|
حارتنا وشارعنا شي ثاني
بسم الله الرحمن الرحيم
السلام عليكم ورحمة الله وبركاته شارعنا شي ثاني تصدقون اهل شارعنا على قلب واحد ياحليلهم من ميزات اهل حارتنا أوشارعنا بالذات نجتمع بعد كل صلات جمعه عند أحد الجيران بالدور حسب تسلسل البيوت ويقدم يلي عليه الدور القهوه والشاهي والتمر الى الساعه ثنتين الظهرنسولف ونتناقش عن احوال الجيران وأحوال فلان وابو فلان نزور المريض ونساعد المحتاج ونخدم بعض في الدوائر الحكوميه ونساعد ألأرامل ونشوف طلبات عيالهم ونزور مدارسهم والله شارعنا وحينا غيرألأحياء ألأخرى!!! الواحد منا لاراح لسوق الخضره يشري لبيته ما ينسى جيرانه. ترابط أجتماعي غريب مع أختلاف القبايل هذا حضري وهذا عتيبي وهذا حربي لكن الجميع على قلب واحد لنا اكثر من عشرين سنه وهذه عادتنا لم تتغيرلكن تتوقف ألأجتماعات الى بعد الشهر الكريم واحد منا عمر عماره جديده عيت عليه زوجته وعياله ينتقلون حبآ بالجيران, وأجرها .. تصدقون حتى الحريم يتزورون ويطعمون بعض شفتوم شارعنا شي ثاني.... الله لايغير علينا لكن ودي أعرف هل يوجد أحياء أو شارع مثل شارعنا ؟؟؟؟؟ تحياتي للجميع اخوكم هين هين |
استاذ هين هين ..
بالله عليك أرفق التأريخ الهجري .. عندكم في شارعكم إياه .. ! لأنه مستحيل تاريخكم نفس تاريخنا .. أتوقع أنتم عايشين في عام 1404 و ما قبل .. !؟ هنيئاً لكم .. و عقبال شوارعنا .. التي تعج بالتكنولوجية .. و الكآبة سواء .. !! |
شارعنا هو النيقاتيف حق شارعكم اخوي هين..!!
تبغى نيقاتيف ؟؟ ندلّك...تجي تسكن عندنا...! |
ماشاء الله ، تبارك الله . الله يديم هالتواصل الطيب و يبارك فيكم . و نعم أعرف أ ُناس بينهم هذا التواصل الطيب و قوية علاقاتهم بجيرانهم و تقريبا ً مثلما ذكرت و لكنا لسنا منهم للأسف ! و لكن علاقاتنا بالجيران طيبة و لله الحمد . |
هين هين...
لا ما أصدق شكلك تحلّم معقولة فيه حي مازال على هذه العلاقات الودية أقف أحتراااااااااااااااااااما لحيّكم الصامد أمام تغيرات الأخلاقيات ممكن أطلق عليه لقب تيمنن بالمدينة الفاضلة لأرسطو أطلق عليه الحي الفاضل لــ هين هين |
نعم الشارع هين هين
ذكرتني بحارتنا القديمة كنا عسل مع سمن حنا وجيراننا نفس طريقتكم بالظبط الرجال مع الرجال دوريات والحريم مع الحريم حتى أيام العيدين يتعيدون سوى قبل إنصرافهم لأقاربهم وذويهم تصدقون إلى النوم أنام عند بنات جيراننا (ألا ليت الزمن يرجع) والله كانت أيام حلوة عندي بس للأسف مالنا إلا سنة واحده فقط ساكنين بفيلا وحارة جديده وأنواع الطفششششش لاجيران ولايحزنون فقط الرجال مع الرجال أما حنا ماندري وش جوى البيوت ... |
اقتباس:
نحن عايشين في زمن المحبه والأخوه... حب لأخيك كما تحب لنفسك شرفتي موضوعي اختي الكريمه تحياتي |
اقتباس:
لا مستحيل أترك جيراني الله يهنيك بجيرانك سرني مرورك من شارعنا تحياتي |
حنى شارعنا كذا...
بس مشكل السكن خاص يعني مو حــــــــــارة مثل الخلق والعالم... حراسة مشددة.. |
اقتباس:
من غير شر وضحي ولكنا لسنا منهم للأسف ؟؟ طالما علاقتكم بالجيران طيبه هذا أهم شي اشكر مرورك أختي تحياتي |
طيب .., وبإجتماع شارعكم ماكل(ن) يقول أنا سويت .., وأنا فعلت .., وأنا اللي لولا الله ثم أنا كان ضعتوا ..؟!
ترانا حنا بغينا نصير مثلكم ..,!!! بس هونوا . تحياتي .,’ |
اقتباس:
صدق مازال اهل الخير موجوديين ما قلتلكم ترابط اجتماعي غريب علاقات أخيويه ومحبه احترامي لك أيضآ تحياتي |
اقتباس:
صدق هذه صفات وأخلاق اهل شارعنا ولله الحمد متكاتفين مترابطين وصامد امام جميع المتغيرات أحترامي لك يالغالي شرفت الموضوع تحياتي لك |
اقتباس:
وشلون يعني سكن خاص وحراسه مشددة أعتقد ساكنيين منطقه عسكرية ولا لا!!! سرني مرورك اختي تحياتي |
اقتباس:
أسف معليش ماشفت ردك الا متأخر حاولي تتعرفي على جيرانكم الجدد اكيد هم مثلكم كانولهم جيران طيبين قبل مايسكنون الحي الجديد شرفني مرورك اختي تحياتي |
| الساعة الآن 05:05 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة