شاب يبيع جسدة علشان ستبنه
 

بعيداً عن التدقيق في الأخطاء الأملائيه او النحويه اوجمال الأسلوب القصصى سأذكر لكم هذا الموقف بلهجتي البريداويه من رأسي للكي بورد مباشرة بدون محاوله ايجاد مفردات رنانه
في هذا الصباح أتى زميلي إلى العمل على غير العادة متكدر ومهموم والنفس شينه طبعاً حب الفضول(اشتعل) فسأ لته عسى ماشرقال لا أبد ما نمت زين بس حصل موقف لى اخاف اذا ذكرته لك ما تصدقه قلت تكلم عادي تراك شوقتنى قال وأنا راجع من الأستراحه البارح وماسك طريق الدائري في امان الله أذا بسياره خلفي تأشر لى بألحاح عجيب فاتوقفت اشوف وش يبى ونزلت من السياره ورأيت شاب في مقتبل العمر قادم نحوي قال السلام قلت عليكم السلام قال مادري وش اقول بس معك سلف مئتين وضحكت باستغراب انا ماعرفك وبعدين مامعي المبلغ قال لاتخاف بتاخذ حقك فوري وقلت وشلون واقترب منى ********فابعدته على الفور وقلت ماتستحي على وجهك كل ذا علشان الفلوس تسوي بنفسك كذا قال ماعرف أسرق واخاف وبعدين انا ابشتري كفرغيري يسرق علشان يشتري حشيش او عرق قلت ليش توقفني انا بالذات قال ابد شفت السكسوكه والفورد قلت هاذا صيده وطالع وحده ونص بالليل وانقهرت من الرد قلت توكل على الله والا تراني ابوقف اقرب دوريه وضحك قال جرب ونشوف مين المصدق انا والا انت وانا ابرجع لسيارتي خوفاً من المهبول الجريء سألته ليش ماتطلب من ابوك اوتشتغل وضحك وقال ابوي ماعنده الا الرز وها الدجاجه نتكوم عليها والله يستر اذا مانقطعت بعد والوضيفه على يدك مااهتميت بالرد وركبت سيارتي وانا في حاله ذهول من الموقف. قال وش رأيك في الموقف هذا قلت أنا اسمع أن الكبار هم من يتحرش بالصغار بس هذه أول مره اسمع العكس انقطع الحديث بعد دخول احد المراجعين ولكني تساءلت في نفسي ليش صاحبناضايق صدره ومتكدرلايكون السيناريو ناقص اعوذ بالله أن بعض الظن اثم.

والآن بعد قراءه هذه ا لحادثه هل نقول إنها حالات شاذة ولا يمكننا المرور عليها والوقوف عندها اونقول يجب مناقشتها لأن النار من مستصغر الشرر ومعرفه الأسباب التي دفعت بعض الشباب إلى ممارسه الرذيلة و السرقة هل هي بسبب قله الوازع الديني أو الفقر اوقله تربيه أواو...أنا في حاله ذهول ساعدونى في معرفه الأسباب

اعوذ بالله نسأل الله السلامه
لاحول والاقوة الابالله

[align=center]لاحول ولى قوه الا بالله[/align]

قلّة الوازع الديني .., وهمجية التربيه .., والأهمال .., كلها اسباب لمثل هذه النماذج .
اما التحجج بالحاجه .., والفقر فهي حجج واهيه . وإلا لصار كل شعوب العالم الثالث على هذه الصفه وهذه الوضعيه .


تحياتي .,’

يقول شيخنا الجليل سلمان العودة (يحفظه الله) لوقام كل رب أسرة بواجبه فقط نحو أبنائه لما شاهدنا مانشاهده الآن من تفسخ للأخلاق وتفشي للجريمة .....لله درك ياشيخ...

[align=center] كلام جميل أغناني عن كتابة الرد بشكل مطول

حفظ الله شيخنا الفاضل وأخينا ( ابو خالد ) وجميع المسلمين من كل شر وسوء[/align]

لاحـــول ولاقــوهـ الا بالله