|
امراة تريد حل لمشكلتها
(( منقول للفائده ))
من يحل مشكلة هذه الاخت مع زوجها انا بقولكم مشكلتي ابغاكم تساعدوني ايش اسوي انا وزجي دايم مشاكل دايم يضربني على اتفه الاسباب مايحترمني ولا شي مره ضربني قدام اهله واخواته عشان ما جلست جنيه يوم قالي تعالي هنا عندي وقلت له مابي ابي اجلس هنا والله قام وجرني من شعري وقام يضربني مثل الاطفال لين جلست جنبه وانا ابكي من القهر وذا بكيت يزيدني يقول لا اسمع صوتك تبكين ومره ضربني عشان مارديت عليه وانا وربي يشهد علي اني ما سمعته يناديني ولمن يضربني احسه يتلذذ بضربي ولمن يعتذر مني يقولي انا احبك ولا ماكان ضربتك صار الضرب عنده عاده يعاملني مثل الاطفال الصغار اذا غلطت يعاقبني بالضرب ماعندنا اطفال يقول انتي طفلتي مابيك تجيبين عيال هو العيب فيه عنده دوالي وعنده ضعف اذا سافرت لاهلي بيت خالاتي ولا بيت ابوي ولا عند اخواني مايخليني ارتاح الا ويجي ياخذني اهلي بمنطقه وانا عايشه معه بمنطقه بعيده عن اهلي هو اكبر مني عمره 45 وانا عمري 23 مره سافرت معه كندا نتمشى وكنت معاه بسوق اشتري لي اشياء راح يشتري له دخان ورجع وحصلني بمحل اشتري وقالي انا اوريك شغلك في البيت والله ما اخذت على كلمته تعشينا في معطم وهو ساكت ولا كلمه والله يابنات رجعت البيت وقام يضربني يقلي لا عاد تعدينها ومره كان وقت رمضان قالي جهزي فطور عشان عازم رجال للفطور وقالي لا تفشليني وسويت كل اللي نفسه فيه ويوم راحو الرجال قلت له والله تعبت ابغى انام وقام يضربني بكل قوته يقول ليه تقولين انا تعبانه هذا شغلك انا طالبه ادرس كرهت الدراسه اذا غبت يوم سوالي مصيبه يبغاني اكمل بالغصبه دراستي وانا معاد ليه نفس ادرس وجهي مورم من الضرب استحي اروح الكليه وحالتي كذا وهو مايهمه غير انه بس يضرب غير المواقف الكثيره من الضرب انا امي متوفيه وابوي عايش لا شكيت لابويه يقولي عادي الرجال يضرب حرمته اشوف حريم اخوانه سعيدات وانا احسني ضايعه تعيسه مره سافرنا مصر سفره جماعيه مع اخوانه وحريمهم واطفالهم دايم يعاريني قدام حريم اخوانه ويناديني ياخبله تعالي ياخبله روحي ياخبله جيبي زعلت منه وكنا بفندق قلت له ليش تناديني كذا قدام الحريم ماخلصت كلمتي الا كف على وجهي يقولي انا اسوي فيك اللي ابغاه انتي ما تتكلمين حريم اخوانه يدرون ان زوجي يضربني وهذا الشي مسببلي قهر لانه ضربني مره قدامهم في البر وماتكلمت احسني مظلومه مقهوره بس ماقدر اتكلم وانا من جد محتاره مو عارفه كيف اغير عادة زوجي اللي ذبحتني |
ممكن تسألينها.. هي متزوجة رجال وإلا سجان...؟؟!!! أبي أفهم... |
اهلا اختي0
شكل هذا الزوج رجل مصارعه وملاكمه وبطل على الحريم ! طيب الا يوجد في اخوتها رجل ؟ هذه تصرفات انسان مريض 00كان الله في عونها 0 |
وش يحس فيه ذا الآدمي ؟؟؟؟؟؟
|
مرحبا
عندي لها حل بس تدلني على زوجها
وانا اتفاهم معه بطريقتي الخاصة |
اولآ انا رجل ولست بحرمه :)
وثانيآ شاكر لكم تعليقكم ولكن تريد الحل ماهو الحل الامثل لهذه المشكله:ash: |
((هو العيب فيه عنده دوالي وعنده ضعف ))
اعتقد ان المشكلة تكمن هنا فاحساس الزوج بعدم الانجاب والضعف جعله يصب جم غضيه على هذه الزوجة المسكينة معتقداً انها هي المتسببه في ذلك . حسبنا الله ونعم الوكيل |
ياقلبي لاتحزن
يجب على الزوج ان يفقدها ليعرف قدرها .. فنحن بطبيعتنا لا نحس بقدر من حولنا إلى اذا افتقدناه .. يجب ان تذهب لأهلها وتطلب الطلاق .. ويحتاج هذا الزوج إلى صدمه قوية ليستعيد توازنه .... طبعا هذا نوع من إثبات لمن حوله انه قادر وقوي رغم عقمه ... الله يكون بعونه |
اقتباس:
هذا هو الحل د/فانتازيا الحظ فى ردودك خبره كبيره بالتعامل مع البشر مهما كانت نوعياتهم سؤال هل انت طبيب نفسي ؟؟؟ |
ربما ان زوجها يعاني من مرض نفسي كما اعتقد انه يعني من نقص في شخصيته يحاول اشباعه بتصرفاته الحيوانية .
|
لا مستحيل يضربها اكره الضرب حرام عليه الحيوان لابعد يقول احبك حبه ان شاء الله جدري اجل يعطيه كف على اهون سبب!!وشلون ذي عايشه معه ياعمري قسم ما اقعد بالبيت ولادقيقه اجل يعيره عند حمواته اخخخ يالقهر قوليله ياخيتي روحي لم بيت ابوتس لحد مايجي نصيبه اجل تقعد عند المجرم؟؟؟
|
بسم الرحن الرحيم ماهو ادمي هذا ولا انسان حتى شنو هذا
طيب وهي وشتبي تسوي تكفين لاتجيبين منه عيال عشان متعذبينهم والله حرام تعذبينهم تكفين تكفين تكفين وطيب اشكتي عليه بدوان المظالم وتطلقي منه |
اولا كان الله في عونها
اكيد زوجها يحس بالنقص كونه غير قادر على الانجاب ويعوض نقصه بقوته في الضرب مااتوقع انها جبورة تجلس عنده مهما كانت تعاني من ظروف في بيت اهلها ولا راح يتغير الا اذا اتعالج وهي صغيرة يرزقها ربي افضل منه واتوقع انها تتمنى تشوف اطفالها لذا جلوسها مع هاالزوج غلط الله يشفيه ويسهل امرهم ويرزقها ماتتمنى عاجلا غير اجلا ويأجرها في مصيبتها ويخلف لها خيرا منها |
اقتباس:
اختي العزيزه ان الاطلاع والمعايشه للعديد من النوعيات , والتعامل بكل هدوء مع اي عائق .. وفتح المجال لسرحان العقل . والتمحيص والتتدقيق .. هي علوم بدون معلم هاكذا هي الحياة , لانها ابسط مم نتوقع ... شكرا لك |
نصيحتي عدم السكوت لأن السكوت معناه الرضى
صارحي أههلك ولا أحد إخوانك يتفاهم معه ويضع له حد واستشيري اهل الخبــــــــــرة في ذلك من الصلاح |
| الساعة الآن 05:37 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة