|
(لا...لا...لا) أريد أن اكـــــون خليجية سعـــــــــوديه...!!
مسخره(في) مسخره
كذا شي يعور القلب.... ويدمع العين هو منظر البنت السعوديه في خارج المملكه من الحدث ومن احدى الدول ..رأيت ابشع صور الفتاه السعوديه الغير مشرفه واترك لخيالكم ...تصور ماتريدون بجد شي مخجل..!! استحي اني اكون مثلهم سعودية الموطن والمنشأ والغريب..!! معهم اشخاص يقال انهم رجال... وانا أشك في مرجلتهم...!! هل هذا التحضر الذي تتصوره الفتاه السعوديه؟ مالت ... ومالت على هيك حضاره انتظروني بس لما أرجع لكم بيكون شعري ابيض من هول ما أراه مع السلامه . |
وانتي وينك فيه ياام السعسعه ياحبك للروحات
بس جيبي لنا صور بنات عشان نحكم بأنفسنا >>> يارب تصدق وتجيب |
لا حول ناس تسافر عشان تكون مسخرة للغير
كيف بنت اورجل تربى وعاش في ضلاال الحشمة والحياء والدين ولم يسافر خارج وطنة ينزل اسفل السافلين يقل في السابق السفر ينقل حضارات العالم ويروج لة فالاجدر بنا كاسعوديين ان ننقل حضارتنا بكل معانية السامية وليس العكس ولاحول ولا قوة الا بالله شكرا لك وشكرا على غيرتك |
لا حول ولا قوة الابالله
ما ادرى ليش بعض السعووديين اذا اسافروا ينقلوون يعطووون صوره سيئه عن وطنهم كأنهم عايشيين بكهف قريت قبل فتره خبر عن بنت سعوديه عمره 23 وفووق سووت مقابله مع مذيعه في احد الاسواق بدبي وقالت انها سعيده بوجوودها في دبي وانها تتمنى العيش فيها تقوول اخذت حريتهاا هنااك وتعلمت السواقه وغير كذا تعرفت على شباب اماراتين ظرفاء وخرجت معهم الله يستر |
يا حول يالرجل دايم الطقه على راسه على فكره يا بنات .. ترا الله ينظر للرجل والمرأة مو بس خاص للرجال الله لنا كلنا مو بس أحنا يا معشر الرجال كل ما صار شيء قالوا أنا اشك في رجولة هذا الرجل أو خابت رجالنا يا حريم أو ما وراكم أرجال هذي علثت الحريم دوم .. تقل هذا الرجل هو اللي راح يحاسبها عن عمايله اللي تسويهن |
لاانا احس ان الناس اللي كذا مو واثقه لاومومتقدمه وتحس بالنقص وانه شكلها غلط
بالعكس انا رحت لمصر وجلست في فندق بالغردقه وكان كله ناس من اروبا وكانو يناظروني ويقولون انتي شبح بس انا زادت ثقتي بنفسي فعلا حسيت اني غير عن حريمهم واتصدقون وحده جت لمي تقول انه زوجي يقول ليه ماتصيرين مثلهم لانه شكلهم حلو وبعدين ماابي احد يشوفك(ياحليله هاالاوربي جزناله) ... |
الحمدلله ع السلامة ياقااااااااااي ممن السعسة وانتي ياحبك للشرافة يا ارج ماغير مفتحة عيونك للعالم استانسي بسفرتك واتركي عنك العالم وبعدين انا ودي ادري بشي انتي ماقلتي لنا الى الحين وششفتي بالضبط علشان نحكم عليه هو صح والا لا علمينا يالله وش شفتي وين كنتي؟ |
اقتباس:
مانحب الاشراف ابد |
وين الصور ....؟؟؟؟
|
اقتباس:
اضم صوتي لصوت اخوي توتي ماراح نصدقك الا اذا وريتينا صورالبنات اللي تقولي عنهم <<خخ |
هلا حبيبتي سكووون
هي بس واقفه عالبنات برى السعوديه والشباب وين راحوا .. شوفي بس عمايلهم بسوريا كيف مانقول إلا اللهم ثبتهم وأهدهم وردهم إلى طريق الصواب لكي فائق تحياتي |
في مطار الملك خالد الدولي كنت بانتظار موعد الطائرة المتجهه الى مصر قبل حوالي 25 يوم وكانت هناك عائلة سعودية مكونة من رجلين وتقريبا 8 نساء واطفال لا اعلم بعددهم افترشوا الارض وبسطوا رقائق النايلون "السماط" وقدموا قصدير الاكل وقلطوا جميعا على وجبة الغداء الارز ما عدا الرجل الاخر فكان يراقب حركة سير الاطفال بصراحة شيئ يخجل !! النسوهـ تاكل والرجل بينهن لكم ان تتخيلوا شكلة !؟ "مرياع" يرفع راسة تارة ويلتقم ثم يتناول الاخرى وهكذا دواليك وفي كل مرة كان يرفع رأسة في محاولة لاخافة من يحاول استراق النظرات "ستر عنز" ,,ياحبيبي لماذا تضع نفسك في هذا الموقف المحرج ؟ استغرب ليش ما تغدأ بالبيت ؟ ولماذا يسمح بدخول الوجبات الدسمة لصالة المغادرة الدولية ؟ او المطار بالرياض وليس مطار بريدهـ وتوابعها الاقليمي |
والله إحنا النساء والرجال من المفترض ألا نخرج عن حدود السعودية
من أجل أن تبقى الصورة من دون تشويه كما هو حاصل الآن هناك الشباب يطاردون البنات السعوديات امام الملأ..!! أين سفارتك لبلدك..؟! أين دينك..؟! أما الشباب فحدث عنهم ولا حرج فالمراقص والبارات والمقاهي هناك تنبيك عن أخبارهم..!! مصطلح (أحفاد الصحابة) أصبح في خبر كاااااااااااان منكم ومنا... |
اريج يقالتس مسافرتن برا المملكه هههههههههههههاي
لو احلف انتس كل الصيف بالشماسيه والا بحويلان ماطلعتي ابد هههههههههههههههاي |
المشكله مو في الرجال المشكله في الحريم أذا عطيتها وجه ودلعتها بزياده أملدت
|
| الساعة الآن 11:59 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة