|
بنقالي راكب عراوي , بأعلى صوته يقول يالسعودي لا تتحداني ...!
اهلا وسهلا بالجميع ... كل عام وانتم(ن) بخير ...
في الطرقات في مملكتنا الحبيبه يقود المركبات جميع انواع الجنسيات بلا حسيب او رقيب ...! العامل , السباك , المبلط , الحداد , النجار , و موصل الطلبات من المطاعم و السوبر ماركات وكل من هب ودب من العماله السائبه ...! اتحدث هنا عن مركبات العماله السائبه ونوعيتها التي اكل وشرب عليها الدهر بعضها من موديل الثمانينات اقل مايقال عنها ( كرمبع ) منتهيه صلاحيتها ... لن اتحدث عن الكربون الخارج من مؤخرتها ولا عن الصوت المزعج من كبوتها ...! بل سوف اتحدث عن همجييتهم في القياده ودرعمتهم بين المركبات الفارهه الأخرى ...! في قيادتهم يخطمون عرض وكأنهم يقولون نتحداكم يا السعوديين يا اصحاب السيارات الجديده ان تخطموا علينا او ان تمنعوننا من السير قبلكم ولو كنا اتينا من اليسار لليمين فجأه ...! شفاتهم تقول مركباتنا رخيصه الثمن متقاطين فيها , و ورقة تأمين السياره في الدرج و اذا حصل حادث لن نخسر شيئا , شركة التأمين سوف تدفع لكم ولكن سياراتكم الفارهه لن تعود كما كانت ...! لذا انتبهوا و احذروا منا نحن العماله السائبه نتحداكم اذا لم تفسحوا لنا الطريق بالطيب سوف تفسحوه بالقوه , نظام التأمين فتح المجال لنا كذلك نظام المرور كذلك الفحص الدوري الله يخليهم كلهم لعين ترجيهم ...! لذا نحن العماله السائبه مالكي السيارات الكرمبع القديمه التي لا يتجاوز سعرها 4000 آلاف ريال نعلنها صريحه في وجوهكم ونرفع شعارنا الذي لن نتخلى عنه في ظل الأنظمه البائده والتي تقف بصفنا قلبا وقالبا ونقول : بنقالي راكب عراوي , بأعلى صوته يقول يالسعودي لا تتحداني ...! اعذب تحيه للكل . |
فور يو
كل عام وأنت بخير بالنسبة لموضوعك .. رغم أنه خطأ كبير يسوق من هبّ ودبّ .. والبركة في كفلاء العمال عندنا .. لكن أشوى شوي .. يوم ألزموهم بالتأمين .. يعني على قولتهم : العوض ولا القطيعة مع التحية . |
ابوفيصل صادق والله انا مره كنت عند المرور عامل عندي مسوي حادث وكنت اناقش الضابط ويجي واحد سعودي ومعاه اثنين الضد قاله الضابط انت الي مخطي عليهم بالحادث قاااال ايه اعترف وفجاءه قال معاي تامين الله ياخذ التامين تروح ارواح ناس وراك معي تامين حسبي الله ونعم الوكيل التامين دمر كل شخص هنا
|
تصدق واحد سعودي صاحب مؤسسة مقاولات كبيره ببريده,,إستقدم مهندسي مباني ومراقبين ,كلهم مايعرفون يسوقون ,,المهم شرى سياره (ددسن كسره)قال لهم:تعلموا عليها وبعدين نجيب لكم سيارة عليها القيمه,,,طبعا من سيدفع ثمن تعلمهم للقياده هو (نحن)حسبي الله عليه.
|
نستطيع ان نسميهم الجمال السائبه !!!!
فهم لايختلفون عن الجمال بشي سواء انهم داخل المناطق السكنيه !!!!!!!!! |
اي والله انك صادق ...
مع اني ما أسوق لكن اذا ركبت في السيارة يبطون كبدي من شين سواقتهم .... |
شكرا على الموضوع والله صادق أخوي ولا تنسى الشياب بعد أعدمو خلق الله ودمــــــــتـــــــم |
اقتباس:
|
اهلا وسهلا بالفريد فريد
بالعكس التأمين اضر بالسعودي , انظر لسائقي الليموزين الأجانب تأمين شامل ولا همه يمشي 100 يمين يأشر له واحد يسار يصفط على طول ولا يشوف اللي خلفه ..! و النتيجه في الغالب ياساااااااتر ... شكرا على المرور العطر . _________ اهلا وسهلا ابو احمد ولا همهم مادام التأمين بالجيب ...! ارواح تروح , شباب يصبح معاق ... اطفال تيتم .. كله سوا عند بعض الناس ... مرورك اسعدني شكرا لك . _________ اهلا وسهلا بالجار ابو خالد للأسف في السعوديه العماله السائبه لهم فرصه لتعلم القياده ...! من حقهم , لاحسيب ولا رقيب ...! نورت الصفحه يالغالي , شكرا لك . ___________ اهلا وسهلا عاشق بريده اسم لائق عليهم الجمال السائبه , نفس الضرر عماله و جمال سائبه ... مرور جميل لاخلا ولا عدم , شكرا لك . _________ اهلا وسهلا جمان البحر هم بس بيطون كبدك لوحدك ... غيرك كثير يرتفع ضغطهم من سواقتهم ... و اللي معه سياره غاليه بالرياض مثلا يدعي ربه يرجع سالم لبيته ... مرور كريم كرم الله حالكِ دنيا و آخره ... ___________ اهلا وسهلا صاحي ورايق الشياب ياخوي اهون من العماله السائبه اللي بعضهم ماسك الممر السريع يسار و اخونا بالله ويمشي 20 ..! تقل يمشي على بيض يخاف يتكسرن ... طله رايقه مثل حالك الرايق , شكرا لك . |
فعلا شي يقهر مره ابوي جاي ياخذني من المدرسه ويرجع عليه
راعي دادسن كسره ويضرب السياره من اولها لحد باب الراكب وراح ماشالله عليه قلت لاابوي هه ليش ماقلتله شي قال ماتشوفين سيارته مقربعه لويبيعه ماجبت قيمة بوية سيارتنا الله يهديه لكنه شاب متهور مهوب اجنبي ومره ثانيه مع كوري عامل هو وكسرته بغى ابوي يروح ذاك اليوم لولا لطف الله كنت توه طالعه الشبح ابوي واقف عند الاشاره وجاي العامل مسرع ويصدم ابوي دخل بالشنطه والكبوت اللي قدام انعدم لئنه صدم اللي قدامه وجات الشرطه وجاء الكفيل ومادفعو الا 1200 بس والباقي ابوي سواه على حسابه مادري ليش |
فور يو
لا اعلم ان كان التأمين في صالحنا ام عالة علينا فمن جانب هو في صالحنا في حال وقوع حادث لاسمح الله مع احد تلك العمالة والذي لايملك ولا نسبة قليلة من المبلغ المفترض ان يتحمله وكفيلة يكتفي بقول اسجنوه فتجد نفسك مضطراً للتنازل وتحمل تكاليف اصلاح سيارتك ومن جانب آخر الصبح التهاون من قبل العمالة بسبب التأمين امر ظاهر اعتقد بأن الوضع بحاجة إلى دراسة وايجاد حلول مناسبة تكفل للمواطن حقه وتجبر العامل على الأهتمام والحرص بتفادي الحوادث تحياتي |
تحياتي ,, أخي فور يو ... البغالي بنغالي معه قرنبع ولا أخر موديل فهم سواء البنغالي او الجنسيات الاخرى لايعرفون عن القيادة بل عن السيارة اي شي وكل تعاملهم بالسياكل .... او كعابي ... ولعل حديثك يشمل سواوايق الاسر الذين يتعلم الواحد منهم بالحوادث او في التسبب بها وانا .. أعرف أحد الاسر تطريد بالسواويق {عجوزهم موسوسة تركب من الخوف قدام ومهب تثق باحد ولو تسوق بها انت صدمت من كثر توجيهات ولو يفحط واحد بالبشر وهم بالصفراء خلت السواق يوقف يعني المشكلة متشعبة ومشتركة } .... والتـأمين حسب اعتقادي انه 100% يخدم وايجابياته تفوق سلبياته بمراحل ودمتم بود |
[align=center]لااتحدوكم اتحدوهم طيب << وحده بااااااااااااااارده :)
هي خاربه خاربه خلوهم يكمولن عليها العماله الحين صايرين اكثر من السعوديين ماشفتو اخوي يوم دخل شارع الخبيب مع ابوي وش يقول ..يقول بابا حنا الحين بالسعوديه !!! بعذره ياقلبي من شي يشوفه فعلا الوضع بحاجة إلى دراسة وايجاد حلول مناسبة تكفل للمواطن حقه وتجبر العامل على الأهتمام والحرص بتفادي الحوادث تحياتي إلك فور يوووو[/align] |
اخوي فور يو
قاعد اتخيل عماله سائبه !! وحريمنا اذا بدت تسوق !!! وش يبي يصير حالنا !!!!!!!!! يمكن نطلع من البيت ونمشي خمسين متر ونتوقف الى بكرا من الزحمه والحوادث!!!!! |
اهلا وسهلا طيف
الحمدلله على سلامة الوالد وسلامتك , والتهاون مع هؤلاء يؤدي لعدم مبالاتهم بالآخرين ... مرور كريم شكرا ... ___________ اهلا وسهلا عبدالله الحلوه من المفترض ان تسن قوانين صارمه بشأن التأمين بحيث لايمنح تأمين الا للسعودي و الكفاءات المفيده للبلد من الأجانب مثل الخبراء والدكاتره والمهندسين وما شابه ... كذلك وضع قانون يتحمل فيه الكفيل خطأ مكفوله وبدل مايسجن المكفول يسجن الكفيل ... مرورك شرفني شرفك الله دنيا و آخره ... _________ اهلا وسهلا اعلامي متعقل لا اعتقد ان التأمين يخدم 100% وسلبياته بالنسبه للعماله السائبه اكثر من إيجابياته ... عطرت الصفحه , شكرا لك . _________ اهلا وسهلا هدووء أجل لو تجين للرياض في حي البطحاء وش تقولين ...؟ كنك في حي قولابا في بومبي او كنك في مبيني منشن في مانيلا او كنك في روى البندي في باكستان ... حي من احياء الرياض يعيش عالم شرق آسيوي مختلف و مخيف ... مرور اسعدني شكرا لكِ . __________ اهلا وسهلا عاشق بريده إذا حريمنا ساقن يبي يصير حالنا حاله ...! الظاهر بنركب سياكل اصرف ... مره اخرى شكرا لك ولمرورك الكريم . |
| الساعة الآن 10:21 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة