة انقطاعة انا مشترك قديم في شكرة اول نت ( تراي ما اسوي دعاية ) لكني اقولها للحق انها شركة راقية تتعامل مع عملائها بكل مثالية ورقي لديهم موظفين قمة في الاداء والاريحية ولي سنوات معهم مجرد اتصال بسيط على الرقم وتجديد الاشتراك من خلال الفيزاء يتم بثواني قبل ايام حصل عطل يوم الجمعة الفائت كتنت نتيجته رسالة عبر الجوال من اول نت تعتذر بشدة عن الخلل الذي اصاب السيرفرات لديهم وفي الرسالة تقول انه تم تعويضنا بثلاثة ايام في الاشتراك من كل قلبي اشكركم اول نت على رقي التعامل وقمة الذوق عقبال شركة الاختلاسات لما تتعطل وتكون شبكتهم مشغوله مايعوضوننا لو ربع يوم خاصة ايام الاعياد اشكركم من القلب[/align] |
اجل نحول لها ؟
بصراحه سعودي نت بهذلتنا :( |
حتى اول نت دااجه
|
وانا اقول وش قصة ذيك الرساله وبنعوض بثلاثه ايام
اثاري القصه كذا <<<توها تدري ان اشتراكها في اول نت |
الفاتح
انا استعمل اول نت يعني تحريك ما اغير فيه ناس تمدح سعودي نت ابي تفيدن تحياتي |
حتى انا مشترك فية والله انة زينة مرة
|
أخي الفاتح فتح الله في وجهكــ الخير ..
أخي أنا لي مع الشركة قرابة السنتين بس للأسف الفترة القليلة الماضية تمنيت أني لم أعرفها قط !!! تصدق تشتغل معاي ساعة وخمس طعش طافية !! قهرتن والله :( الحين أنتظر يخلص الإشتراكــ أشوف غيرها .. المشكلة في الدعم الفني قليل يرد ؟ تحيتي لك :) |
>>تنبيه
با النسبة لعمل الشركات المزودة لابد تنتبه لأمور قبل أن تحكم عليها 1ــ موقعك الذي تتصل منه ونسبة الضغط على التوصيل . 2ــ الوقت له دور مهم في عملية الشغل..وإذا فيه ضغط على رسيفرات الشركة أكيد بتقطع( والرسيفرات تقريبا متشابهه) 3ــ إذا للشركة أكثر من رسيفر تشغيل أحيانا عملية التبديل الإكترونية تقطع على بعض المشتركين..ولذلك مجرد تتصل على(القرمين) منهم يعني راعين الخدمة الصح بيقولوا لك أبشر الآن نشغله. 4ـ متى ماقطع عندك الإتصال بنصحك تسوي مثل العبدة الفقيرة إلى الله كاتبة الموضوع..إفصل كيبل الإتصال إذا بتشتغل عن طريق( الواير لس) ومن ثم عاود الإتصال بعد توصيله مرة ثانية..بتلاحظ ‘ن الإتصال رجع..جربتها أكثر من مرة( ويا خووووووفي تكون هذي الحركة قديمة). |
كوين بريدة : ما اقول شي يابعد حيي الامر راجع لك بالنسبة لي سنوات وانا معهم من كنت بالرياض الى الان وانا بالدي اس ال وماراح اغيرهم تعامل راقي جدا معي *************** قاهرهم كلهم : وراه يابعدي اول نت داجة ؟ يمكن حصل لك موقف والا شي واخذت فكرة عامة المواقف كثيرة والخطاء وارد والتعطل ايضا وارد لظروف فنيه لكن اللي يهمني التعامل الراقي منهم راح اقولك اشياء من تعاملهم تعويضهم لك الايام المنقطعة وبزيادة ايام + تتصل عليهم في لحظة انتهاء اشتراكك وانت ماعندك بطاقة اتصال مثلا يفتحون لك الخدمة لمدة يومين لو تبي + اذا معك بطاقة فيزاء فقط اتصل ويجددون لك مباشرة بدون بطاقة ولايحزنون ولو بنصف الليل ******************** دينا : اتمنى اعجبتك الرسالة وعبرت عن ذوق الشركة ************************ هين هين : انت تشاورني وانا قلت رأيي حسب اللي تعاملت معهم احيانا يكون المقسم من شركة الاتصالات فيه مشكلة واحيانا اذا كنت على الدي اس ال طول مدة تشغيل المودم يؤدي الى الانقطاع وننصح باعادة تشغيل المودم وترجع الخدمة مباشرة وبقوة تشكرات افندم |
انا كنت متورطه معاهم خدمة سيئة جدا مااني مصدقه متى الاشتراك يخلص وارجع لسعودي نت او sps افضل منهم مليون الف مرة الاشتراك تاخذه ماتستفيد منه بشي كل شوي مشاكل فيه
واحيانا يجلس يوم كامل مااقدر ادخل النت ..... |
sps أروع شركه
لافصل لاتقطيع والتحميل مفتوح و5 ايام مجانا خلقه ماهو اعتذار ولاهو 3 أيام |
إعلام هلالي اللي يسوونه مع العملاء
وكلامك كلام جرايد لإنك للحين ماجربت غيره إذا جربت غيره تأكد إنك ماراح ترجع له مره ثانيه صدقني ياحلو |
هلا حبي
أول نت كانت الأفضل أيام زمان بس الحين ماأظن لإنه بصراحه فيها ضغط كثير وهذا اللي سبب دماره هي حلوه من ناحية التحميل أما من ناحية التصفح زفت الزفت تحياتي أخوك قهررررر أحبه |
فعلا انا مشترك منذ سنتين
لكن بعد انضمامها للاتصالات السعوديه وعمل الخصم بزيادة المده كثيرين تحولو عليها واثر على سرعة النت فيها لكنى لم اجرب غيرها |
الفاتح
اتعامل مع اول نت منذ حوالي ثلاث سنوات والحقيقه كانت خدمتها رائعه جداً وتميزت بالدعم الفني الفريد من نوعه بتواصلهم المستمر طوال اربع وعشرون ساعه لكن بكل أسف وبعد ان اصبحت ملكاً لشركة الأتصالات ارى بأن الدعم الفني اصبح سيئاً وقلما تستطيع الأتصال بهم وكأن عدوى السهج والتطنيش انتقلت إليها من سعودي نت تحياتي |
| الساعة الآن 03:43 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة