|
قديمك نديمك<<لو الجديد أغناك>> دعوة للنقاش
السلام عليكم ورحمة الله وبركاته
أهــلاً وسهــلاً فيكــم جميعاً !!! :) بالطبع لكل واحد منا في حياته أشيائه الخاصة به,, قد تكون ( منزل * سياره * ملابس * أواني ) أو أي شي آخر !! ومع مرور الأيام تتحول هذه الأشياء من (قديم إلى جديد) من الملاحظ عند الأغلب تفضيل القديم على الجديد ربما يكون لهذا الشي أسباب عند أصحابها ؟؟ - برأيكم أنتم مالسبب ؟ - هل يوجد فيكم من له تجربه بين شي قديم وآخر جديد ومانتيجة ذلك ؟ *&^% صور من منزلنا بين القديم والجديد*&^% هذي الوالده الله يحفظه كنا في العام السابق بمنزل قديم وهذه السنه أنتقلنا لجديد وشي طبيعي قمنا بتغير جميع ماهو قديم من أثاث وأواني وصحون ألى أخرى جديده .. وش السالفه؟ قمنا أولاً بتغير الصحون القديمه ألى جديده لكن الوالده ماراق له الوضع ماتعشينا وتغدينا إلا بالصحون القديمه :( لدرجة أن أحد الصحون كان فيه شطب مع أحد جوانبه وسوى فينا هوايل! أحد أخواني جالس يأكل فيه أحد الأيام وكان يقول لنا ياناس أحس بشي يقبّصن من أيدي إذا جيت أزين اللقمه أنا أستهنت بكلامه ومالقّيت له بال :29_1_16[1 بالنهايه صار ضحيه للشطب الموجود بالصحن وسالت دمائه على الكبسه وصارت بدال الشطه وقام وتنكد ولاكمل أكله :e7: ومن ناحيه أخرى استبدلنا بلامات قديمه بجديده وبرضه الوالده ماراق له الوضع :rolleyes: لدرجة إن البلامات القديمه كحيانه ومليانه صدأ ولاأستفدنا شي من التجديد؟ :( لو الود بودي كان شلتهن ورميتهن بأقرب زباله(وأنتم بكرامه) لكن الأهم خاطر ورضاء الوالده :f6: سألناها عن سبب الإصرار والتلزيم على الصحون القديمه! قالت: الأكل عندي بالقديمه أطعم وأشهى من الجديده أما الأكل بالصحون الجديده لاطعم ولاريق وكني آكل قراطيس :( أترككم مع الصور القديمه والجديده للبلامات اللي ذكرت لكم. (البلام الجديد) <<<يالله من فضلك سعه وجمال ومنظر حلو :) http://www.wz63.com/up/uploads/18bf50375e.jpg (البلام القديم)<<< صغرمساحه وصدأ وبلاوي متلتله :29_1_8[1] http://www.wz63.com/up/uploads/734ce39c5b.jpg هنا لاحظوا الصدأ الفضيع على حافة البلام :( http://www.wz63.com/up/uploads/81f412d9b2.jpg أنتظر تعليقكم وتجاربكم :) |
كلامك رائع وينم عن أصالة معدن ,,,,ومبروك عليكم المدرسه الله يجعلها منزل مبارك.....شكرا أختي العزيزة
|
اقتباس:
الأروع مرورك أبو خالد382 بالنسبه لي ماأستلطفت الحال اللي حنا فيه طبيعة الإنسان يحب التجديد ألف شكررر للمرور ... |
التغيير والتجديد مهم في حياة الأنسان لبعض الأشياء وليس كلها لكسر حاجز الشعور بالملل المولد للضيق والنفور في بعض الأحيان ،، وهذا مجرب لي شخصياً في بعض الأشياء أقرب مثال عندي جهاز جوال جديد وخدماته ممتازه لكني مليت منه مؤخراً وقررت تغييره وفي هذه الفتره مسكه واحد من أخواني وغير لي خلفيه الجوال وعدلت عن الفكره ،، نفس الشيء تغيير لون المنزل وغرف النوم من صباغ الجدران وتغيير الأثاث طبعاً على حسب الماده بين فتره وفتره يطفئ الشعور بالملل ويولد شعور الأنشراح ،،، وشكراً للجميع ،، |
اللي يقول كذا قله ويعدون بالاصابع
وعندهم مرض اسمه (يبس الراس) او انه هو الصح والباقي خطأ يعني بالعقل اركب مازدا 88 ولا بي ام 2005 ؟ اختار المازدا واقول انه اونس وتحس انك راكب سياره دعــــــــــــــدعه اللي يقول كذا تراه يلعب على روحه قبل لايلعب عليكم << كل هذا للاشياء المحسوسه والماديه ونستثني من ذلك العادات والتقاليد ... الخ |
اقتباس:
نعم التجديد مطلوب كما تفضلتي لكن يوجد من هو لايلقي لذلك أية اهتمام ألف شكررر للمرور |
اقتباس:
لاياتوتي من يسوي كذا ليس بمريض <<<خافت على الوالده هذا يكون عنده حنين للماضي أنا ودي أقول أن البلامات القديمه التي قمت بوضعها في الموضوع لها ذكريات روعه بالنسبه للوالده لأنها هديه غاليه من شخص غالي وهذا اللي سبب إنجذابها لها بالرغم من قدمها . أما السياره القديمه والجديده حدث ولا حرج(عندي صور كلاميه عن أحدأخواني بخصوص السيارة القديمه والجديده وسأقوم في طرحها) توتي ألف شكررر للمرور |
أختي الفاضلة مع ان التجديد في هذه الأمور أصبح شبه ضروري إلا أننا جبلنا على الحنين إلى كل ماهو قديم من أيام وذكريات وأشياء خاصة لك تحيتي وبالتوفيق للجميع |
من صور الحنين للماضي بخصوص السياره راح أحكي لكم هذا الموقف ..
أحد أخواني الله يصلحه ويخليه معاه سياره من أيام ثالث متوسط والآن هو في أوائل المرحله الجامعيه (سياره كسره دردعانه ,,مصدّمه مع كل جهه) وطول وقته متنفر منها وصياح ونياح وبلاوي ماتتخيلونه وهو وإياها 4 سنوات على هذا الحال الشهر الماضي تيسرت الحال(الحمدلله) وكافأه الوالد بسياره كامري 2008 (تبارك الله ماشاءالله) تتوقعون وش ردة فعله مع السياره الجديده؟ لاأخفي عليكم أنه طاير وهايم من الفرحه لدرجة إنه ماينام لاليل ولانهار مقابلها بالحوش :) صار يقول أذا جيت أدخل البيت وشف سيارتي القديمه أناظره وأتحسر لدرجة إنه كتب فيها قصيده إذا حصلت عليه راح أكتبه لكم :) |
بنت البدائع
موضوع رائع .., بالنسبه لوجهة نظري بالقديم و الجديد .., أن لكل واحد منهما مجال يتفوق فيه على الأخر .., أما الأواني المنزليه فكلما تم تجديدها بين فتره و أخرى فهو أفضل عندي . ويوجد بعض الأشياء قديمها أفضل من جديدها .., اقتباس:
تحياتي .,’ |
[align=center]
http://filaty.com/i/710/f3dd562.h---11.gif عزيزتي بنت البدائع الموضوع نفسي أكثر من أي شي آخر فنحن لا نحب الشي لوحده أو لذاته فقط ولكن لما عشناه معه أو فيه أو أو أي أننا نربط المادي بالمعنوي ليشكل لنا شيئا واحدا يراه الآخرون ماديا مجردا والدليل على ذلك أنك تكره ملابس معينة أو مكان معين أو أو لأنه يربطك بذكرى سيئة ، فهل للملابس أو المكان أو الزمن دخل ؟؟ اتضحت لك الصورة ؟؟ الحب لا يؤمن بالشكليات بقدر ما يؤمن بالمضامين ،،، ولكن هذا لا يعني أننا لا نحب الأجمل أو الأجد اقتباس:
وخ بس أظيع أنا عند الرومانسية :36_3_3[1] http://filaty.com/i/710/f3dd562.hh----2.gif [/align] |
اقتباس:
هلاا أخوي بريداوي 9 أوافقك الرأي بما تفضلت بأنه يوجد اشياء قديمها أفضل من جديدها وهذا عن تجربه لي شخصياً أما تجديد الأواني أعتقد أنه أساسي هذا غير طبيعه المرأه لحبها بتجديد الأواني من فتره لأخرى <<< ياليتهم يعدون الوالده ونرتاح من الصدأ يبدو لي العباره هنا مقلوبه فأنتِ تقصدين تتحول من (جديده إلى قديمه) ..,؟! أقصد عكس ماذكرت أخوي (تتحول من قديمه لجديده)<<لخبطت فكري :) أخوي بريداوي 9 شاكررره لك المرور |
بنت البدائع
القديم له طابع خاص عند كثيرا من الناس فعندما ينتقل شخص من منزل الى منزل اخر حديث وبعد فتره مثل يمر به الطريق علي بيته القدين تحث له حالة انشراح في صدره لانه تذكر الماضي وربطة بالحاضر. وقديمراو يسبح به خيال لاشياء كان قد نسيها من قبل |
اقتباس:
الحنين للماضي شي غريزي بالنفس كما تفضلت شاكرررره لك المرور |
اقتباس:
هلاااااااا وغلاااااااااا بست الكل هامه الصوره واضحه عندي أختي وكل ماهو موجود لدينا بالطبع له صلات نفسيه مختلفه بأنفسنا شرفتيني أختي هامه وألف شكررر للمرور |
| الساعة الآن 11:10 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة