|
حرام والله غلابة..
[align=center]:
: بعد ليلة مضنية من الأرق والتعب.. والتفكير المستمر في قسوة الحياة.. وحصر الديون التي لي وعلي (ما أطلب أحد إلا الهندي حق الاستراحة.. مسلفه بطاقة سوااا بعشرين ريال ومارجعها له شهر)... كانت ليلة مليئة بالأحزان والهم والغم.. استرجعت شريط حياتي المليء بالقسوة.. تذكرت فبراير 2006 والانهيار القاسي... والذي ضاعت معه كل أحلامي وتحويشة العمر.. نمت على أنغام الفاتنة (أليسا) وهي تردد (ارتحت لك.. احساس غريب بحسه لما ببص لك.. وبحن لك.. ولو حتى جنبي في حضن قلبي بحن لك.. سلمت لك.. أغلى ما عندي.. حتى ألبي فتحتو لك) نمت بعدان اقنعت نفسي أن القادم سيكون أفضل وأجمل.. (لا تقلق يا جيفارا قد يبدل الله الحال.. وتعود لك براميلك الملطوشة.. وتئب على وجه الدنيا)... : صحيت باكرا على صوت الساعة الخراشة التي أهداها لي مديري الجلف بعد أن مل من تأخري المستمر عن الدوام.. أخذت دش.. لبست ملابسي.. خرجت من غرفتي بخطوات ثقيلة.. وبظهر منحني اثقلته الهموم والأحزان.. مسكت مقبض باب شقتي (ذات الثلاث أوض).. دعست بقدمي على ظرف دلف من تحت الباب.. انحنيت بتثاقل نحو الظرف.. ووجدت عليه ختم وزارة المالية.. وكتب عليه بخط اليد (خاص لجيفارا)... : يا الله عدنا لعصر عمر بن الخطاب.. يا إلهي وزير المالية يوزع حقوق المواطنين بنفسه.. وأخيرا.. تحققت الأحلام وانزاح الهم والغم.. من هذاا الظرف سأبدأ صناعة نفسي من جديد.. سأحقق كل أحلامي.. سكرت الباب حق الشقة ونسيت المفتاح عليه من الطفقة.. كنت مستعجل بروح اقدم استقالتي من عملي وأنعم برغد العيش.. وصلت السيارة حصلت الكفر مبنشر (هو على طول نايم لي ثلاث سنوات ما غيرته).. مسكت الجوال باتصل على زميلي يمرني على طريقه يوصلني للشغل.. إلا ويرد علي واحد صوته موووو غريب علي دوم يرد علي ويطلع لي في كل اتصال (عزيزي العميل لقد تم فصل الخدمة عن هاتفك لأنك لم تقم بتسديد الفاتورة).. قلت أوريك وربي ما راح اسمع صوتك طول عمري.. بس اصبر علي أصرف شيك المالية.. لا ورااااح ازيد حدي الإتماني ووأوصله 500 ريال عناد فيك.. وصحت في وجهه خلاص ولى الفقر إلى غير رجعة.. انا الآن جيفارا الهامور.. : ركبت السيارة وقررت امشي عليها مبنشرة وأقطع الكفر اللعين.. ما بقى إلا هي جيفارا يبنشر كفر.. ويشوفنه العالم ويحسبونه مطفر وهو معه شيك من المالية مدري كم فيه لسا ما فتحته... قطعت أبو الكفر ورحت لأبو يمن حق البنشر وقلت له غير كل الكفارات.. وكفرات أصلية بعد.. وأنا بروح على ليموزين للبنك أصرف شيك وأرد.. : رحت للبنك.. وقبل أدخل فتحت الظرف.. . صعقت.. بغيت أنهبل.. وجدت رسالة مكتوب فيها: جيفارا نظرا لارتفاع الإيجارات في كافة مناطق المملكة.. تم رفع ايجار الشقة من 18 ألف إلى 24 ألف.. آمل المبادرة بالتسديد أو إخلا الشقة قبل أن نخليها عن طريق السلطات الأمنية.. وربي.. انا انهبلت.. ومقهور.. ومو مقهور من الرسالة وضياع الحلم.. أنا بس أفكر وشلون أطلع من الورطة اللي ورطت نفسي فيها مع البنشري.. وشلون ادبر ألف ريال وأسدد قيمة الكفرات (يا شين مهايط المفاليس).. المهم رحت للاستراحة أجر أذيال الخيبة.. وأخذت جوال الهندي واتصلت على صاحب العقار.. وقلت له انا ما عندي مشكلة في رفع الإيجار بس عندي سؤالين بريئين.. من وين جبت ظرف وزارة المالية الرسمي؟؟.. والثاني ليش تسوون فينا كذااا.. هوامير الأسهم خلونا على الحديدة.. وأنتو يا هوامير العقار.. أخذتو الحديدة اللي كنا عليها.. : دمتم بوووووود.. :[/align] |
ههه وربي تنرحم ,, وش سويت بالكفرات قلت له يفكهن ويرجع القديمات ,, ولا خليتهن سلف وحولت هندي البقالة على البنشري ,, العشرين ريال تنفع ,, بس انا خابرتن الكفر بخمس مية ,, شلون غيرت اربع كفرات بألف .. ؟؟ فوووتك بعافية والله يرزقنا وياك ,, ترى طيحة الأسهم ضيعت ناس كثيرين ,, الله يجازي اللي كان السبب ,,, |
[align=center]
اقتباس:
على العموم ترى فيها كفرات بـ 120 ريال.. اذا بنت لا تناقشين في امور الرجال.. هههههههههههههه.. شاكر مرورك.. : عندي سؤال.. انتي ليش دوم معصبه.. نكي يوترك اغيره..[/align] |
هه شفت مالنا غناة عن البنغاليين يسلفوننا وأحيانا إذا طردك راعي البيت تروح لمه ويلفيك ليلتين أو ثلاث ليال ,,تصدق واحد من الشله اللي يعتبر قبل الأسهم هامور دراهم ,,هالحين يتسلف من البنغالي حق الإستراحه قروش والله إن البنغالي يقول لي : علي نفر مسكين ,أنا يشوف هو أنا قلب نار,,,يالله شلق ,,,,حقيقة ياجيفارا إنك مبدع بس أنت تعيش في أواخر أيامك واللبيب بالإشارة يفهم,,,,,,وشلون سددت للبنشري ؟؟؟أكيد تسلفت من عبد الحفيظ,,,دمت بخير
|
[align=center]
اقتباس:
والا ترى اني استنزفت جهدي.. همسة ولو مسج خااااص.. :[/align] |
جيفااارااا ,,, اقتباس:
اقتباس:
اقتباس:
شكلك ماشفت المواضيع اللي راحت صدق مواضيع رجال ماتنقرى ,, اقتباس:
اقتباس:
اقتباس:
اقتباس:
فووووتك بعافية ,, |
[align=center]
اقتباس:
|
ههههههههههههههههههههههههههه
اما كفر بخمسمية شكلك تسوق قطار مهيب سيارة:36_1_1[1] |
الله يعيننا والله شعب مغلوب على امره .,,,كل شي غلوه علينا
مير سددت للبنشري ولا للحين سيارتك مرهونه عنده |
اقتباس:
ترى مو ذنبي اذا صارت سيارتك داتسن تجي تفق خشتك هنا تضحك على سعر كفرات ابوي :) ناس ماتفهم بالكفرات << عاد انتي اللي تفهمين فيهن ,, |
*
الله يصلح الحال ..!! الشعب أصيب بـِ هلوسهـ غير طبيعيهـ ..!! ليتنا ماشفنا هاليوم الاغبر يوم الاسهمـ كانت الناس عايشهـ..!! ومبسوطة وماعندهـ لامكدر ولامندر ..!! اسلوب كتابي بطريقة ساخرهـ وتوصل للمعنى المطلوبـ بطريقة سلسهـ ..!! لاهنت اخ جيفارا ..!! * |
جيفارا
ابشرك جتني رساله علي الايميل تقول تعويض لكل من خسر في الاسهم بمبلغ وقدره 6000 ريال احمدربك تركب كفارات ومسجل بعد والباقي حطة لك بخيمة واسكن في الصحراء لا كهرب ولا اجار ولا يحزنون |
أسلوب راااااااااااااااااااااائع وشيق ،، ماأجمل أحلام اليقظه ياأخ جيفارا فهي المتنفس الوحيد الذي نهرب إليه من ضغوطات الحياه، ويارب مايشملها شغل النهابه ،، وثق بالله أخ جيفارا بأن القادم سيكون أفضل وأجمل بعون الله ،، وشكراً ،، |
[align=center]
http://filaty.com/i/710/f3dd562.h---11.gif جيفارا أسلوب راااااائع كالعادة ولا إرادياً وأنا أقرأ أضفت بعض الفقرات التي تجعل القارئ يغرق أكثر في القصة >> يعني باختصار ماأترك اللقافة http://www.getsmile.com/emoticons/sm...0/bgrlaugh.gif رزق الله الجميع ، فالحياة الآن صعـــــبة http://www.getsmile.com/emoticons/sm...53/aiw/cry.gif http://filaty.com/i/710/f3dd562.hh----2.gif [/align] |
الله يعين وش واقفن عليه الحين اكيد قطعة صفيح مادامهم اخذوا حتى الحديده اللي كنت واقفن عليه
يوم سألته عن الظرف وش كان جوابه ؟؟؟؟ |
| الساعة الآن 12:44 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة