|
مابي احرجها وانا احبها... ارجو التفاعل
بسم الله الرحمن الرحيم
السلام عليكم ورحمة الله وبركاته مرحبا بجميع الموجودين والله يرد الغايبين ابطرح عليكم موضوع يدور بصدري من زمان وتهالك على جسمي وفكري انا امر بحالة حب لايعلمها الا الله أحب بنت دخلت قلبي ووجداني خياله مايفارق بالي دايم البنت ببالي واللي حببن به طبعه وطبع اهله فكرت كثير وكثير وكثير..... رحت لوالدتي واختي اللي اكبر من وقلتلهم السالفه وعلمتهم بالبنت اختي قالت ماتصلحلك والوالده قالت لازم تشوفه اناسألت قلت ليش ماتصلحلي قالت البنت مافيها شي بس ماتناسبك مو حلوه مره ولاتتعب نفسك تشوفه تراه عاااااااااااااديه وانا اشوفها دايم بالكليه انا انصدمت لاني شاري البنت واهلها واحبهم قالت اختي وشرايك اخطب لك اللي اصغر منه تراه حلوه موت وتصلحلك انا متأكده بس قلت انا احب هاذي هاذيك مافكرتبه ولا خطرت ببالي قالت مالك هم انا اشوفه لك واكلمك طبعا انا قلبي متعلق بحب البنت اكبيره كيف بحول الحب لأختها اللي اصغر واللي خلاني ماروح اشوفه لانهم مامدحوه لي بالحيل واخاف اشوفه ولا اقبلها وأحرجها واجرحها واللي محيرني اخاف بعد اقبل بأختها ولا احبها ... لاني اعرف صفاتهم كلهم هالبنتين هل حب صفات البنت يغلب على شكلها رغم اني حبيتها من صفاتها ومن صفات وحده ثانيه امدحته لي بشكله عكس اللي مامدحوه لي.... هاذا اللي حبيت اقوله ومشكورين .. |
وعليكم السلام ورحمته الله وبركاته 000
أخي قبلان ياهلافيك بمنتدى بريده اولاً ليس بالضرورة إن البنت تكوون ملكة جمال أهم شي تحبه وتحبك أما رأي أهلك أنا ضدهم أنت لزم تشووف البنت اللي تحبه لاتقول أخاف أجرح مشاعره والكلام ذا لأنه هذا خطاء والله يوفقك وتتزوج اللي تحبه 0 تحياتي لك |
أهــم شي الأخـــلاق أخوي قبـــلان .. الجمـــال يـــزول والأخــــلاق تبـــقى ... وفي معنى الحديث ( فاظفر بذات الدين تربت يداك ) ولم يتكلم عن الجمال لأنه شكلي نــعــم ... الكثير من الشباب يهتم بالمظهر ولــكــــــــــــن القــــــــــــلــــــــــيل من يفكر بالجوهــر دمت بــخير |
[align=center]
قبلان انت ادرى بماذا تريد ولو كنت متعلق بالبنت الكبيره مثل ماتقول ماعشت بحالة من التردد كان رحت وشفتها وقطعت الشك باليقين يمكن تنال على اعجابك فنظرة الرجل للمراه تختلف عن نظرة المراه للمراه ومن كلامك فهمت انك تحبها واللي يحب ماخبره يهتم برأي غيره في محبوبته خاصة اذا كان واثق من اخلاقها ويبي يتزوجها الله يوفقك ويسعدك[/align] |
أبد أقطع الشك بالحب
الحريم يبونه لاجلست بالعزايم يجخون به أنت تبيها لك وتحب فيها صفات وأشياء أمسكها . : . |
ياهلافيك ياقبلان
وخلني اقول لك مبرووووك مقدم هههههههههه شوف ياخوي اللي بيتزوج انت ماهو اهلك وانت صاااحب الشان وكان تحب البنت ومقتنع فيها وهي تبيك وانت تبيها اقدم بس حاول تقنع اميمتك اهم شيء باسلوب حسن وشوف وانا خوك ترى كلش الا غلطة الزواااج استخيرولاتستعجل |
حياك الله قبلان..
ومرحباً بك بالمنتدى.. إذا حبك صادق وتنوي الزواج..لن تتردد.. وإن ترددت وخفت على مشاعرها.. فالبتأكيد لن تقبل أختها زوجة لك..! بأي قلب سترضى هذا..؟ هذا إذا كانت تعلم بحبك.. أما إن كانت تجهل حبك.. فأنت أعلم منا بمشاعرك ولمن تهبها لروح..أم لصوره..! تحيتي,,, |
إنما الجمال جمال الخلق والأدب .. إصحى تتزوج اختها اللي أصغر منها تتركهن كلهن, أحسن من انك تتزوج اللي أصغر !! احس ان اللي خلاك تترد لأنك راسم لها صورة انها جميله صح وانصدمت من كلام اختك عنها !!.. انت استخير الله وبيخيرك الخيره المباركه .. بالتوفيق |
اخوى قبلان الشى هذا رجع لك انت قبل كل شى ل انت يهمك الشكل قبل الصفات ام تهمك الصفات قبل الشكل وعليها قرر اذا كانت الصفات تهمك اكثر من الشكل فتوكل على الله واخطبها الله يوفقك دنيا واخره ويفرج همك وييسر امرك يارب ه |
انت اخر امالي.. الامير.. شموخ.. زوج بريداويه .. العبري .. عيسى العوفي.. تلميذة الحياة.. هيفا انا
اشكركم جميعا وعلى تفاعلكم اثلجتو صدري جعل مثواكم الجنه |
انا اشوف المسأله عاديه ..
يعني تقدر تتحكم فيها انت بنفســك .. شوفها نظرة شرعيه وان اعجبتك .. خبر أهلك .. والله يوفقـــك ... |
أكيد زوجتك اللي تحب
وفقكم الله وجعل بينكم موده ورحمة وتجد السكينة معها ان شاء الله |
راح تندم راح تندم راح تندم راح تندم راح تندم إذا تزوجت اختها .. ولا تزوجت اللي تريدها عمر الجــــمال ما كان مفتاح السعادة ... ثم لا تنسى اختلاف الاذواق ! ومثل ما قالت تلميذة الحياة: تتركهن كلهن, أحسن من انك تتزوج اللي أصغر !! خبـــرنا ايش يصـــير معك .. ما له داعي نتحمس معك ونقدم المشورة ولا نعرف الحل النهائي :( موفق يا اخوي |
دامها تقرب لك
قل لاختك تقعدها بمكان وانت اقعد قز ان اعجبتك فالحمد لله والا فانت صرفت عنها نظر بدون ماتجرحها بعدين ترا الأذواق فيها تباين كبير والجمال نسبي..فيه وحده عندنا في الكلية انا اشوفها تهبببببببل بينما بنت خالتي تقول عاادية!! والله يوفقك ويسهل امرك ويدبر لك الصالح |
قال رسول الله صلى الله عليه وسلم : (ليس للمتحابين مثل النكاح)
|
| الساعة الآن 07:07 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة