|
بذمتكم .. فيه لاعب يضيع كورة والمرمى مافيه أحد !!! ولاننسى وطنية الزعيم !!
أولا : ألف مليووووووووووووووووووووون مبرووووووووووووووووووك للمنتخب السعودي على التأهل وعقبال الكأس إن شاءالله ! ثانيا : كلكم شاهدتم الهجوم القوي والعنيف على سعد الحارثي بعد ماضيع فرصة قدام كوريا , ولكن الحمد لله إنه عوضها قدام اندونيسيا !! طيب شفتوا اليوم فرصة ياسر في الشوط الأول منفرد لوحده وماقدامه إلا الباب ومع ذلك ضيعها !!!!!! يعني لوأجيب xxxxxx وأخليه ينفرد بالحارس لوحده كان جابها !!! بنشوف بكرا وش بتقول صحافة الهلال عن هذه الفرصة ... شرط مايجيبون لها طاري !! ولايهونون بعض الاخوة هنا !! ثالثا : يتحدث الهلاليون عن الوطنية وأن همهم الأكبر هو المنتخب فقط !! ومع ذلك رأينا في مباراة اليوم وبكل وقاحة علمهم يرفف في اندونيسيا بحجة تشجيع المنتخب !! أي أنهم جاءوا لتشجيع لاعبيهم فقط لا لتشجيع المنتخب كما يدعون !! وعاشت الوطنية !!!!!!!! تحياتي |
[align=center]وبهذي معك حق . . وبالنسبة لإنفرادية ياسر المفروض إنه يتقدم أكثر وش معجله يشوت من بعيد لكن يمكن يكون معذور لأن الأرضيه مش مزبوطه والدليل زي ماشفتوه بالإعادة إختل توازن الكره . . عموماً وحده بوحده مع الحاثي ونشوف بكره وش راح تكتب الرياضية . .
إذا تبون نصيحتي أفضل جريده بالمملكة ( تتعب وأنت تقرأ) هي جريده الملحق الرياضي تجي مع جريدة اليوم من الصفحة الأولى وحتى الصفحة الأخيره كلها عن كأس أسيا مافيها ولا خبر خارج عن هالبطولة . . جرب بكره وخذها واحكم بنفسك . . بالتوفيق للمنتخب[/align] |
وإنفرادية إندونيسيا ,,, لا تنسونه نفس الحركة ودخل منطقة 18 ,, وهو ما سدد الكورة إنفراديتين ,, وهدفين أكيدين ... |
هههههههههههههههههههههههههههههههههه
معليش أخوي تقول وش فيه ذا يضـحك ... تبغى الصراحة أضحك على موضوعك . بالله عليــك مبارآة كوريا لها سبوعين مخلصه .. وإلى اللحين تفكر فيها . إذا كان تفكيرك سعــد جاب وسعد ضيع وياسر ضيع قدام الباب ... فأسمحلي أنك ماتدري وش الكــورة عادي في كل المباريآت تــكون هــناك ضياع للهــجمات .. وهــذا يعـتبر شيء عادي .... ولكــن أنــك تترك جميع اللاعبين وتابع ياسر لما يضيع ..هــجمه علشان تكتب فيهــا في المنتديات ياسر كابتن المنتخب ضيع هــجمه ... ومادري أيش . اليــوم في المبارآة أكثر الفرص ضاعت ومـو من لاعب واحد من أكثر من لاعب ..على سبيل المثال ( الموسى ،، والقحطاني عبدالرحمن ،، وتيسر الجاسم ،، ومالك معاذ ،،وياسر القحطاني .)) كل هــذولا ضيعوا هــجمات .. وش المعــنى مالقيت تكــتب إلا عن ياسر .. من حقك أنك تنتقد بس أنتقادك لازم يــكون عن مستوى الفريق بالكامل .. مو عن لاعب لأنه من النادي المنافس لناديــك .. هــذا يعــتبر أنتقاد هــدام ويدل على تعصبــك لناديــك على العــموم .... مبروك الفــوز وعقبال إن شاء الله مانعــطّل الكمبيوتــر الياباني يــوم ألأربعــاء .. |
اولا المباراة انتهت من مدة ولكن لي رد على كلامك
الفرصة حقت سعد جاية على رجله وداخل منطقة ال18 ولم يجد اي مضايقة من الدفاع وصوبها بعيدة عن المرمى عشان كذا يلام اكثر..... ولكن فرصة ياسر برا المنطقة ومشى بها وعدت عليه مع وجود مضايقة من احد المدافعين مع ذلك صوبها حول الباب . وعموما نحن نتكلم ولكن المهاجم اذا فقد تركيزهاثناء تصويبه لا تنفع نجومته ...... ولكن اقول ان سعد وياسر كلهم ممثلين المنتخب خير تمثيل....... |
--- المفروض الواحد مايستهتر من البداية لانها تنقلب عليه ---
|
ياجماعة خلونا من فلان ضيع وفلان جاب
حنا كلنا نلعب لرفع راية الوطن والله ان كان ياسر ضيع مو اول واحد يضيع وعلى العموم الله يوفق المنتخب ويتاهل للمباراة النهائية ودمتم |
[align=center]
أهلاً رايق للأسف هذا هو الإعلام السعودي .. وكلنا نذكر مهاجمتهم للكابتن الكبير حمزة ادريس بعد إضاعته ضربة جزاء في نهائي آسيا 2000 . بينما غضوا الطرف عن سامي حينما أضاع ضربة جزاء في نهائي الأفروآسيوية .. سامي وحمزة أضاعا ضربتي جزاء في مناسبتين مختلفتين . رغم ان سامي لم يوكل له التسديد وكانت مهمة التسديد لخالد مسعد ولكن الذيب اراد تسجيل مجد شخصي له حتى لو بالبلنتي ولكنه أضاع البلنتي .. وهكذا تستمر النظرة العوراء من الإعلام السعودي وقد صدق الرمز النصراوي رحمه الله حينما وصف وزارة الإعلام والنشر بـ وزارة الألآم والفشر .. أنا ماأشره على الصحفيين المتعصبين . فهم مجرد مأجورين يخذون أجرهم نهاية كل شهر . لكن نشره على أصحاب القرار في الإتحاد السعودي .. شكرا يارايق على الموضوع والأربعاء إن شاء الله يتضح مدى قوة المنتخب الكحلي . حينما يقابل اليابان وبإذن الله سيصعد اليابابنيون إلى النهائي وبأهداف تتعدى الثلاثة .. لكـ تحيتي[/align] |
[align=center]
اقتباس:
بالعكس من يملك الكرة وقت أطول يكون تفكيره وتركيزه أكثر .. سعد جته الكره وهو مُجبر أنه يسدد بسرعه .. بينما ياسر انفرد مرتين ومشى في كل كرة أكثر من أربع خطوات .. يعني في هالخطوات أكيد كان يفكر وين يحط الكورة ..[/align] |
على الاقل ياسر جاب هدف وصنع هدف خلوووووه يضيع كل الهجمات اهم شي يفوزنا
|
اقتباس:
على الاقل ياعزيزي ياسر ماقصر جاب هدف وهو اللي رفع راس السعوديه ولايهونون باقي اللاعبين تحياتي للجميع .. |
ياسر اليوم بصراحة عشرة على عشرة رغم الرقابة اللصيقة
المفروضه عليه إلى انه صنع هدف وسجل آخر وبالتوفيق |
[align=center]
أخي ( رايــق ) أهلاً بك نعم أخطأ من حمَل ( الحارثي ) مــسئولية التعادل مع ( كوريا ) بسبب عدم توفيقه في تسجيل إحدى الفرص كما يفعل كل المهاجمين ياسر ضيّع ومالك ضـيّع وكل مهاجمي العالم ضيّعوا ومن لايضيّع لا يــسجّـل .. ولكن لماذا نقع في نفس الخطأ ونقابل الخطأ بخطأ .. ؟ الإعلام المتعصّب بات مكشوفاً للجميع ومن يروّج لما يكتبه أولئك المتعصبون أو يتناقله يعلم يقينا أكثر من غيرهً أن هذا الإعلام يديره صحفيون بدرجة متعصبين لا يرون سوى أنديتهم حتى لو حملوا شعار الوطنية أحياناً .. لذا أتمنى أن نبتعد قليلاً عن مثل هذا الطرح وهذه المواضيع التي تفرّق أكثر مما تجمع فكلنا خلف ( المنتخب ) ولاعبيه خاصة في مثل هذا الوقت وهذه المــرحله الحـسّـاسة من مشوار الأخـضر .. لك كل التحية أخي / رايـق [/align] |
أتمنى نبتعد قليلاً عن التعصب وننظر بعين خضراء فقط
وإذا انتهت البطولة فلكل حادثٍ حديثِ |
كابتن المنتخب السعودي ياسر الكاسر لثاني مره يأخذ افضل لاعب بالمباراة
وياسر الهداف الأول بتاريخ السعوديه بآسيا بخمسة أهداف موت حره بينما مهاجمك مجرد مشجع خارج المستطيل الأخضر نتمنى منه بالمره القادمه أن يساند رابطة الأخضر |
| الساعة الآن 06:14 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة