|
معهد نيـوهـورايـزن استغلال لاحدود له !!!!!!
هذا المعهد يحمل اسما رنانا 00ويؤهم المتقدمين والمتقدمات بأنه المتميز
والمتفوق على جميع المعاهد التي تمنح دورات مختلفة في عدة مجالات0 لكن الحقيقة ان هذا المعهد يستغل تميزه بطرق ملتوية فلا اعلم حتى هذه اللحظة لماذا في كل مرة لأعادة الامتحان يأخذ رسوم جديدة 00طيب لماذا الرسوب يكون من نصيب الكثير ؟ أعتقد ان سبب الرسوب من ضعف المعلم 00فلماذا يدفع الثمن الدارس0 ياجماعة مليت وانا أرى زوجتي تعيد الامتحان اكثر من مرة وكلما خرجنا من وحدة ( أقصد عدد الوحدات المقررة ) وقعنا في اخرى 0 ولو كنا نعلم حقيقته لذهبنا الى غيره كالكافي والعالمية 0 تحياتي لكم0 |
نيو هورايزن كمعهد لا أستطيع التحدث عنه بالتفصيل لعدم إلمامي وتعاملي معهم لامن قريب أو بعيد ولكن بإلقاء نظرة عامة وسريعة على معظم معاهد الكومبيوتر خاصة المشهورة من خلال تجربة سابقة نجد أنه في الغالب وللأسف تكون الأهداف المادية البحتة وسبك الخطط للحصول على أكبر قدر من المال هي الرسالة الأساسية مقابل تقصير وعدم تركيز من قبل بعض الجهات المسؤولة ذات العلاقة كالغرف التجارية والتعليم الفني . أخي عبدالله تقبل تحياتي وشكري وكان الله بعونك . |
[align=center]دخلت أحد الدورات التي ينظمها المعهد (على حساب جهة العمل) بما يخص
الأعمال الإدارية <<طبعاً أنهيت الساعات (بزمن قساسي) جداً تدرون ليه ؟؟ لا مش لأنني وزُملائي فلتااات زماننا <<إلا لأن الدفع مرّه واحده فقط وخلّص المُدرب كان من الشباب حديثي التخرّج ( الله يوفقه) مُتعاقد معه المعهد... جيّدهـ من الشباب البحث عن فرص مؤقته بمثل هذه المعاهد لحين الحصول على عمل رسمي ............ لكن بدعاياتهم أنهم الأفضل ... وطواقمهم التدريبية خبرات ولسنوات ...الخ أعتقد أن الأهداف المادية لها الأولوية بمعاهد القطاع الخاص والله اعلم, شكراً أخي عبدالله والله يعينكم على تحمّل ما بدأتموهـ أظن كله ملحق بعضه [/align] |
أعرف صديقة لي درست بنيوهورايزن تجاوزت اختبارات المعهد كلها بإمتياز ...!! ويوم اختبرت الاختبار الشامل اخذت مقبول ..!! الحاسب يبي تطبيق وممارسه , لأن تدريس المعهد وحده لايكفي.. |
مشكلة انه هو المعهد اللي مقبولة شهادته..! والرسوم نااار..واستغلااال بقوووة..! رغم هذا كله وحده اعرفها تخرجت من قسم رياضيات وكملت دراسة حاسب في هالمعهد والى الان لم تحصل على اي وظيفه.. <<تقول توقعت العالم تتهاوش علي! بس ما حصلش حااقه.. الله يعينك عبدالله على المعاهد... |
اقتباس:
واعظم من الاهداف المادية الارتباط والحضور اكثر من مره00يعني لو يقولون عطونا كذا وكذا على بلاطة وينتهي الامر لهانت00المشكلة انهم يتلكعون في سبيل الاستغلال بطرق ملتوية !! تحياتي لك0 |
اقتباس:
نعم هم يضخمون مالديهم من طاقم تدريبي وتهيئة مكان وغيرها من المميزات لكن للأسف يختفي كل ذلك ويظهر الوجه الحقيقي لهم وهو الهدف المادي !! خالص الود لك0 |
طيب يمكن الغلط مو منهم من زوجتك !!!
بس المعهد حلو كافي انه متعاقد مع كثير من الشركااات وهالشي يكفي . . |
المعهد مبني على النصب والإحتيال أنا دخلت دورة إدخال بيانات ومعالجة نصوص والرخصة الدولية سوا بـ3500 ريال
إلا الحين طبيعي خلصت الست شهور بتقدير جيدجداً وبعد ماجاء دور الرخصة الدولية قالولي خلاص بندخلك إختبارات تجريبية ودخلتها بس إسبوع وماستفدت شئ ويماطلونك بالمواعيد والمشكلة مدة الإختبار التجريبي إسبوع فقط لاغير والكرت حق الإختبار معي لين الحين والآن لي حول السنة والكرت معي لا إختبرت ولاحصلت على الرخصة الدولية حسبي الله عليهم نصااااابين بس ماقول إلا حسبي الله عليهم لاخذت الرخصة الدولية ولاشئ |
عبد الله 30 ليتني سائلتك قبل ادخل له واتورط ,, المهعد فيه اشياء كثيرة مااعجبتني ,, اذا جيت للمدربات تلقاهن مو على مستوى سمعة المعهد ,, واذا جيت للمبنى تلقاة صغير والبنات يتصادمن فيه من صغرة ويجيب ضيقة الصدر ,, معهد يدرس فيه مئات البنات مافيه الا جلسة وحدة ماتتحمل الا سبع بنات فقط والباقي جالسات على كراسي البوفية ,, واللي ماحالفها الحظ وجت بدري توقف الين تتكسر رجولها من الوقفه ,, والقاعات مغبرة لأنهم حضرتهم يقلونها ولا تتنظف ولا شي ,, من ندخل الين نطلع وحنا نعاطس من الغبار ,, هذا بالنسبة للمبنى والكلام فيه يطول لكن هذا مختصرة ,, اما بالنسبة للإمتحان الحمد لله انا تخطيته بنسبة 94 % وهذا من فضل ربي ,, و اسئلتهم صعبة جدا جدا وقاعتي رسب فيها اربع طالبات من 12 طالبة ,, وكل وحده تعيد تدفع رسوم جديدة ,, وياويلك وياسواد ليلك لو تقول البلا من المدربة ,, مع ان المدربة لو اغيب واقولها بكرا عيدي لي تبدا تميل خشتها ماتبي تعيد ,, اما الكافي انتبه ياعبد الله تدخل زوجتك فيه لأنه خرابيط ,, انا اخذت دبلوم منهم وطلعت مدري وين الله حاطني ,, يعطونك شهادتك وفوقها بوسة راس بس وانت ماتدري وين الله حاطك باللي درسته ,, بعكس نيوهورايزن .. صحيح ياخذون فلوس دبل لكن مايطلعونك من الدورة الا وانت فاهم من كثر مادرست وعدت الامتحان ودفعت فلوس.. بيطلع قلبك وتحفظ المنهج صح نظري وعملي .. وتحرص على الدراسه عشان ماترسب وتضطر لدفع رسوم جديدة ,, عسى الله يخلصنا منه ونرتاح ,, فووتك بعافية ,,, |
ابو منصور .. حقيقة هذا أمر غير مرضي .. واللي أعرفه أنه يعيدون الأمتحان على أقل تقدير مرتين .. والثالثة تكون بفلوس .؟ وكويس أنك نبهتنا والله يعطيك العافية .. الأخت عشانك وبس اقتباس:
يعني معقوله كذا وكل الدعايات والإعلانات :( |
أكيد إستغلال للفلوس
|
اخوي عبدالله 30 ذكرتني بحالتي :)
التحقت بمعهد عالمي ومشهور ( وبدون ذكر أسماء) للحصول على دبلوم حاسب لمدة سنتين وبمبلغ وقدره والذي صدمني وادهشني ان المدربات لسن على كفاءة عالية وافضلهم من تملك دورة 6 شهور هذا غير الاهمال وتأجيل المحاضرات وعادي ينتهي الترم والكتاب ماوصل للنصف طبعا ماانعدل الوضع الاا بعد مظاهرة حماسية كانت بقيادتي طبعاً:) وطلبنا تعديل الوضع وشرح المقرر كامل وبذمة فوجهت لنا المديرة سؤال مباشر وقالت اللي تبي الشهادة تعلمنا واللي تبي تفهم وتتعلم برضوا تعلمنا وانقسمنا الى قسمين بقاعتين احداهن مخصصه للي يبون الشهادة طبعا كلها سواليف وتضييع وقت والقاعة الثانية كانت منضبطة والمدربات عرفن فيها ان الله حق بعد تجربتي المريرة فقدت الثقة بكل المعاهد لسبب بسيط لاتوجد رقابة على هذه المعاهد .. وانظروا الى المخرجات فهي ضعيفة جداً الاا من رحم ربي وعشان أكون صريحة معكم أكثر نحن من تركنا هذه المعاهد بهذا الفساد وسمحنا لهم باستغلالنا هذه المعاهد خاصة وهدفها الربح في المقام الأول ولامانع من ذلك في حالة أعطتنا مانحتاج اليه من العلم والمعرفة وفي حالة تنازلنا عن حقوقنا فنحن نستحق مايحدث لنا اعتذر للإطالة اخي عبدالله30 والله يكون بعونكم |
اقتباس:
دائما يحاولون أن تعيد الدارسة الاختبار من أجل الدفع ! هي تدرس وتطبق وتجيد التعامل مع الجهاز منذ زمن وهذا ماجعلني استغرب طريقتهم0 تحياتي لك0 |
أخي الفاضــل أبو منصور (عبدالله30) كلامك فيه من الصحة الشيء الكثير من حيث ايهام الأخرين بانه المعهد المتميز والمتفوق على جميع المعاهد وهو برأيي لم يتفوق إلا بالناحية الإعلامية وخصوصا مع دخوله الســوق المالية السعودية . لكن للحقيقة بالنسبة لإعادة الاختبارات فهذا يعود لإدارة التعليم الأهلي (تابع للمؤسسة العامة للتدريب التقني والمهني) لأنها هي التي تقوم بإجراء الاختبارات للدارسين وهي بالمناسبة تركز على سرعة الكتابة بالدقيقة (على الأقل 15 كلمة في الدقيقة الواحدة) وهذا بالنسبة للدورات المعتمدة ومدتها 6 شهور . وأيضا المبلغ المدفوع لإعادة الاختبار يكون لإدارة التعليم الأهلي وذلك لثلاث مرات فقط لمدة سنة بعد انتهاء الدورة . هــذا ما اردت توضيحه بعد الاتصال بأحد الموظفين بالتعليم الأهلي بالقصيم . تحياتي للجميــع ،، |
| الساعة الآن 02:43 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة