|
تطاول عامل بمطعم عمو حمزه مع الحريم..
كنت بالمطعم قبل يومين وسمعنا الاصوات وصوت الرجل وصل لاخر المطعم ومثل ماتعرف شرافة القصمان نبي نعرف وش صاير اذا عامل من الموظفين مصري متحرش بالكلام مع زوجته للامانه ماادري وش قايل له والمشكله بحضور زوجها انا شفت الحرمه كله ادب واحتشام والرجال كان منفعل لاخر درجه طبعا هم من الخوف بدوا يهدون الرجال لان الرجال يهدد بطلب الهيئه طبعا السالفه وصلت للمدير واخذوا الرجال يهدونه ويتاسفون منه وماادري وش صار عليهم...... المهم تعرفون سواليف هالحريم واقص السالفه على وحده من صديقاتي قالت انا صاير لي نفس السالفه ومع مصري وبنفس المطعم قبل اسبوع تقول رايح ابغسل وقابلني عامل مصري وقالي ..على فكره يامدام دي عيونك حلوه مووت...هي معترفه بخطاه تقول كنت فاتحه نقابي تقول خفت وسكت ماقلت لزوجي اخاف يسوي مشكله بالمطعم ...بس السؤال وش هالتطاول بهالاجانب والى متى كل واحد يسكت ويمضون الموضوع ويغطونه ومااقول الا حسبي الله ونعم الوكيل........اسفه على الاطاله بس كتبته من الغيظ الي فيني.
|
طيب هاللي يهدد و يقول ابجيب الهيئة .. ليه ما جابه من الأساس ...
من دون تهديد .. الهئية هم يأدبووونه بكم جلده .. وخويتك اللي سكتت هذا الغلط ,, خلت الحين المصري يتمادا و يسوي مع غيرها كذا لو علمت زوجها كان ما كان اللي كان .. !!! تحياتي لكـ . . |
التشهير مهم ليستأدب مثل المصري أو يسفّر لديرته
لابارك الله أمثاله |
هذا قبل مايسوقن.
صورة من دون تحية لمن هم مثل الحية ويطالبون بقيادة المرأة للسيارة. |
اقتباس:
ياخوي وش دخل السواقهـ ؟؟ القياده مالها دخل و انا مع القيادهـ و بالعكس لو سمحوا بالقيادهـ ... وكل وحده تكون ماهي راعية لف و دوران إذا صار لها شئ .. سيدا على الهيئة او الشرطة .. ولا خلاص .. و يتأدبون شبابنا اما البنت إذا كانت رآعية خرابيط فهي بتسايس هالشباب و بتخليهم يخربون زود ... تحياتي لك |
قله ادب بصراحه
عموما عمو حمزه هذا مارتاح له انا . والله العظيم قبل شهرين بنفس المطعم الظهر كان فيه شاب هو وخويته جنب الكبينه اللي جالسين فيها . واضح انها خويته يضحكون ويستهبلون وبصوت عالي وماهمهم احد حتى زوجي يقولي انا مارتحت اخاف الحين تجي الهيئه وتصير مشكله وازعاج والدليل انها خويته رن جوال البنت اسمعها تقول هلا يمه انا مع صديقتي بالمشغل !! يعني تكذب بكل بروده حتى يوم سكرت اسمع الشاب يقولها انتي كذا دايما ماتضبطين وضعك وتسوين لنا احراج قلت لك انا لاتقولين بنطلع الا لما يكون وضعك مريح. يعني دايما تصير ومتعودين على كذا |
[align=center]
يذكر أن مدير مطعم عموا حمزة رجل صالح ولا أظنه يسكت على هذا الموقف إن صح ثبوته ..[/align] |
لابد من ردع العمالة المصرية وفضحها
والغريب تجد شعار منتدى بريدة بوابة المطعم ولاكو فائدة فليكن دور المنتدى بالنصيحة لإدارة المطعم. |
توضيح ..
بما ان القضية وصلت لنا قمنا بالاتصال بادارة المطعم وشرحنا لهم ما طرح فجاء البيان التالي القصه التي وردت تخالف الواقع ما حصل ان زبوناً فتح الستاره على زبون اخر فحصلت بينهم مشاجره امتدت الى طلب الشرطه والهيئة وقد حاول العاملون حل الوضع دون فائدة ولتاكيد المصادقية فان الشكوى والموضوع لدى هيئة الصفراء وشرطة الشماليه .. وقد نوه مدير الفرع الى ان التصرفات من هذا النوع غير مقبوله .. واستغرب مدير الفرع هذه القصه وقال ربما التسرع وعدم التاكد مما حصل خلق حاله اشتباه لدى بعض ممن حضر الخلاف واشار الى ان رقم المبلغ الذي حصل معه الخلاف لديه ورحب بان يعطينا اياه اذا ثبت عكس ذلك هذا ما وصلنا من مدير فرع بريدة والذي اشار الى خلاف ما طرح هنا .. |
[align=center]مـن أمــن العـقوبـة أســاء الأدب
وهالمصـري ذا ، راح يستمـر بالمطعـم ، ويغـازل ويتحرش ويبي يسـوي كل الي براسـه ... مـن يبي يوقفـه عند حـدهـ !! حالـه حال البائعين الاجـانب الي بالنخيـل والعثيـم ،،،،[/align] |
صدق شيخ البالتوك لورانس يوم يتكلم عن عمو حمزه \\ عاد من زين الطبخ
|
اقتباس:
ابو عبد الله شكراً للتوضيح لِما كُتب هُنا لإطلاع القراء لمنتدانا وجميع من شارك على هذا الموضوع على متابعة مايُكتب ونقل الرد كماهو ,, |
اختي الكريمه
أعتقد أن القصه غير وارده فلايمكن لعامل مطعم أن يتحرش بإمراءه في حضور زوجها إن لم يكن لديه رادع ديني أو خوف من العقوبه . ومانقله الأخ وليد الطريقي عن إدارة المطعم دليل كبير على عدم صحة ماورد فالأجدر بنا التأني والحرص في نقل الخبر . |
اقتباس:
اقتباس:
شكراً جزيلاً اخ وليد على الجهد المبذول تجاه ما يُطرح هنا ومن المُفترض ان يتأكد الاعضاء بأي حدث قبل الطرح ! السمعة ليست سهلة بهذا الشكل بالاضافة الى الإثم الذي قد يجلبه لأنفسهم ممن يتفننون في اصدار الاشاعات واثارة الفتنة بُهتان ! |
أختي الفاضلة ليتك وفيت تحرياً للمصداقية وحفاظاً على حقوق الأعضاء في حُرية الطرح والنقاش ببريدة الخاص بعيداً عن سياسة تكميم الأفواه . أو الإضرار بالآخرين من خلال مايطرح هُنا من من مواضيع فقد تم إغلاق هذا الموضوع من قبل الإشراف ببريدة الخاص لحين الوقوف على تفاصيل هذا الموضوع بكل شفافية وموضوعية وها نحن نفتحه كما وعدنا أختي الكريمة في تاريخ 13/ 1 أمتعض أحد زباين المطعم الذي كان بصحبة زوجته وهو من زبائن المحل من لفظ أحد العاملين بالمطعم عندما حظر لتنظيف الغرفة عندما قال لخاطركـ أوشئ من هذا القبيل وبحظور الزوج الذي لم يرضيه مثل هذا اللفظ مما أدى لتلاسن بين الزبون والعامل ورفع العامل صوته لإقناعه إن تصرفه ماهو إلا نوع من إحترام الزباين أو(برستيج) يعني :) وبالفعل تدخلت إدارة المطعم وأنهت الموضوع مع الزبون وخرج والأمر منتهي تماماً بعد أن إشترط عقابه ((دون الإضرار به)) و (( للأمانة أطلعت بنفسي )) على المحظر الذي يخص العامل (أتحفط على إسمه ) وهو يحتوي على ( لفت نظر - إنذار ـ حسم يوم واحد) مع إرسال صورة لإدارة المطعم وجميعها بنفس التاريخ 13/1 م وفيما يتعلق بما أوضحه الأخ وليد الطريقي فهو موضوع آخر ليس لإدارة المطعم أوعُماله دور به (فهو بين أحد الزبائن و زبون آخر ) أخيراً للجميع مِنّا فائق الإحترام والتقدير , |
| الساعة الآن 05:55 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة