نساء بريدة والصراف الألي
 

اكثر شئ يقهرن ويجبلي العصبي انة ما قد صرفت او استخدامت الصراف علي راحتي لازم وراي احد يراقبني ياختي الرياض والراجحي ماقصر حط غرفة وباب اذا طلعت ادخلي ليش وراي يبطير الصراف ولا شرافة وبس ياختي الرقم السري الرصيد هذي كلها خصوصيات ليش تتعدين عليها وش ذا التخلف متي نتطور ياختي وقفي براي او عطيني ضهرك انا عارفة انة مو شرافة ولا حرامية انا عارفة انة همجية ووقاحة .

عذرا فالمقصود بعض النساء وليس كلهن ولكن اقطع ايدي اذا مو كل الي في المنتدي مرو بنفس الموقف اكثر من مرة

اخواتي العزيزات متي نصل الي درجة من الرقي تجعلنا نحترم خصوصية الأخرين

؟؟؟؟؟!!!


هل تعتقد ان إسلوبك هذا ارقى من اسلوبنا ؟؟؟

الي بريدة كوين
ممكن اكون اخطأت في بعض العبارات ولكن من الحرقة الي في داخلي لا اعلم ماقول وانا ماقول كل النساء البعض ثانيا لازم يعني اتكلم لغة عربية وش المشكلة لو عامي وصريح ولكن فية بعض الأشخاص يحبون اللف والدواران والتنميق علي الفاضي واحنا بلد تعود علي اللف والدوران لحد مابقي احد واضح وصريح

لا اقصد في الاسلوب الراقي هو الكتابه باللغه العربيه ..

لكنك استخدمت كلمات غير لائقه لأخواتك في الله ,, وكان بإمكانك إنتقاء ألفاظ اكثر احتراماً ..

انا يقهرني بالحريم الي تشوف سرا اكثر من 20 شخص وتجي تبي تدخل قبلهم... وبعد ما يسمحون لها بالدخول تجلس تهاوش الي جالس يصرف يعني اسرع انا مره وما يصير انتظر؟!! ورجلها بالسياره

على فكره اكثر من مره صارت لي انا

الحل موجود أخي :
الصرافات ماليات البلد ،،،،،،،،، ضاقت الا تزاحمون الحريم بصرافات السوق !!!!!!!!!!!!!!

اولا الصرفات مهيب حكرا على احد
ثانيا السوق ايضا مهوب حكر على احد
ثالثا الموقف الي صار مهوب بالسوق

أدرك أنها ليست حكرا لأحد ،،،،،،،،،،
ولكن من غير اللائق مزاحمة الرجال للنساء في الصرافات الموجودة في الأماكن التي ترتادها النساء

حبيبتك بريده المهم ان الفكره وصلت سواء بتنميق او بزكشه او بكلمات عاميه
يعني لاتشرفون ياحريم المهم لادخلتي الصراف حطي ورا الباب (بلكه ترفده) الحين يقولون بلكة مب كلمة عربيه او حطي شي تجي علية الكلمة العربيه المنمقه كما ذكر انفاً
يعني تخلين البلكه بالشنطه تحتاجينه بكل صرافه
انتي بنت والشي عادي لكن تدخل وحده مع رجال بغرفة صرافه وين الي تبي الكلام المنمق تشوف يعني قمة قلة الادب انه تدخل وتكرر السؤال للرجال
الشي الثاني ياحبيبتك بريدة لاجاك احد معك قولي شوي لو سمحتي اطلعي
لكن الصوره وين مكانه بالتحديد ومن مزرعته بعد ولا عليك امر

شكرا لك اخ يزيد وعذرا علي الألفاظ

شكرا علي مررورك وعذرا علي الألفاظ

اخي الشاب هناك رجال محترمون هم عندما يرون المرأة يطلبون منها الدخول عندما يكون الكم هائل من الرجال وهي امرأة واحدة والمكان لايستدعي وقوفها فهو يتخيلها زوجتة او ابنتة فيسمحون لها بالدخول وهذا يدل علي رجولة الشخص
واحينا يكون الوضع لايستدعي ذاللك كأن يكون هناك عدد لاباس بة من النساء واخر من الرجال في هذا الحال الكل ينتظر دورة مع العلم انة هناك نساء كثيرات غير مثقفات تستغل الموقف بصور سيئة فيوجد اعداد بسيطة عند الصراف كل يرمق الأخر ويعلم مكانة وان كانو نساء ورجال متفرقين ليسو بطابور ولكن الكل يعلم دورة والكل يحترم الأخر وفجأة تأتي امرأة وتستغل الموقف وتصرف قبل الرجال وهذا من عدم ثقافتها وقلة احترمها للأخرين واجب الرجل هنا ان يوقفها عند حدها فيمنعها من الصرف بكل ذوق واحترام لكي تتعلم في المرة القادمة حتي تتعلم اتكيت الصراف الألي

وايضا بما انة يوجد الرجل المحتر م والمرأة السيئة وهناك ايضا صورة اخرى وهي المرأة المحترمة والرجل السئ الذي يحتقر المرأة ويعتبر صرفها قبلة يققلل من رجولتة وانة يجب ان لاتتواجد في هذا المكان وانها لاتستحي واين ولي امرها كي يصرف لها ويحتقرها فتنسحب المرأة بكل هدووء

فكلا الصورتيين تحتاج الي تثقيف ولكن من المسؤول عن تثقيفهم وهل يمكن ذاللك