محل بالعثيم والضحك على الناس
 

دخلت أحدى قريباتي مجمع العثيم التجاري وعند تسوقها رأت محل(***)قد وضع تخفيضات على الملابس ودخلت تشتري واطلعت على التسعيرات ووجدتها على 42 عجبها السعر واشترت كم قطعة يوم جت تحاسب قالها المجموع 2000 ريال !!!
كيف 2000 ريال والقطع على 42
قال بـ 42 يورو !!!!!!!!!! عاد المرأة استحت ترجعهم ويدري راعي المحل أن النوعية هذي من الحريم تخجل ولا راح ترجع الملابس فحاسبته
وأنا والله منغث من دريت بالسالفة لأنه استغلال وقح وحقير منهم
ولو كنت موجود كان رميتهم بوجهه
وحنا وين عايشين يوم يحاسبها على اليورو بأوروبا !!
وأين وزارة التجارة عن مثل هؤلاء !!
الله لا يوفقه في بيعه

ههههههههههههههههااااااي
حلوة 42 يورو

مافيها شي لو ارجعت الملابس
قريبتك خجولة شوي زيادة عن اللزوم



عموماً فداها
اهم شي عاجباتها
تعتبرها من ضمن الخساير

من 42 الى 231
1 يورو = 5,5 ريال
و الله فرق !

عاده جنب السعر يكون مكتوب رمز اليورو شلون ما انتبهت ؟ هذولي هن الحريم و الله من العجله.. الله يخلف عليها


هل المحل قاصد هالحركه ؟ ام بضاعه جديده لم يتم تسعيرها بالريال؟

والله قريبتك زايدة عندها الدراهم شوي (( ماشاء الله طبعاً))


وبعدين أغلب المحلات تلقى التسعيرة محطوطه بكم عملة ودايماً الأولة هي اليورو بما إن الملابس أغلب الأحيان
أوروبية ((الشركة بس مهب المصنع))

ويمكن قريبتك بنت الحلال ما انتبهت ,,,

الله لا يوفقه ان شاء الله

الشرهه ماهي عليه الشرهه على الي دفعت الحساب ...

The Free Man
بعض الحريم تفكر لو تعارض راعي المحل تحسبه عيب !
وسجلها من ضمن الخساير مثل ما قلت


خـــــــــــــــالـــــــــد
وش عرف الحريم بعملة اليورو عساها تقرأ السعر بس
والله ما أدري قاصدها ولا لا
عاد يوم ناقشتها تقول أن ما انتبهت زين كان وجه الكرت محطوط السعر باليورو والجهة الخلفية من الكرت مكتوب السعر بالريال


العسيف
الظاهر مثل ما قلت مب زود بالدراهم بس تستحي ترجعهن



الوساااام
أي والله الشرهة عليها والله منقهر مره وأنا مالي دخل

هُم يبون مثل هذي الحرمه المغفله ...! اجل استحت ههههههههههه

لو انا مكانها و مع اهلي كان خليت الملابس على الكونتر مع كلمتين لاذعات بوجييهم ومشيت ...

اعذب تحيه للكل .

أصحا المحل ماغلطوا

التسعيره باليورو لأن الملابس تجي من أوروبا


والتسعيره الأوليه لبلد الصنع باليورو

ومن الخلف تسعيرة باقي الدول

وعلامة اليورو كبر قريح

كيف مانتبهت لها قريبتك

وين حنا به صرنا نتعامل باليورو والريال وين راح له ؟؟؟؟



الله يخلف مير

أبوبسمة
امسك بزارينك لا يعلبون بمعرفك !


فور يو
هذي المشكلة لا صارت المرأة ما تعرف تكلم يلعب عليه بسهولة


إشراق
صدقت لكن إذا جت واحدة من الحريم وعساه تعرف عملة ديرته وش يبي يفهمه بالعملات الثانية
والمفروض تغطي هذه التسعيرة بتسعيرتنا لأني اعتبره احتيال بطريقة محترمة


هادي الطبع
أخاف تصير هذي الموضة التعامل باليورو

لاحراميه ولا شي السعر مكتوب با الريال واليورو اخي الكريم ترى الحريم الحين يعرفون كل العملات من الفرنك للجنيه الاسترليني وعملات الدول الفقيره والغنيه من الربيه للبيسو وغيره
والمحل عادي يرجع وتاخذ فلوسك على داير مليم بس الحين اي شي يصير حراميه ليه رجالنا كذا تفكيرهم
الناس وصلو القمر وانتو للحين اختلاف العمله محاسبين عليها
جاهزين والله للنقد والانتباه لاخطاء الاخرين حتى لو السبب انكم مافهمتو الصح وين
الله يهديكم بس

اهااااااااا ,, اذا المحل ما عليه لوم

و هذا متعارف عليه في معظم المحلات و ليست حكرا على هذا المحل

فالغلط غلط المشتريه