|
رياض القصيم ؟؟
[align=center]بسم الله الرحمن الرحيم
السلام عليكم ورحمة الله وبركاته بغيت أسألكم عن مدارس رياض القصيم للبنات كيف معلماتها ونظامها و الزي الرسمي وموقعها بالضبط و مشكورين مقدماً[/align] |
نظامها لعب بـ لعب
يعني نجاح وانت نايمه والمدرسات على كيف البنات مابيدهن اي سيطره صديقاتي سجلو فيها وكلهم تخرجو بـ 100% الزي تنوره رصاصي وبلوزه بيضا مكانها بـ المنتزه الغربي بالضبط ماادري ان شاء الله البقيه مو مقصرين معاك |
الله يوفقك و يجزاك خير يا باونتي |
امين يارب
اهلا وسهلا:) |
مثل مااقالت لك بوونتي ...؟!
بس موو لعب بلعب على حسب المدرررسه ..؟ عالعموووم الله يووفقك ان شالله .."! |
على قولة باونتي نظامه لعب في لعب.. وبعد اذا بغيتي لاتحضرين ولا حصة <محد راح يقولك شي..
والزي الرسمي تنورة رصاصي وبلوزة بيضاء بس مااحد يتقيد بهالزي يعني إلبسي اللي تبين.. ومكانه بالمنتزة الغربي عند مسجد (ابو ذياب) كانك تعرفينه.. ترااه مدرسة خرااابيط حسافة اسم مدرسة عليه.. |
والله المدرسه جنااااااااااان خوذي درجاتك بس بالذمه يعني لو بتغشين ماحد درى عنك بس رب العالمين داري عنا يعني بالذمه,,,,
وزيها مثل ماقالوا البنات بس البلايز مفتوح بس تجيهم أوقات يمسكون المخالافات ,,,, واللي تقول تطلعين ماحد درى عنك لا ياماما من قالك المراقبه فوق روسنا تتطلبنا نقوم لفصولنا وماتروح لين نقوم وماأبالغ إن قلت لكم إنه لكل 3 شلل مراقبه يعني تلقون بكل زاويه مراقبتين,,,,بس بعذرهم صراحه ماينلامون وعساهم يكفوون وبالتوفيق حبيبتي,,, تمنياتي لكِ بقضاء أجمل الأوقات في هذه المدرسه العزيزه واللي راح تكون أحلى أيام عمرك يوم كنتي فيها,,, موفقه |
8
أنواع التلميع ..أجل راح تكون أحلى أيام عمرك يوم كنتي فيها,,, رياض القصيم والمناهل خرطي من كل النواحي .. اهم ماعندهم تجميع اكبر كميه من الطالبات عشان الرسوم الله يرحم حالهم الطالبه ماكأنها جايه لمدرسه جايه لكوفي شوب لعب وطق حنك وتطنيش حصص والملخص مايتعدى ورقتين .. طبعا النجاح مضمون والنسبه مضمونه ..لكن اذا رحتي للجامعه وحسيتي نفسك مثل الأطرش بالزفه ..ساعتها بتدفعين ضريبة اللعب و الملخصات .. اذا تبين مدرسه بمعنى الكلمه عندك ثلاث الغد والمنارات والمجد .. |
88888888
كلام سليم 100% |
انا ادرس فيها
لعب ×لعب على كيف كيفك واخر السنه تعالي شوفي الدرجات مكانها باالمنتزه على كلام البنات والزي تنوره رمادي وبلوزه ابيض ولا اذ تبين قصير ترا عاااااااادي |
اقتباس:
أولا أنا صادقه وجاده بكلامي كانت أحلى أيام عمري بدون مبالغه,,,,,,,بعدين أنتي وش دراك عني وعن أيام عمري وبالنسبه للدراسه اللي تبغى تجتهد تعرف مصلحة نفسها بنت بالثانوي مايحتاج أحد يعلمها أما الملخصات والله واقسم بالله درست فيها سنتين ماشفت الملخصات اللي تقولين عنه لأنها ممنوعه تحديد بالكتب واللي ينقصها تحديد هي الورطانه بالإمتحانات لأنه ماحد مكلف عليه يلاحقه بعد عشان تخطط وأوووووووووووافقك وبشده أنه بالجامعه راح تندم أنا الحين أول سنه بالجامعه أحاول أذاكر وأحاول وأحاول حنا وصاحباتي عجزنا نتأقلم مع الوضع ماقدرنا وهذي نصيييييييييييحه من قلب للكل اللي يدرسون إنهم يتركون اللعب حنا أكسل بنات في القاعه بسبب إننا مادبرنا أرواحنا قبل وجتنا نسب بالهبل ودخلنا الكليه بكل سهوووله وفي النهايه جنينا ماحصلناه بالثانوي وشكرا |
اقتباس:
^^ مادري وش تحسين فيه ياللي كاتبه هالكلآمـ .. الصراحه مدرسه ولا اروعـ انصحك تدخلينهآ.. انا درست هالسنه فيهآ ندمت ع السنين اللي مادرست فيهآ .. من ناحية الدراسه وحضور الحصص يشددون يعني مو سايبه الدعوه مثل ماقالو .. يعني موب شديدين ولا تاركين البنات براحتهم .. = ) المدرسه بالمنتزهـ .. = ) ان شالله اكون افدتك |
عموووووووما كل المدااارس الاهليه لعب بلعب الااا مدرسة المجد هذي جد بجد البنات مؤدبااات واخلااااق بس انها تعطي درجااات
والباقي خذي النسبه وانتي نااايمه... |
شعارهم العب معن
|
احسن المدااارس الاهليه المجــــــد وبس
|
| الساعة الآن 02:09 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة