|
يعني غير معلمة او موظفة تجلس عانس ...! لشباب بريدة خاص
بصراحة .... شئ غريب من شباب اليوم يحب يطلع على طول على وجه الدنيا يحب يبني بيت ويستقر ويشتري سيارة كشخة ورصيد في البنك حلو بس منو على حسابة على حساب الموظفة المسكينة .. طبعا اقصد زوجته اللي يبحث عنها واللي غير موظفة او معلمة اللي يكون في عونها يعني اش ذنبها ليه ناقصة جمال او ثقافة او ادارة بيت بصراحة اسغرب من شباب اليوم الواحد راتبة من 3000 ريال -- 5000 ريال ويشرط على اهله مدرسة او موظفة وحلوة ليه بس علشان توفر عليه مصاريف نفسها وعيالها وهو ما عليه غير يجمع فلوس والله يستر اش مخفي لها بعد ما تستقر حالته اش بيعمل يعني مو شايل هم زوجه وعيال بس ما عليه سواء فواتير بيته او نصف اجار البيت ومسكينة الموظفة ماااااااااا لقت الراحة مع وظيفتها الكل ينهش من جهه الاهل من جهه وبيتها من جهه ثانية .. يعني مو مرتاحه ..طبعا هذا بالنسبة للموظفة بشكل عام اما الغير موظفة تجلس عانس بالله مو عيب عليكم الواحد مو قادر يقوم في بيت يعني لازم احد يشيل عنه عبئ الحياة طيب مو في القران الكريم يقول الله عزوجل (( الرجال قوامون على النساء )) طيب ليه ما تكونو قد المسؤلية البيت والزواج بصراحة شئ يقهر منكم شباب اليوم متعودين على الخمول والكسل والاتكالية والغالب والله مو داخل براسه فكرة الزواج علشان مو متحمل مشاكل البيت مين قال اصلا ان فيه مشاكل في البيت سيرة الحياة الزوجية هي حياة متنوعة فيه الحلو والمر وهذي سنة الحياة اللي كتبها الله للخلائق تعتقدون بيجي يوم بتكثر فيه العوانس مع قلة الوظائف والله البنات اليوم قمة في الاخلاق والادب والثقافة والاناقة يعني قادرة انها تقوم بيتها وبواجباتها تجاه زوجها ... من طبخ ولبس وكلام حلو بختصااااااار شديد شباب اليوم يحسبون ان البنات ما لقت غيرهم ورساااااااااالة خاااااااصة لشباب اليوم البنت حتى لو ما تزوجت قادره انها تعيش حياتها احلى وامتع من تتزوج تتنكد في حياتها وتعرف تبني مستقبلها .. ارجو من الشباب انهم ما يزعلو علي او ياخذو بخاطري علشان اني بقول الصراحة . |
والله إنس صويزه ياعجيزنا
هالموظفة صار كلن يدوره اللي يسوى واللي مايسوى ولهذا الواحد سنه متزوجن له صرافة تكد عليه ومتى ماحتاجه نقطت له وخاصة عندس هذا أبو راتب الفين وحوله ماهوب استهانة به بس بعضهم تلقينه حافي على حافة النتافة ثم اذا تزوج هالموظفة بدت الشياكة والسيارات تدهر وحدة ورا الثانية وكل هذا ماهوب مشكلة لاصار يسوى ويستاهل بس المشكلة لاصار طرطور دويني ونفسه ردية تلقينه لاجا نهاية الشهر جت الرومانسية والتميلح لين يحقق مطلوبه وبعد مايروح تاريخ 25 يالله عاد شوفي التنسيم يعني ياخذ هالضعيفة طازجة مستوية لأنه المشكلة تلقين أغلب هالموضفات ماغير تكنز عند اهله وتجمع وتشري من هالذهبان واذا جا ابو ريشة حلبه حلب ويمكن يكرهه باهله في سبيل هاللعاع ووصخ الدنيا تلقين بعضهم ياخذ وحدة اكبرمنه أو مطلقه ومعه عيال وهو ولد كله وش علشانه ..؟؟!!!! بس الشرهة على البنت اللي تمكن هالاشكال من نفسه والقهر ان الحبيبات مايطيحن الا بها الانذال ومع فارق التفكير والمستوى الا إن هالطراطير يعرفون وشلون يستلطفون هالمسيكينات ويلعبون عليهن ويعطنهم شي ماعطوه اهلهن وبالنهاية يمكن ترجع لبيت اهله ومعه رجنة بزران وكومة ديون الله لايبلانا ياناس ياعالم ياموظفات انتبهوا قبل ماتوهقون اعماركم واهلكم من وراكم تراي لكم ناصح العاقل من هالنوعيات اللي قلت لم تلقون حياته مع زوجته الموظفة قطة ماكأنه هو اللي عليه القوامة والضعيفة إذا انصحه احد قالت الكلام اللي حفظه اياه ((مافيه مشكلة اتعاون مع زوجي وشريك حياتي )) ولا تصحى من نومته لين ينكبه ياليت المترفات بعد من هالزوجات اللي ماهن موظفات ومسويات زحمة لرجالهن يشوفن حال هالمسيكينات عشان يتعظن ويحمدن ربهن على هالنعمة ويخلن عنهن التنكيد على رجالهن وحلبهم |
اقتباس:
الله يستر ......... كلامك خطيررررر جدا والله يخوف لاكن لا يمنع ان فيه شباب والله طيبين وقمة في الاخلاق ولادب يعني الحين بصراحة اسالي عن بيت الولد قبل ما تنخدعي فيه ... انعكس الايه يا جماعة اول بيقول اسال عن امها قبل ما .......! لكم الباقي الحين صارت في الشباب |
والخافي أعظم
خلي كل مدرسة تصارحس بس بشرط يكون زوجه راتبه من هالخمسة وجاي شوفي إذا عاد اذا هي صريحة والا لا راح تطلع لس الهوايل اسألي مجرب ولاتسألي طبيب |
والله ياعجيزنا مو اي واحد يتشرط ويقول ابي موظفه
ولامدرسه بس الاغلبيه تقريبا والسبب معروف الاعانه والعيش ومصاريف الدنيا يعني فيه احد من الشباب اذا جاء يتزوج يقول ابي موظفه وفيه ناس يقول ابد ما اخذ موظفه وانا بصراحه اتفق مع الثاني لاني اذا ماقدرت اصرف على زوجتي وبيتي معناته اني مو قد الزواج والله يعين اللحين مافيه لاوظايف ولاشي يمكن تحصل شركه ولا حكومي بس الله يخلف تلقى الراتب ماياصل 3500 بس الله يعين وشكرا ياعجيزنا |
........
اقتباس:
اكيد كلام منطقي الله يكون في العون |
انضري لاخلاق ابنا وبنات المدرسات تجدينها تحت الصفر الا مارحم الله وذلك بسبب اهمال المدرسة بيتها
وتركه للشغالة تلعب فيه ماتشى تطبخ تربي الاطفال تنظف غرفة الزوج وتفرش منامه تدخل ماتشاء من الرجال بغياب الزوجة والزوج المفروض حد المرئة شهادة الابتدائية ومن ثم الجلوس في بيتها تنتضر ابن الحلال العجوز الشريرة مبسمك شد فيني |
اذا ابتعدنا عن الموظفات قالو ليش تبتعدون... واذا طلبنا موظفات قالو ليش تتركون الي ما توظفو!!
وش السالفة بالضبط!! في كل الحالات مهوب عاجب؟!! <<== زوجته ربة منزل |
اقتباس:
شباب انا اقول الشاب اللي قادر على انه ما يتزوج مدرس او موظفة بس ما قلت الجميع الله يخليك يا ليتك تدرك اش اقصد انا لا اعمم بس عندنا الغالب يبي كذا |
اتمنى من بعض الشباب ـ حينما يبـدون آرائـهم ـ
حـول قضية ما أن يسلكـوا نـهج المنـطق والموضـوعـية في نقاشاتـهم وإبـداء آرائـهم مع تجنب الإجحاف في الحكم دون معرفـة تامـة لجوانب وابعاد الموضوع المعنـي بالنقـاش.. الأخ خبوبي ضاربها عندما اعطـى رأيه حـول قضيـة الزواج من معلــمة حـكم على أخــلاق أبناء وبنات المعلمـات بأنـها((تحت الصفر)) ياترى ما السلوكـيات المتوقـعة أن تنـجم من أفراد حــكم على أخلاقـهم بأنها تحـت الصـفر ؟ اترك لـكم التعلـيق. |
[QUOTE=روااااد;1219440]اتمنى من بعض الشباب ـ حينما يبـدون آرائـهم ـ
حـول قضية ما أن يسلكـوا نـهج المنـطق والموضـوعـية في نقاشاتـهم وإبـداء آرائـهم مع تجنب الإجحاف في الحكم دون معرفـة تامـة لجوانب وابعاد الموضوع المعنـي بالنقـاش.. الأخ خبوبي ضاربها عندما اعطـى رأيه حـول قضيـة الزواج من معلــمة حـكم على أخــلاق أبناء وبنات المعلمـات بأنـها((تحت الصفر)) ياترى ما السلوكـيات المتوقـعة أن تنـجم من أفراد حــكم على أخلاقـهم بأنها تحـت الصـفر ؟ اترك لـكم التعلـيق. [/QUOT ماتقوله صحيح لا يمكن ان يعمم بالحكم على الموظفات جميعا ياخبوبي ضاربها واين بإي عصر حنا بالعصر الحجري تطلب من البنت ان تكتفي بشهادة الابتدائية العلم نور والرسول صلى الله عليه وسلم قال :" طلب العلم فريضة على كل مسلم ومسلمة" |
المعلمه والموظفه
اهمال لنفسها اهمال لزوجها اهمال لبيتها اهمال لأبنائها بخيله حتى على نفسها ؟؟؟ ليتها تستفيد هي من تعبها !!! اهلها يبون منها وامها كل يوم تتسلف منها واخوانها مايعرفونها الا آخر كل شهر وعند فاتورة الجوال ,,,, أبوها ياخذ راتبها بس بطريقه مؤدبه (ابستثمرهن لك يابنيتي ) ...... وياللللللللللللللللللله ماقعد بها الا هالزوج المسكين يقاله معرس ؟؟ |
اقتباس:
بصراحة كلام غير مفهوم ..... مو صحيح اللي تقول بلعكس بنات اليوم روعة في التعامل مع الازواج لاكن عيبك في بعض الازواج والاهل |
| الساعة الآن 07:52 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة