|
فلافل الشاااااام ..... الله يقرفكم على الصبح!!!!!
قدر الله لي ان اتناول وجبة الافطار هذا اليوم خارج المنزل ...
فبدأت استرجع بالذاكرة قليلا (ايام الامتحانات)وماهي المطاعم التي كنا نذهب اليها ففكرت وفكرت ثم قررت الذهاب الى فلافل الشام الواقع (مقابل الاوقاف)بجوار دوار البشر ..... وعندما طلبت ساندويتش الفلافل <<قولوا ماشالله>> لي وللزملاء نظرا لشهرة المطعم في ذلك ... لفت نظري اشياء كثيرة داخل المطعم واهمها وساخة عمال ذلك الفرع ...فتجد الساندويتش الواحدة يتناوب عليها ثلاث عمال ..احدهم يضع الفلافل ويعركها بيدة دون لبس قفاز او حتى استخدام ملعقه والاخر يضع البيض بطريقة يقشعر منها البدن ..كل هذا حاولت التغاضي عنه نظرا لجوعي االشديد ... لكن الذي لفت نظري ووالله لم استطع تحمل ماشاهدت او حتى السكوت عليه هو ماقام به ذلك العامل التركي (لابارك الله فيه)..عندما اراد لف الساندويتش بالورق ... اتدرون ماذا فعل!!!!! وضع اصبعه داخل فمه ليبلله بلعابه (السعابيل) كي يسهل عليه فرز ورقة من تلك.. عندما شاهدت ذلك لم أستطع السكوت بمناقشته والصراخ عليه بشدة مع رفضي للطلبيه فبدأ يتعذر ويتحجج بأنه فعل ذلك سهوا .... الهذا الحد صارت صحة المواطن رخيصه.. هذا مافعله امامنا وبكل تبجح .. فماذا تعتقدون مايفعلونه بالخفاء ...... نعم لو كان هناك مراقب صحي يؤدي عمله بأمانه وكان هناك عقوبات مشددة ومعلنه بنفس الوقت لما تجرأ ذلك النكرة بفعل ذلك.....ارجوا التفاعل .. اتمنى من لديه صوت مسموع لدى المسؤولين ان لايحرمنا منه.. |
وماخفي كان أعظم..................وين مراقبي البلدية؟؟
|
ابو خالد اشاطرك الرأي تماما على تساؤلك وين مراقبي البلديه
اشكرك على المرور |
للمعلومية المطاعم التى يعمل به من الجنسية التركية أو البنقلاديشية هم أوسخ المطاعم وكذالك صالونات الحلاقة ؟
|
الله المستعان
لا تدقق طال عمره تراك تبي تتعب. |
ههه
مراقب البلدية صح النوم اقول لعل ذلك التركي قد وطى علاقته بمندوب البلدية ليغض الطرف عنه مقابل خبيزه بريال لا تغنى ولكن الشكوى لله رغم علمنا بوساخة هذي المطاعم الا اننا ما زلنا رواد لها بل وعملاء مميزين |
هذا اللي ياكل برا البيت :18[1]:هههههههه
|
كل من عند سنابل أزين
|
ولا من مطبخ الوالدة
|
ماشفت شى يالغالى
واحد من الشباب عازم اخوياه تصور وش لقو بالاكل لقو ولاعه من زود الحرص راح للمطعم يبى يجلدهم رد عليه البنقالى قال انا لى ساعتين ادورها شكر ياهبيبى عزيزى انصحك بعدم دخول البوفيات والمطاعم الا اذا احتدت كثير تحيتى لك |
لكن هالزحمة اللهي عندهم من الكوخ ورشوش وغيره
كن اهل بريدة كلهم ياكلون برا بيوتهم |
هاااااااااااااااااااااااااااااي
نصيحة للتماسيح اللي مايأكلون إلا من المطاعم صراحة منتدى بريدة يضحك...كله عن السعابيل والمطاعم لا والحين صاروا يحطون مشتقات البترول >>>>>حاطين له ولاعة ..!1 بقولكم شيء يارواد المطاعم مافية أحد يحرص عليك أكثر منك ... الصباح خذ لك من البقالة حبنة وزيتون الظهر إما أنك تتغدى عند مطعم معروف وعالمي أو الله يسلم يدين الوالدة العشاء نفس الشيء ولا أطلع لإستراحة ومامثل المشوي أما مطاعم الطرق ... مهما كافحوها ستظل قذرة للأبد ... صحتك غالية :x3: |
ولد نعمه 0 أشكرك على موضوعك الرائع والأكثر انتباها << عزيزي ولد نعمه . قلت قبل شوي وين البلدية البلدية كلهم شيبان بها (( الددسن )) ياخذ الموتر ويقعد بالبيت ويروح للدوام وجيدين بالقبة يلاحقون البزارين ياخذون عربياتهم والله العظيم مافي امانة . 0 تحياتي لك ولد نعمه على الموضوع ... |
هذا الي يجيك من المطاعم
وش الي حاد الواحد يروح للمطعم أصلا .!! والبلدية وما أدراك ما البلدية من كثر المطاعم مايدرون من يراقبون عليه هههههه وهالمطاعم شغاله ليل نعال تحسب الناس جوعانين أشكرك عالموضوع أخي ولد نعمة أعطر تحاياي .. |
صحيح الكلام الاترك والبنقال اوسخ ناس ونظر الحلاقين
اكبر دليل وين يحط شعر الحلاقة بعد الحلاق |
| الساعة الآن 04:18 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة