|
تعالوا جميعا : الذيب نبي رأيه .. وإللي على نياته يأخذ حذره
تعاملت مع مؤسسه ومحاسبها ماهوب سعودي
المهم أول ما بدينا الشغل عطيته دفعة 2000 ريال وبعد أسبوعين جيته وعطيته ألف ويوم سألته : "كم إللي واصل هالحين" قال : "ماغير هالدفعة " قلت له : "ما يصير أنا أذكر أول ما جيت معطيك دفعة أولى " قال : "لا ما حصلش" قلت: "يارجل تأكد حتى أذكر إنك معطيني سند قبض" قال: " مستحيل لكن عشان تطمأن ندور في السندات" المهم قم يدور وأنا أفكر هل فعلا أنا معطيه شي أو لا ؟ جلس يفتش بأوراقه وأخيرا والتفت علي بابتسامه وقال :"أنا قلت لك ماعطيتني شي" قلت له :"وشلون تسوي أمر تشغيل وأنا ما عطيتك فلوس؟ " قال :" إنت حبيبنا ولك مكانه خاصة وتعامل خاص " ما أطول عليكم أنا رحت للبيت وأنا مكذب نفسي أقول شكلي فعلا ما دفعت غير هالدفعة لكن الحمد لله لقيت السند وفيه المبلغ وتوقيعه وقتها استانست مهوب علشان أوفر ألفين ريال لا أهم شي إنه رجعت لي لي ثقتي بنفسي لأني أحس إني هاليومين مهوهي شوي وبديت أفكر وأخطط وش أسوي به . وهل هو فعلا متوقع إني ما عطيته أو إنه ناوي يلهف الألفين ؟ بعد يوم اتصلت عليه وقلت:" له هاه بشر عساك لقيت السند ؟ " ... لكنه أصر يجحدني وأنا الآن أفكر ألقنه درس عشان ما يتجرأ يلعب على واحد ضعيف ويستغفله لكن وش رأيكم بالسينارو المناسب لمثل هذه الحالة أنا متأكد إن إذا وريته السند بالآخر راح يبردها ويلاقي ألف عذر أقلها بيقول : أنا كنت ناوي أديك درس عشانك طيب وعلى نياتك وخايف تطيح بواحد مايخافش ربنا هاه وشرايكم وش أسوي به ... دامه بين يديني ؟؟؟؟؟؟؟؟؟ |
أنا أقول أخي العزيز لا تلقنه درس ولا يلقنك !
احمد ربك إنك لقيت السند وقل ياالله العافية . . . لأنك في مثل هذه الحالة لا تستطيع أن تدخل في نية الرجل مهما كان . . . المهم احرص دائما على السند عند التعامل مع هؤلاء وغيرهم . وفقك الله |
خذ صورة من السند .. و عطه إياها
و لا توريه الأصل .. و خلك حبيب معاه عشان ينجز شغلك ولا يخربه .. و إذا خلصت منهم .. بلغ المعزب .. قل له ترى هالمصري سالفته كيت و كيت .. عشان يأدبه ، و يهاوشه .. أو يسفره المهم يتفاهم معه .. و إن شاء الله ما عاد يتعودها .. |
أبو رهام
أنت لو تشوف ضحكته الصفراء وهو يقول لي أنا متأكد إنك ما إديتني شيئ ياأستاد .......... كان قلت حس مريره .. وبعدين أنا فعلنا أحمد ربي وأشكره بس بنفس الوقت خايف إنها مقصوده .. ويسويها مع غيري على العموم الدنيا بها خير مدام فيها واحد مثلك قلبه أبيض |
هلا والله وغلا بالذاهبه عمدة منتدانا يكفيني فخرا وشرفا مرورك وإبداء رأيك
وهذا على قولتهم في المحن تأتي المنح لكن يا أروبه (لو إني مدري وش معناها) وش دراك إنه مصري ؟ أنا فعلا على كلامك مستفيد من الموقف والشغل معاي ماشي زي الحلاوة وأمس سوى لي خصم100 ريال لكن وش فائد تصوير السند خليه على عماه لين يخلص شغلي معاه |
لا ماله داعي حوست المرير على ماقلت
وأنــا متأكد بأنك عندما توريه السند سوف يعتذر لك ويتأسف ويشعرك بأنه محرج منك ولايجعل لك فرصة لتستعمل هذا السند أو تلوح بــه كورقة رابحة 00 من شدّة الإعتذار ولكن من رأيي أنك تطلب منه ملخّص بالأعمال المنجزه والدفعات المسددة 00 لكي تأخذ منه إقرار خطي بخطأه ومن ثم تطلعه على سند القبض 00عندما يكون الملخص الذي أعطاك إياه محفوظاً عندك بالبيت 0 عند ذلك سوف يكون بيدك ورقةٌ رابحة على الأقل يلتزم معك بالمواعيد خجلاً أو خوفاً من مغبة فعلته 00 فهي على كل حال لاتشرّف 00 فإن حملناه على المحمل الحسن وسلامة النية 00 فهو خطأ محاسبي قد يزعزع ثقة كفيله به وإن شككنا بأن عمله مقصودٌ لأجل الإختلاس فهذه أشدُ من سابقتها 00 |
بلغ الكفيل احسن لك |
[align=center]
اقتباس:
:17[1]:[/align] |
والله رأي أخوي العصامي
راائع ولو تسويه تكون لقنته درس وعلى قولة العصامي (ورقة رابحة في يدك) |
رائيي من رائي الاخت الذاهبه
|
أعتقد أن أخي العصامي ما قصر أعطاك الطريقة التي تكفل لك حقوقك وتكشف نوايا هذا المحاسب
ودمتم بود |
اقتباس:
أخي الكريم ، لو كل واحد أخذ حذره ما تجرأ على فعلته هذه لا معك ولا مع غيرك . . . أما بياض قلبي ، فأتمنى أن أكون كذلك ، ولكن في مثل هذه الحالة تذكر قول الشاعر : ليس الغبي بسيّدٍ في قومهِ لكنّ سيّد قومهِ المتغابي ! تحياتي لك . |
رأيي من رأي الأخ العصامي بقوله :
(( ولكن من رأيي أنك تطلب منه ملخّص بالأعمال المنجزه والدفعات المسددة 00 لكي تأخذ منه إقرار خطي بخطأه ومن ثم تطلعه على سند القبض 00عندما يكون الملخص الذي أعطاك إياه محفوظاً عندك بالبيت 0 عند ذلك سوف يكون بيدك ورقةٌ رابحة على الأقل يلتزم معك بالمواعيد خجلاً أو خوفاً من مغبة فعلته 00 فهي على كل حال لاتشرّف 00 فإن حملناه على المحمل الحسن وسلامة النية 00 فهو خطأ محاسبي قد يزعزع ثقة كفيله به وإن شككنا بأن عمله مقصودٌ لأجل الإختلاس فهذه أشدُ من سابقتها 00 )) ... ومن ثم نوخه واعقله وحيلك فيه ، حتى لاتسول له نفسه بفعلها مرهـ ثانيه ،، هاالفئه لايروننا إلا بهايم معاهم فلوس وبس .... ... وأقصد هنا ، أبلغ كفيله ،هذا إذا إعترف وتأسف ،، وإن لم يعترف وزايد بعنادهـ الشرطه وغرفتهم الساخنه تخليه يعترف ......... .. أتمنى لك التوفيق أخوي والسلام ... |
اذا كنت متأكد انه يتجاهل لأجل الإختلاس .
فمن رأيي الا تسكت له لأنه حرامي . احسن شي تبلغ الشرطة لأني اتوقع انه سارق أناس آخرين. |
| الساعة الآن 08:08 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة