|
,,..حـــيـــرة الــمـــســـتـــقــــبـــل..,,
[align=center]في ذلك الفصل ...
جلس مجموعة من الطلاب في احدى زوايا الفصل ليكررو السؤال المعتاد والنقاش المكرر :بتروح علمي ولا أدبي ...؟؟ قال أحدهم : العلمي يعطيك مستقبل صح والأدبي تدخل شريعة واذا طلعت شي بتصير مدرس ما منه فايدة فيرد آخر: بس العلمي صعب والأدبي سهل فيقول أحدهم النظرية السعودية التي لا أعلم من أي اساس قامت : العلمي فهم والأدبي حفظ فيحتدم النقاش ويعلو الصراخ فيرن ذلك الجرس المزعج معلناً عن انتهاء الحصة وابتداء أخرى فيدخل ذلك المدرس الذي لا محل له من الإعراب لنكتشف انها(حصة انتظار) ويجلس على الكرسي الخاص بالمعلم فيسأله أحد الطلاب المتحمسين في النقاش : استاذ وش أحسن علمي ولا أدبي فإعتدل المدرس وهو من المدرسين الملتزمين قائلاً: الأدبي فيه الأجر وفيه تعلم العلوم الشرعية وأخذ يمدح فيه ويصفه بأحسن الصفات وقال في نهاية كلامه عن الأدبي: الي يدخل الأدبي والله لن يندم ثم استطرد قائلاً: العلمي صعب وكما تعلمون فيه الرياضيات والكيمياء والفيزياء والي نسبته تحت التسعين لا يدخله لأنه لن يفهم وانا اعرف ناس داخلين علمي وآخر شي طلعو بنسبه زفت والحين الي سكرتي والي والي ... وأخذ يعدد تلك الوظائف الي لا يعمل بها الا من معهم شهادة الكفاءه والإعداديه وقبل أن ينتهي من كلامه رن ذلك الجرس المزعج مرة أخرى معلناً هذه المرة عن انتهاء هذا النقاش فيخرج الأستاذ ويشتعل النقاش بين الطلاب أكثر من قبل وسرعان ما دخل مدرس مادة الإنجليزي فبادره أحد الطلاب الذي لم يقتنع بكلام المدرس الذي قبله قائلاً: أستاذ وش احسن الأدبي ولا العلمي ..؟ فقال الأستاذ بسرعة: العلمي أكيد وعلامات وجهه تقول: واضحه الإجابه وأخذ الطلاب ذلك الدرس الذي أنساهم العلمي والأدبي ..!! (ملاحظه: تلك المعاناة يعيشها أخوانكم وأبنائكم في الصف الثالث المتوسط والصف الأول ثانوي ) الأدبـــي VS العلمي مستقبلان مختلفان قد ينشئان رجالاً يقودون أعلى المناصب وقد ينشئون رجالاً متوسطين المناصب ومقتدرين على العيش وقد يهدمون حياة طلاب كان طموحهم أكبر من واقعهم تختار احدهما فإما تخطئ وتتغير حياتك اما الى الأسوأ أو الى الأفضل او تصيب فتكون كما تتمنى .. اتمنى من يمر من هنا أن يذكر لنا تجربته في هذه المرحلة المحيرة وهل اختار الطريق الذي يريده وان كان كذلك فكيف ووفق الى ذلك بالمشورة أو بالإستخارة او ... او... او ... الخ دمـــتـــم بـــخـــيـــر [/align] |
الامير
الاستشاره اصبحت معمة القول... الخوف لايودي الى نجاح.. وعندما يشق الشخص الطريق لاسهل اعتقد انه سيفتقد الاثنان تحيتي لك |
بسم الله ....اول حاجه انا يوم كنت في اول ثانوي على نهاية السنه خلاص قلت ادبي كذا من دون سؤال احد ...واهلي رافضين وانا بس قلت ادبي مو حب في التاريخ او البلاغه بس عشان اغيب على كيفي وانبسط ...على بداية سنه ثاني كذا من راسي رحت واختارت ادبي بدون مشاورة احد مع العلم اني كنت الاولى على صفي ومسواي حلو في كل المواد ...ولاموني المدرسات وبعض الطالبات على اختياري واهلي اليوم الثاني رحت حولت علمي ورجعت كتب ادبي وكان هذا بعد هوشه من احد معلملتي وكانت قريبتي واهلي طبعااا هزؤوني ...والحمدلله دخلت للعلمي وكان مره حلو ومافيه اي صعوبه بس الحلو اللي في العلمي بعدين انه تكون قادر انك تدخل اي قسم حتى الادبيه ....يعني ماتبلش ....
ومافيه شي اسمه ادبي سهل وعلمي صعب ....كل شي فيه حقه يعني مثل البلاغه كان حليل مو سهل وحتى الجغرافيا والتاريخ ...نفس الشي في العلمي ....وانت ماراح تقدر تحفظ الا اذا فهمت ........ انا اشوف انه ماتحدد رغبتك من مستواك المفروض تحدده من ميولك الشخصي باي ماده تشوف نفسك وايش المواد اللي تحسها غبيه حتى لو مستواك حلو فيهااا ....وبالاخير استخير والخيرة فيما اختاره الله ...وشاور نفسك واللي حولك وشوف.... |
يااااااااااااحلو هذيك الأيــااام ,, راحت بوناستهااااا ولن تعود ,, عموما انا اخترت قسم ودرست فيه لحالي مايدخل فيه الا العبقريات اللي مثلي ,, واتخرجت وصرت شي لايعقل ,, اذكرو الله علي الله يسلمكم ,, فتكووو بعافية ياشووووطار ,, |
بالنسبه لي ..كنت أحب المواد العلمية والأدبيه ..
لكن دخلت أدبي واللي خلاني أفضٌل الأدبي (معلماته) أفضل من معلمات العلمي من حيث النفسيه والشرح ,, وصحيح مثل ماذكرت ان المستقبل مو على العلمي والأدبي .. بل على حبك وابداعك لتخصصك اللي اخترته وابدعت فيه .. |
اقتباس:
^ ^ ^ تراني أمزح بالتوفيق دنيا وآخره ،، |
مرحبا قسم علمي / أدبي أخرطي ،، والله ماتوكل عيش ،، الشغله كلها تواااااااااااااااافيق من رب العالمين ،، ودام الجميع ،، |
اقتباس:
انا قسمي غير ,, حتى لو اقوله لك ماتعرفينه ,, لأن حدك هندسة ههه ,, فوووتك بعافية يامهندسة ,, |
اقتباس:
عشان الهندسة حامضه على بوز ي،، ^ ^ ^ لنا الله ياشيخه ،، ^ ^ بس فيني شرافه حد الثماله ودي أعرف وش تخصصك ؟؟[/align] |
حياك الله أيها الأميـــــــــــر,,,,
بحكم أني تعديت هالمرحلة ,,,,ولله الحمد,,,وبتوفيق من الله,,,,,كنت بسنة أولى ثانوي,,,من الأصل مفكرة (بالأدبي) لأني لا أطيق شي إسمــــــــــــه علمي,,,وحسابات ومالا نهاية,,,,كنت أحب العربي بشكل جنوني لكن لم أوفق في دخوله لكن بإذن الله لازلت أحاول,,,,أحب مواد الدين أهوى التعبير والنحو كثير,,,,كنت بالعلمي فااااشلة جداًّ لدرجة لو أخبركم بدرجاتي ماتصدقون,,,لكن خلو الطابق مستور,,, فعرفت نفسي من أول وهلة,,,,وإيش هي ميولي بعد مانجحت بأولى دغري للأدبي,,,,ولله الحمد درجاتي فررق كبير عن أولى,,,, والحمد لله واصلت لحد ماتخرجت من الثانوي,,,,كلمت الناس مو من أجل مشاورتهم لا,,,,لأني داخلياًّ مقتنعة بقسمي ومخلصة مع نفسي وعارفه ميولي لكن من أجل سماع آراء وخبرات,,,, جلست مع نفسي مدة,,,,عرفت وقررت مصيري,,,,وقسمي لي قريبة تبغى تدخل علمي أو أدبي,,,لازالت محتارة,,,شاروتني سألتها أسئلة مثل ماسألت نفسي,,, حسيت إنها تميل للأدبي أكثر وتبدع فيه,,, قلت لها إستخيري وإجلسي مع نفسك شوي وفكري بكلامي آخر مرة شفتها قالت خلاص قررت أدخل أدبي,,,, وبعض الناس يدخل علمي من شان يقولون ماشاء الله فلان داخل علمي <<<يحسسه هذا الشيء بالفخر وقد يفشل في مواصلة دراسته,,, المفروض ماننظر للمظاهر وكلام الناس,,,ننظر لقدراتنا إحنا ونعرفها,,,,, إعذرني ع الإطالة وأتمنى وصلت الفكرة,,, تحيتي لك وعوداً حميداً |
[align=center]
اقتباس:
ودك تدري وش تخصص (علشانك بس) دكتوراة في الكنس والتسبيع...!!![/align] |
من مخيخ راسي
لاشاورت ولا إستشرت على طوول قلت ابي كيت... وكيت والحمد لله إختياري في محله ولم اندم بل تفوقت ونجحت وتخصصت , |
بداية الامر وقبل كل شي : الاستخــــاره
سبحان من جعلها راحة للعباد :) ثم بعد ذلك يأتي الميول الشخصي ويحدد .. بالنسبه لي استخرت عند الكعبه المُشرفه واخترت التخصص وكأني مسيّره لا مخيّره .. اما بالنسبه للمدرس الاول من اعطى الطلاب فكره عن افضلية التخصص الادبي اسمح لي بأن اقول انه مُدرس فاشل ..! كل قسم وله افضلياته وميزاته وكلاهما مكملان لبعضهما .. موفق اخي الامير .. |
من زمان طالعه من الثانوي حتى اني نسيت وش كان تخصصي << خخخخخ
|
اقتباس:
فتكوووو بعافية ,, |
| الساعة الآن 12:39 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة