|
للسعودين فقط.. واوا بح..
[align=center]إذا منت سعودي أطلع برااااااااا..
الموضوع مدح لدولتنا ولا نبي أحد يقول السعوديين عنصريين يمدحون دولتهم في منتدى قصيمي.. <<<<<< وراو يا ابو الشباب القصيمي مو سعودي.. : المهم.. البارح كنت محتاج تقرير اقتصادي أبيته للزنقة.. طبعا التبييت شبيه بالتبييت اللي يعرفه نص شبابنا.. بس من نوع آخر.. <<<< طلع من الموضوع أبو الشباب.. ما ربط الرأس زين.. جلست أقلب النت محتاج معلومات وأرقام أدعم بها التقرير قبل الكتابة.. وأنا أقلب طبيت على تقرير منشور في جريدة اليوم الشرقاوية قبل 5 أشهر تقريبا.. التقرير يقول أن حجم التبرعات السعودية للدول النامية خلال السنوات القليلة الماضية بلغ 285 مليار.. والمليار الواحد يبلغ ألف مليون يعني 285 ألف مليون ريال.. رقم خيالي.. التقرير يقول أن الرقم يبلغ نحو 4 % من الناتج المحلي السعودي خلال تلك السنوات.. بصراحة أنا كنت سعيد بالزاف.. ومن السعادة نسيت التقرير حقي.. شيء يدعو للفخر.. إيثار ما بعده إيثار.. حتى أنه يتفوق على الإيثار في وقت الصحابة.. رغم الفقر والعوز إلا أننا لم ننسى شعوب الدول النامية.. رغم عدم امتلاك 62% من السعوديين مساكن تأوي أطفالهم.. الا أنا حكومتنا الرشيدة أبت إلا أن تنصر شعوب الدول الأخرى.. أي فخر نحن فيه.. (ارفع راسك أنت سعودي) مقولة رددتها البارحة كثيرا.. لم استطع النوم من الفرحة.. عوز وفقر وأقساط وخسائر في الأسهم.. وطوابير طويلة في ملفات البنك العقاري ودولتنا حفظها الله تهب مدخرات البلد للدول الأخرى.. رواتب ضعيفة لا تناسب مستوى التضخم في البلد والدولة تتبرع يمينا وشمالا.. بالفعل فخر ما بعده فخر.. إيثار ما بعده ايثار.. مستوى القطاع الصحي من دون في دووون ونحن نبني المستشفيات في الدول الأخرى.. آلاف المساكن نبنيها لإخواننا في الأردن.. والسعوديين عادي يتحملون الإيجار.. التعليم منحط والعذر ضعف التدفق المالي للوزارة.. ونتبرع بـ 285 مليار للدول النامية.. تبون الجد... تعالوا نرفع يدينا للسماء ندعو على الحكومة.. سوري خطأ مطبعي (على) دخلت غلط.. تعالوا ندعو للحكومة.. يا رب وفق حكومتنا الرشيدة وأجعل الأموال تتدفق على وزارة المالية لنتبرع بها للخارج.. أما حنا فلنا الله.. صابرووووووووووووووووووووون وصامتون..[/align] |
شكرا لك
وهذا شي نفخر بوه |
لنــــــــــــــا الله |
بدري على المعلومة ياخطاوينا .
<<<<< هههه أجل أنا ألي عارف المعلومة . ثانكيو خطاوينا على المعلومة الجملية حقاً التي تثلج القلوب بسماعها . أسئل الله الأمن والأمان في السعودية . والسلام خير الختام . أخوكم / أبو البراء |
8
8 الظاهر انهم ما يدرون وين الله حاطهم موضوعك ياخطوينا يجيب المرض والغثا والعله |
خطاوينا
برافووووووو تسلم يمين خطت الموضوع |
صحيح بقدر مايكون تبرعات بالخارج أهل المال أحق بماله وأهل البلد فيهم مالله به عليم من الفاقه خطاوينا صدق من قالك أبعد عن السياسه |
اقتباس:
شرفني مرورك.. |
اقتباس:
شكرا لمرورك.. |
اقتباس:
بلدك يحتضر.. شكرا لمرورك.. |
اقتباس:
احسني أول مرة امدح.. المدح أجل يجيب المرض...؟؟ |
اقتباس:
|
اقتباس:
خلال شهر بإذن الله بعقل وأصير مواطن ماسح جوووووووخ .. ويمكن اصير بوووووق ولا كل الأبواااااااق.. للأخوة الجحح.. لا تحرموووومنا من بوووووق قااااااااااااادم... |
وين الأقربون اولى بالمعروف؟!!
مدري يمكن نسوها والا يمكن مادروا عنها!! حط خط على الصحه وتدهورها وخطين تحت السكن والأيجار وعشر خطوط تحت البطاله والفقر بس شكلنا تعبنا من الخطوط على الفاضي الله يعين.. // شـ ك ـرآ خطاوينا |
ما أجمل الحرية...!!! خطاوينا..شكلك ما تدري عن المبنى الجديد اللي في الطرفية...!!! اسأل عنه.. |
| الساعة الآن 04:28 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة