|
الى متى وشوارع بريدة على هذه الحال
الى متى وشوارع المدينة كلها مطابات وحفر
يعني الواحد لو يمشي بسيارته في البر ازين له من الشوارع المسفلته يعني تمشي بشارع وانت هادي بالك ما تدري الا وانت طاب في حفره ولا ناط لك مطب تقول محطوط للتسلق والمشكله ما في لوحات إرشادية ((احذر مفاجئة البلدية)) ولو تطلع لمدينه ثانيه تحس بالفرق بالشوارع ما اعرف وش السبب في هذا هل هو تقصير من المسؤلين؟ ولا هناك عجز مادي (ميزانية)؟ لو تشتري سيارة جديدة من بكره تحصلها متفككه بسبب المطابات والشوارع الشبة مسفلته اتمنا من الجميع مشاركتي في الرئي ويسعدني مشاركة الرئي تحياتي للجميع اخوكم ابو متعب |
والله ياشوارع بريد خط عسيلان من شين المواد الموضوعه في تركيبت الأزفلت ولا أدري ليش على طول يزفلتون بدون دراسة الأرض وطبيعتها يعني هي طينيه أو اي شي من هلقبيل علا طول خط لزق وبعد شهرين أو ثلالثة ينزل الشارع تقل مزفلتين دركال والله ياشارع بيتنا من أولله إلى أخره أنواع التلعين في المطبات مع العلم أن الشارع شارع ثلاثين يرجال من تشكي قلي من تشكي وشكراً على موضوع المهم
|
أخوي أبو متعب ,,,,, حيلك الله
لي تعليق على كلامك ! تذكر بريدة قبل مايقارب ( 7 ) سنوات وتذكر شوارعها . قامت البلدية مشكورة بعمل تقشير للأزفلت . وتحسنت الشوارع وكانت بأحسن حال . مشكلتنا بعدم وجود صيانة للشوارع . والمشكلة أنهم إذا قاموا بعمل صيانة يستخدمون بقطع الإزفلت ثم وضع مكانه زفلت ثاني وهذه مشكلة بحد ذاتها يعني يكون اللي وضع إما أرفع من الأزفلت الأم أو يكون منخفض عنه ثم تحصل المشكلة . يعني يكون مطب . والمشكلة الثانية هي بالحفريات الحاصلة للمدينة اللي أنا ماأدري ليش ولا شفنا لها فائدة الماء هو هو والكهرب هو هو والهاتف هو هو والصرف الصحي هو اللي ذبحنا . فأقول إذا البلدية لم تفكر بعملية التقشير للشوارع وعمل طبقة جديدة . وإلا الكارثة ستحل . أضربلك مثل حفر الباطن تم تقشير الإزفلت بكل أنحاء المدنية حتى الحواري . وحنا مانين علينا حتى ببقايا التقشير . ياخي الرياض قشعت كل شوارعها . تقبل مروري . |
ياشيخ احمد ربك ترانا بنعمه نحسد عليها رح شف جيراننا كيف شوارعهم تقل تمشي في ادغال افريقيا اللهم لك الحمد والشكر .
|
اقتباس:
وطريق اعسيلان متسفلت على باب الله لأنه من الي راح يمر من هناك ما راح يمر الى مثلي ومثلك والرجال الي شرواك ولاكن لو كان راح يمر من عنده واحد مسؤل كان اهتمو فيه الشكوا لغير الله مذله وانا اخوك تقبل تحياتي ابو متعب |
اقتباس:
يشرفني تواجدك وانا معاك انه كانت الشوارع جيدة بس خربوها لأن البلدية تتعاقد مع شركات للسفلته او لعمل تمديدات صرف صحي او غيره فتحصل البلدية اليوم تسوي تقشير للشارع ويسفلت ويكون على احسن حال ومن بكره تحصل الحفريات يشتغلون فيه تقول دكتور ناسي في بطن المريض مقص وراح يفتح بطنه ثانيه علشان يطلع المقص انا ما ادري ليش ما يسوون كل التمديدات والتوصيلات وغيراها الي تكون تحت الأرض مره وحده قبل السفلته ولاكن بقولك شي اذا سوو الي انا قلت مره واحده راح تتقفل مصادرهم للمال يعني من وين راح يشتغلون إذا ما قامو يحفرون ويدفنون ويحفرون ويدفنون وعلى هذا الموال ما راح يجيهم فلوس شوف الشوارع في الإمارات ليش تحصلها تقل كف ما فيها لا حفر ولا مطابات والسبب لأن الدوله هي الي قايمه على السفلته وليسة شركات متعاقده يا رجل شارع بيتنا لو تمشي فيه تقول ماشي على عكرة ضب من شين الشارع ما اطول عليك اخوي الغالي والف شكر على المرور تحياتي ابو متعب |
اقتباس:
انا معاك بس هذا الكلام لو إننا ما عندنا ميزانية ترفع الراس الحمد لله والشكر له ميزانية الدولة ما شاء الله خير وبركة ولا فيه اي تقصير من ناحية الميزانية ولو البلدية طلبت ما أعتقد انه هناك مانع وبعدين يا اخوي سوريا ولبنان وتركيا ومصر وغيرهم من الدول هذولي تقول اوضاعهم تختلف عن اوضاعنا ورح شوف شوارعهم يا اخوي افضل من شوارعنا لبنان الي فيها الحروب والتفكك شوارعها من اروع ما يكون الف شكر لك اخوي على الطله البهية تقبل تحياتي ابو متعب |
الشوارع تحتاج تجديد وخصوصاَ شوارع شرق بريده المنسي ، أما الشمال فشوارعه مقبولة لأنها حديثة ، لا أظن المشكلة في الميزانية ، بل المشكلة في العقول التي تدير الميزانية ، لكم أطيب المنى |
تسلم لي الكبري
منور اخوي صحيح المشكله في العقول ولاكن الى متى على هذا الحال تحياتي ابومتعب |
[align=center]
اقتباس:
ياهلابك يا أبو متعب ، سنستمر على هذه الحال ، حتى تأتينا الشفافية والمحاسبة ، وإعتبار رأي المواطن هو الأهم ، عندما توجد آلية القضاء على الفساد بأنواعه ، لكم أطيب المنى [/align] |
ماراح تزين الشوارع لين يوخرون اعضاء المجلس البلدي ؟!!
لان رواتبهم لو تصرف على صيانة الشوارع كان ابرك من تسدحهم ؟؟!! |
على قولتهم ردد يا ليل مطولك
يعني انس شارع بيتنا سفلت فوق خمس مرات وكم مره يسفلت فيها يرجعون يحفرونها من جديد والحين رح شفه تحمد ربك على العافيه تحياتي للجميع |
[align=center]
اقتباس:
من حيث محاولة التطور والتحسين للمدينة ... المشكلة لا تكمن بالميزانية .. موجودة ... ولكن ... >> [/align] |
من جد ليه شوارعنا كذا
ياريت نشوفها مرتبه واهم شي يشيلون الشجر هذا الي كنه على قولتهم شوشة جنيه |
والله صدقة ابو متعب. يعني فايض ميزنية الدوله السنه اكبر فايض مرت فيه المملكه . على الاقل لو يخصصون عشر هذه المزنيه لتحسين الطرق. والله قهر اغنى دوله بالعالم وهذي حالتنا!!!! |
| الساعة الآن 09:32 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة