|
هل توافق تخلي أختك تسجل في المنتدى ؟؟؟؟
[align=center]السلام عليكم ورحمة الله وبركاته
دار بيني وبين صاحبي هذا النقاش مما جعلني أكتب هذا الموضوع,,,,,, هل توافق تخلي أختك تشترك في المنتدى ؟؟ جاوبته نعم أوافق وفعلا لي أخت مشتركه معي في نفس المنتدى . وين المشكلة ؟؟؟ وماتخاف عليها من الشباب يلي معها في المنتدى ؟؟؟ لا ما أخاف عليها أعرف أختي زين وأثق من تصرفاتها أنسانه متعلمه وواعية وتعرف الصح من الخطاء والكمبيوتر في الصاله وأمام الجميع .. أسمحلي ولا تزعل علي أنت غلطان ومهمل ولا عندك غيره على أختك ّّّ!!!!! والحمدلله أنتهت المناقشة على خير.... أبي رأيكم هل أنا فلعلآ ( غلطان ّّّّّ) ؟؟؟؟؟؟؟؟ سلام.....[/align] |
[align=center]اسم العضو
انت غلطان يوم انك تناقشه دام ان اختك متربيه احسن تربيه و عندك ثقه فيها وانت ما تمانع من دخولها للنت والمنتدى وشوله تحرق اعصابك معه اسمح لي اقول لك ان خويك هذا مريض بالشك والغيره الزائده المرضيه نتيجة لتصرفاته السيئه وكلا يشوف الناس بعيون طبعه ايهما افضل لك تدخل بعلمك ولا من وراك..؟ لازم تزرع الثقه بالاخرين لكي تجني ثمارها تقبل مروري[/align] |
مايحتاج اكتب شي
غلا قلبي قالت كل اللي انا بقوله |
لا ليش غلاطان اذا اختك كبيرة وواعيه وواثق منها خلاص
انا اخوي هو اللي داعيني للمنتدى ودايم انا وياه نتناقش عن المنتدى واخر اخبارة ومدري كيف يعني عادي بس سني وسنوه يسمح لنا بدخول الشبكه العنكبونيه لاننا لدينا رقابه ذاتيه اتوقع ناتجه من سن النضج |
لا منت غلطان الا الله يبيض وجهك
على هذا الرد ولعلمك انا لي قريب بعد هنا في المنتدى ويالله لك الحمد والشكر الثقه موجوده والأخلاق موجوده والسلوك الحسن موجود والتعامل الزين موجود حتى في غيابهم الا دايم يقول لي انتي ذيبه ماينخاف عليك :) |
اقتباس:
اشوف أنك غلطان وبقوه بعد أنا ما ارضى أن زوجتي تسجل بمنتدى مختلط نهائياً الحمدلله البديل متوفر فيه منتديات نسائية 100% [/align] |
طيب يا ابو تهاني
هقوتك ويش بيصير لها لو شاركت ؟ لعلمك احنا البنات نحتاج احياناً لفكر الرجال في مناقشة بعض المواضيع الي بتخدمنا في حياتنا وبعدين لاتنسا اننا خريجات كليات اغلب اساتذتنا رجال يعني ماكو مشكله |
أخي الكريم هالسؤال مب موجه لنا لكن سأجيب :) برأيي ما فيها شيء .. مادام التربية صحيحة والاهل زارعين الثقه في أبنائهم فليش نخاف عليهم !!! ما فيه أحد يقدر يأثر عليهم لو بسجل كل أخواني وخواتي وو الدي أنا واثقه من نفسي وما أقوم به يدل على تربيتي ... وهنيه شو جاب الغيريه هذي الله يعين ويستر علينا>> وكأنهم فاهمين هالكلمة غلط وقاعدين يفسرونها على كيفهم :D.. جزاك الله خيرا أخوي على الموضوع الرائع ووفقك الله لما يحبه ويرضاه عنك تحيتي العطره،،، |
نعم اوافق احسن من انها تسجل من ورائ
|
والله ياشيخ على حسب ,, فيه بنات هنا منحوهن أهلهن الثقة وضربن فيها عرض الحايط ,, وهذا من خلال ردودهن والله مايسمحون أخوانهن يشوفون ردودهن أنا وأنا بنت مالي خلق ردودهن ,, ميانه زيادة عن اللزوم مايرضاها طفل فضلاً عن رجل ,, والأهل يعرفون تربيتهم زين مايحتاج أحد يعلمهم يعني اللي يعرف أن أخته أفكاره نص لايسمح له بالدخول للمنتديات ,, أنا في الجامعة معي بنات يقولون لي أهلنا ماعندهم مانع ومسجلات في كل منتدى لكن وبصراحه حرام هالثقة شيء شفته بعيني إنفلات غير منتهي طقة سوالف وعلاقات منسجرية وشاتنق والبعض وبكل صراحه توصلن للإتصالات والسبب منتدى وشات ,, عينات رأيتها بعيني ,, وهن خريجات جامعه وواعيات ومثقفات وووووووووووووووو ماله دخل فيه أميات وأخلاقهن روعه وفي مثقفات علمانيات ,, وش المانع ..؟! أنا لست من لايرى المشاركة لكني ضد من يمنحها لأي شخص ..!! وايضاً لابد أن يراعى السن أنا ضد من يمنح أخواته أو بناته وهن بسن أقل من 19 ,, وهالشيء واجد وبإهمال لأن هالسن سن مراهقه والإنسان مايدرك الأمور اللي حوله حتى لو قال العكس وأنه مايهك عليه يضل صغير ولا يختلط بأناس أكبر منه فضلاً عن كونهم شباب لايخافون الله ويفرحون بهالأعمار عشان يخدعوهن .. وياكثر المخدوعات اللي مسويات أنفسهن مايصادن لكن أنصادن لأنهن ماربطن حزام الأمان .. شخصياً مالي إلا سنة في النت مع أن تخصصي يتطلب ذلك لكن رفضت الدخول قديماً ,, وفيه كثير أعرفهن هنا وحتى لو لم يعرفني أحد هي أنا لن أتغير ,, لابد من مراقبة الله فـــــــــــــــــ ق ـــــــــــــــط ووقتها مايميل الإنسان عن الطريق الصواب :) أهذب تاهيه’ |
مثل ما قالت أميرة الورد " رقابه ذاتيه"
اذا توفرت ما فيه مشكله ندخل اي منتدى نبي |
اقتباس:
غلا قلبك ما عصبت ولا حرقت أعصابي بس حبيت أشوف ردة فعله وطريقته بالتفكير.. سلام...[/align] |
اقتباس:
غلا ماقصرت أشكر مرورك سلام...[/align] |
اقتباس:
أختي كبيره وواعية وأثق فيها مرررره وناضجه وأنا من دعاها تدخل المنتدي سلام...[/align] |
اقتباس:
أريج الحياة الله يبض وجهك ويستر عليك انتي فعلآ ذيبه وبنت رجال ومواضيعك تشهدلك بذلك... سلام...[/align] |
| الساعة الآن 12:37 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة