|
المـــاسنـ.....ـجـ....ــر..!!عاجل..!!
االماسنجر اصبح مثل البيت عندما يكون هناك احبتك النتّيين واخوانك واخواتك تألفه وربما لاتستطيع ان تستغني عنه تعودت على القاء التحيه عليهم والسلام والسؤال عن الحال واحيانا تشكي اليهم حالك ونحن قوم لانشتكي لاحبتنا الا بخجل وخلف الكيبورد (تهل شريطك كلّه)خصوصا اذا صارت قافله لاسيما واغلب مدمني النت من النوع الانطوئي. هناك من معي بالقائمه منذ 8 سنوات تعودت على تواجده يوميا كبرنا معا تحادثنا بتقدمنا في السن والفكر والقناعات وغيره حتى اصبحت بيننا عشره محسوسه من الداخل حتى وان لم نتقابل على ارض المدعو: الواقع المرّ... اليوم عطلان الماسنجر من البارح ولم استطع الدخول بصراحه احس اني فاقد بيتي والا وش رايكم؟ على فكره الماسنجر عندكم شغال والا مثلي من البارح عطلان؟ ولابأس من تناول الوردات المغروسه بالموضوع..!! سؤالي الاخير وخصوصا للاخوه والاخوات النتّييّن الذين خبرتهم بالنت تمتد لاكثر من خمس سنوات الى اي مدى اصبح تأثير الماسنجر في الحياه النتّيه معلومه اخيره اذكر بداية الماسنحر كانت في شهر 3-1420هـ وهي بداية معرفتي به.. |
لا الماسنجر يعمل بكل جد ونشاط يصحى بمجرد ضغطة زر التشغيل ولا يخلد للراحة إلا عند الضغط على أيقونة إيقاف التشغيل 00
أمــا حاجتي للماسنجر فليست بالضرورية إلى ذاك الحد 00 اللهم إلا عند توقف المنتدى لأسأل عن السبب وهل هو عــام للكل أو خاصّ بي 00 |
أما ماسنجري فهو يشتكي مني كثيراً لأني أتعامل معه كغريب ألتقي به لأول مرة فما بيني وبينه سوى علاقة سطحية يشوبها ما يسمى بــ ( عدم الميانة )
|
والله ياخوي معك حق المسنجر من تدبس فيه مايطيق يبعد عنه زي الادمان
عن نفسي صرت مدمنه نت ماافارقه ليل نهار من اقرب الناس لي ماعرفتهم الا بالمسنجر الصراحه عالم ثاني الله يعينك ويصلح مسنجرك تحياتي جوانا |
الماسنجر شغال على احسن ما يرام
كلامك اخوي صحيح الماسنجر اصبح من ضرورياتي اليوميه حتى لو كنت منب داخل ارسل رساله لبعض الاشخاص أخبرهم بعدم دخولي كل هذا لأني تعودت أن ألتقي كل يوم انا تقريباَ لي بالمسنجر أربع سنوات ونصف بالتمام لك كل التحية والتقدير . . |
اقتباس:
او اضبط علاقتك مع اللي بالقائمه ترى الصداقه الصافيه حلوه |
اقتباس:
امين الصداقه جميله جدا ورائعه يوما من الايام كان لبعض الاخوه والاخوات اثر كبير في بعض الازمات التي مرت علي خصوصا ايام الدراسه ممكن حظي بالماسنجر جاء كذا اخواني واخواتي بالماسنجر احس انهم بكوكب ثاني ليت كل الناس مثلهم |
كل الى عندي بالماسنجر أعرفهم
يعني بأختصار كلة واحد |
اقتباس:
عندك كله واحد عند غيرك لا |
مرحبا استاذ نزف أصيل ..
أجد أهمية الماسنجر .. إذا كان له أهل مغتربين عنك .. عسى اللي مصممه للجنة .. عموماً أنا لي هواية في الماسنجر .. و هي تقمص شخصيات أخرى .. أحب ألعب ع العالم .. و خصوصاً الدلوخ .. هه !! أذكر مرة .. دخلت الماسنجر على أساس إني ( فلان ) .. أحد اعضاء منتدى بريدة و دخلت معي ( فلانة ) .. برضه من أعضاء منتدى بريدة .. هذي الفلانة .. غبية بشكل !! و كانت ماتواطن شي اسمه ( الذاهبة ) .. عاد قامت الغبية تسب فيني .. و تركب سوالف .. مادرت إني المقصودة .. هه !! كل ما اتذكرها أضحك و اتحمد ربي .. ويقولون ليه تقولين عنها غبية !! :( بالإضافة إلى مواقف و نكبات أخرى .. بس ماودي أطول بالحكي .. عيب !! |
اقتباس:
للحين تستهبلين على العالم طيب مافكرتي تتعلمين من العالم ثقافات اخرى طيب ليتك قلتي لقيت وحده تمدح فيني كله الناس تسب فيك والله مشكله انتي والله طيبه وحليله بس مشكلتك هالبرج اللي انتي راقيه عليه وانا اخوك لازم ادلك على موقع فكره يدّعي الليبراليه واعطيك رقم البروكسي حقه ابيك تمرينهم ابي اشوف تضحكين عليهم والا لا؟؟ ياخوفي يهبلون فيك لان فيه كثير هناك عليهم مثل حركاتك وعقلو الذاهبه ترى ماني ضدّك بس من روح الميانه اكلمك ماقلتي لي وش اسم البنت ذيك قولي مااحد يشوف ولاني معلّم احد وبعدين مو غبيه هي انتي كذبتي عليها وهي بنت طيبه تصدّق ماتفكر مثلك فرق بين السذاجه والغباء وانا اخوك الغباء له تعارف كثيره وممكن كلنا نطلع اغبياء لو وصفنا كل حااله بعملية الاسقاط بعض الناس يالذاهبه شطحاته تكرهك فيه بس انتي عجزت اكره شطحاتك مدري ليش |
اقتباس:
تعجبني ليتني صديقك |
اقتباس:
أكيد هذا أنا بأحد معرفاتي الانثوية !!! وفي كل محادثة مع اعضاء المنتدى أقعد أشتم في معرف الذاهبة لأني مالي خلقك أنتي وهوايتك المتغطرسة التي تدل على مدى استخفافك بنا وبعقولنا النيرة .. بس ياترى أي بريد اللي دخلتي منه وخليتني اشتم فيك وانا مدري انك الذاهبة..!! أتوقع البريد اللي النك حقه out here على العموم سآخذ حذري في المستقبل.. |
اقتباس:
والله ما أظن أحد يبي يستفيد من سوالف المدح اللي توصلني .. و أصلاً عيب الواحد يمجد نفسه أو ينقل للناس المدح اللي ينقال فيه .. :) لذلك حبيت أذكر موقف واحد ضحكني .. و الشاهد ( السب و الحش ) الموجه لي .. عموماً هذا موقف من عدة مواقف .. بعضها لــ مغازلجية .. برضه أكلوا مقالب كبيرة .. على فكرة .. تراني ما اكذب .. و دائماً أفضّل الصراحة .. حتى لو يزعل الجميع علي .. !! :) يسلم عليك برجي العاجي .. و يقول لك .. ترى برجك يانزف أطول مني .. !! يكفي إنك في كل موضوع لازم تعلمنا سالفة ( أنك تدرس طب .. و ترطن انجليزي .. و لك عشر سنوات تعرف للنت .. هه !! ) إلى أن حفظنا هالسالفة عن ظهر قلب .. !! * لا تزعل أوكيه .. ترى هذا من باب البياخة * هه !! |
اقتباس:
catch me If you can.. @@ هه !! |
| الساعة الآن 02:15 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة