|
ممكن تفهمونن وش قصة هالشباب ؟؟
[align=center]
السلام عليكم ورحمة الله وبركاته أعتذر عن اندفاعي بالكلام بس لأنه بصراحه أحس مخي بينفقع من التفكير الحين يوم نكون في مول معين ، بالرياض أو حتى بريدة يأذن المؤذن وتروح الناس للصلاة إلا قلة من النساء ، ومعهن بعض الشباب ، طبعا الشاب مع أهله ما أتهمه بشي ، بس يقعد مع أهله يا إما يسولف أو يتمشى مايروح يصلي !! لنفرض إنه مسافر ، طيب أذن المغرب وهو بالمول ، وفيه مسجد ودورات مياه – الله يعزكم – وكل شي ، هل من المنطق إنه يقعد مع الحريم ومايصلي بحجة إنه بيجمعه مع صلاة العشاء ؟؟ طيب هو ذاك الوقت بيكون في نفس المكان ! طيب ليش مايصلي مع الرجال ممكن أفهم ؟؟ يعني ماله صلاة – وأنتم بكرامه – وإلا وش القصة ؟؟ نافووووووووخي ياعااااااالم [/align] |
كثير ملاحظه هذا الشي ,,
الله يهديهم بس ويفتح على قلوبهم ! |
أختي هامة..الأسباب كثيرة...منها عدم حث الوالدين للإبن على الصلاة من سن مبكرمما جعله لايدرك ماهية الصلاة وهذا بسبب إنشغال الوالدين عن الإبن وتركه مع الشغالة..وما شاهدتيه هم نتائج تربية سيئة وتركها للشغالة مما ولد لنا جيل وازعه الديني ضعيف.
|
والله ياا كثرهم وصار شي عادي
الحين اذا شفت احد يصلي اقول ما شاء الله عليهم دينين يصلون!!! الله يرحم الحال بس ... |
اعتقد ان اهتمام الوالدين وكمان دور التعليم
ورفاق السؤ له الدور الاكبر ورى هذا الشي |
هامة
عندي سؤال ماله دخل بالموضوع..ابد ابد المعروف لدينا ( نون القصمان ) او هكذا تعلمنا ... بس الغريب الما تكون ( تو) نون والنون الزائده سمعتها كثير قبل سنة تقريباً واستفسرت عنها من الناطقين بها بس مارسوني على بر قلت > الحديث للكاتبة أنا ليه تزيدون نون ليه تقولووووون (( نسيتينن..علمتينن..سهجتينن..وهلماااا جرااااااا.. قالووو تعودنا عليها .. وحده قالت للللتشويه الزائد س1 اي حارة في بريدة ينطقونها بكثرة..وليه النون الزائدة ..وهل هي موروث لهجي هامة ترى بجد ابي اجابة .. طبعا أستجوبتك عشان كاتبة...(( فهمونن )) واحس انك بب مصرفتني << ابد ما ترفع:g5: شكراااااااا |
الله يهديهم ويمكن تكون صلاة العشاء وجامعينه مع المغرب هذا للي معه عذر
ويمكن نقوول لضروف احكام ودمتـِ |
هلا اختي هامه
خلينا نغير كلمة مايصلون ونقول ان بعض الشباب يؤجلون الصلاة كذا تكون احسن عشان مانقع بالاثم !! وفعلا كلامك واضح لكل شخص فعلا اشوفهم اروح اصلي وارجع واحصلهم قاعدين ولاكنه مقيم الصلاة ! لكن نقول الله يهديهم ويهدينا ولاتكلمين الشباب بس شوفي الحريم بعد قاعدات مع عيالهن ترا الصلاة لها وقت وينتهي وقتها ! |
الله يهديهم
|
لأنه صار ألأمر بالمعروف و النهي عن المنكر محكوراً على فئه من الناس (الهيئه) .
أو هكذا أرادوا أن تكون الحال عليه .., لذا صار لا أحد يأمر بالمعروف .., وينبه هؤلا الى خطأهم . فلو كل واحد من المسلمين قام بواجبه لما صارت ظاهره ..,؟! تحياتي .,’ |
قال صلى الله عليه وسلم(الصلاه الصلاه وماملكت ايمانكم)
مااقول الا الله يبصربهم |
(( كلكم راعاً ،، وكلاً مسؤول عن رعيته ))
الحاكم مسؤول في تخلف المسلمين عن الصلاه بأن يستثيب تارك الصلاه ثلاث ،، والأب مسؤول في عدم حث أولاده على الصلاه وتحبيبهم فيها بحيث يأمر عليها من سن السابعه ويضرب عليها من العاشره ،، والأم مسؤوله عن ترك بناتها وأولادها للصلاه ،، إذاً مسأله التعاضد فيما بين لبنات المجتمع مهمه في أنتاج جيل صالح محافظ على صلته بربه ،، وتقبلي مروري أختي ،،، |
[align=center]
أشكركم جميعا وهنا نرا أهمية التربية الوالدية والصلاح من عند الله البرحية اقتباس:
اقتباس:
اقتباس:
نحن القصمان ماعندنا دبل نون ، ما عندنا إلا نون القصمان اللي هي وحده فقط ، أما الثانية أو بالأصح الأولى في الكلمة فهي نون أصلية بالكلمة مثال توضيحي : كلمة (تفهمونن) هي بالأصل ، تفهموني ، تفهمونه ، تفهمونها نحن القصمان إذا أردنا أن نتكلم عن أنفسنا - بفعل مضارع - نحذف ياء المتكلم ونضع بدالها نون القصمان فتصبح الكلمة (تفهمونن) أي أن النون الأولى أصلية في الكلمة والثانية هي نون القصمان أما الأمثلة اللي ضربيتها فهي حقيقة عقيمة وخالية من الصحة فلا يوجد قصيمي يقول (نسيتينن..علمتينن..سهجتينن) إلا إذا كان (مستقصم) وغير مدرك لقواعد اللهجة بل نقول (نسيتن ، علمتن ، سجهتن) فالأفعال الماضية (نسي ، علم ، سهج) نحذف منها فقط ضمير المتكلم ولا نضيف شيئا أتمنى إنك فهمتين عدل >> لا حظي (فهم) فعل ماضي لذلك ما أضفت نون القصمان اقتباس:
سعدت بتواجدك تحيتي هامة حاسوبية [/align] |
الله يهديهم ويصلحهم
|
الله يهديــــهم...
|
| الساعة الآن 05:44 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة