|
في العثيم مول (اقرؤا ما كتبت لعله يهمكم)
اقرؤا ما كتبته لعله يهمكم ..
السلام عليكم اخوتي اولا : يشهد الله انني لم اخط بحروفي سوى الحقيقة بعينها ثانيا : كتبت ما لدي للتحذير من ظلم الظالمين وليس لقطع ارزاقهم ما حصل وباختصار انني ذهبت مع والدتي حفظها الله لنشتري ملابس العيد وهناك في العثيم مول في الطابق الثاني محلي (***) و(***) للملابس النسائية الجاهزة في بريدة اشترينا من محل (***) والبائع يمني كنا قبل الشراء يردد( خذي اللي تبي وحنا نراعيكي ) وحينما اردنا ارجاعها في الليلة التالية وبعد اقل من 24 ساعة ثارت ثائرته وصار يزبد ويرعد ويدعي على والدتي ان كانت تكذب في سعرها فقلت له ( عيب عليك مرة كبيره بمقام امك ترفع صوتك ) قال( شوفي شلون تكلمني ) مع ان امي كانت تسايسه قالت امي : ( لانه ما معي رجال يرفع صوته علي ) قال : جيبي رجالك واوريك !! قلت انا : ( ليش نتعب رجالنا نجيب لك الهيئة تربيك? ) استعدنا مالنا على مضض وانتقلنا لمحل (***) الاخر كان بائعه هندي وما ان قلنا سنسترجع مالنا اصابه ما اصاب صاحبه وهددته بالشرطة واخيرا اعطانا مالنا !! ما اتعجب منه ان يرفض الواحد منهم اعادة المال في اوقات الاعياد خصوصا ويتعمد التضييق علينا بينما قبل الشراء يكونوا بمنتهى اللباقة والادب !! وحين الاسترجاع يرمي بتهذيبه عرض الحائط الهذه الدرجة هم يفقدون الثقة بجودة ما يعرضونه ? انا اعرف انه ليست كل طرائق الناس تستطيع الشراء من غيرهم فالله فضل بعضنا على بعض في الرزق انما لا بأس بأن نوجه صفعة محبوكة لمثل هؤلاء كي لا يستغلوا عوز الناس وضعف النساء !! يجب ان يبيعوا وهم لا يتوهمون انهم يحسنون علينا بيدهم العليا !!!!! من بعدها ذهبت لاحدى محلات الماركات المعروفة اخذت ما اريد وبدلت واسترجعت بواقع ثلاث مرات على التوالي وبكل اريحية ومرونة كان التعامل مع الباعه هناك بمنتهى الروعة لا بذاءة ولا ابتذال هذا والله وليي وولي الجميع. |
الله يكافينا الشر ....
الى متى هذا الجشع والطمع في نفوس التجار واعوانهم ... لو كان معاك اخوك او زوجك كان دفع وهو ما يشوف الجادة لكنك مثل الطير المكسور جناحة . |
ذكرتيني بقصه لمماثله لقصتك في احدى المحلات داخل العثيم مول
اشترت الولده بلوزه من محل لا اذكر اسمه وكان لامانع من استرداد المبلغ وبالغد ذهبت انا والوالده وقال البائع يمني انتم بكم شريتوها قالت الولده 140 قال ماسبق بعتها بالسعر هذا هذه سعرها 120 تجادلت معه لاكن لافاده قلت مو مشكله هاااااااات 120 ريال (محلا العثيم فاااااااشله) وبعد التجديد انشاء الله يتحسن الوضع |
السلام عليكم شي غير مستغرب لاننا شعب طيب والاجانب وخصوصا الحظارم والهنود والبنقال صبو جام حقدهم على هالشعب الطيب لو فيه رقم خاص لحماية المستهلك كان الواحد يدق عليهم يقول تعالو تفاهمو ولا بأي عرف او قانون او حق انك اذا شريت شي ما ترجعه وهو بحالته الا بعد ساعه او نص ساعه ويشرط عليك تبدله او يعطيك كرت متى ما بغيت تشتري تجي تشتري به وين وزارة التجاره عن هالقوانين الوهميه اللي يبتدعها الحظارم والهنود |
وااااو والله خوفتونا من العثيم والنخيل
شكلنا بنحول للرس مول |
في امريكا لك 60 يوم ترجع ما اشتريته
حتى ولو استعملته لانهم ببسطه يتعاملون مع الزبون بمصداقيه :) |
يقول الهندي لي
(انا ممكن رجع اذا انت روح سوي لبس جوا مصلى بعدين مو كويس يجي رجع على طول نفس وقت ) هذا ما تبقى نبدل ملابس في مصلى المول وبامر من الهندي فتكون التجارة رابحة |
الله يقطع اللسانه
يرفع صوته على حرمه كبيره أخ لو كنت موجود كل شيء ولارفع الصوت على الحرمه الكبيره والحرمه بالعموم اللي يرفع صوته أو يمد يده على المرآه هذا ليس رجلاً أنا أنبسط أذا دخلت مع المدام الى أي محل وشفته حاط لوحه مكتوب فيها البضاعه المباعه لاترد ولاتستبدل أو بعباره أخرى لاترد ولاكن تستبدل أذا أشتريت أي شي ومصالح لمدام بكره أجي ورجعها أبي فلوسي وأذا طاطا أقوله شوف طلعه من المحل منب طالع لوعلى جثتي أنا مرجع فلوسي مرجعها بطيب أو بالغصب وكل مادخل واحد للمحل سابيت المحل أنهم نصابين وحراميه وفي الأخير يرجع فلوسي غصب عليه |
اشكر اخوتي الكرام على مرورهم
ممكن اكون بكونك ابو عبادي 595 الاخصائي بنت البدائع سري للغاية ابو ريما الخالدي واعتذر عن تخطي ذلك في الرد السابق لي |
بكل بساطه لأن المحل له أما السعودي له الأسم يأخذ مقابل الأسم فقط
|
لأننا وببساطة نجهل القوانين،ولا نملك الحجة !! جميع البضائع تسترجع مالم تكن من الأجهزة الكهربائية والالكترونيات. |
اغلب المحلات هنااااااااااااااااك يمنيه
وش ترجين منهم قمه القذاره مع النساء |
عبدالرحمن 2007
وميض البرق عدوة النفاق اشكر لكم مروركم الكريم نعم ينقصنا العلم التسوق ثقافة ومهارة لا نعيها بالقدرالذي يحمينا من جشع وخسة الباعة في كل مكان |
لي تعليق بسيط على الموضوع :
أولاً ، ليش الترجيع ؟ أنتي شريتي ملابس جاهزة يعني أكيد تعرفين مقاسك ، وبعدين قطعة اللبس اللي أنتي شريتيها ما هي بمغلفة يعني شفتي لونه ونوعية الخامة وموديله ومقاسك تعرفينه ، وشي حجتك بالترجيع ؟ بالإضافة إلى أنك من خلال ما كتبتيه كثيرة الترجيع ، أكيد ملوا منك ، لا أنتي اللي شريتي ولا أنتي اللي خليتي البضاعة بالمحل علشان يشوفها ويشتريها غيرك . ثانياً : بعض النساء تروح تشتري فستان فخم من محل فخم بمبلغ وقدره ، ثم تحضر فيه حفلة أو مناسبة ، وتجي من بكره للبائع تقول بارجعه ( ما صلح ) ، وش ذنبه هو ، بعد ما استعملتيه ترجعينه ، وبصرف النظر عن جنسيته ، أفعال بعض النساء المترددات على المعارض الكبرى تجيب الضغط والسكر . ولكم تحياتي |
اقتباس:
وفرت علي الكثير بردك هنالك نقطة أخرى ماذنب مستهلك آخر يلبس القطعه مستعملة نعم خصوصا الملابس كيف لو اشتريتي قطعه ثم علمتي بعد ذلك انها قد استخدمت واعيدت للمحل بالتأكيد لن تشتريها ونقول من وين تجينا الأمراض المفرووض الملابس وبالذات اللانجري لاتعاد باي شكل من الأشكال حفاظا على الصحة العامة اعتقد ان الموضوع للتشهير بالعثيم مول لاأقل ولاأكثر وسلموا لي على سياسة المنتدى الجديدة |
| الساعة الآن 03:07 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة