|
الشباب والزواج
بسمالله الرحمن الرحيم
اشوف شبابنا يتشكى بشكل كبير من مصاريف الزواج وبعضهم يقول اقدر افتح بيت لاكن مأقدر على المهر وغيره من طلبات اهل الزوجه من قاعه وعشى وغيره وغيره يقولون ماأقدر على اقساط الزواج واجار البيت ومصاريفه سوى يعني مايقدر إلا على اقساط المهر ومصاريف الزواج ولا اجار البيت ومصاريفه انا عندي اقتراح ياليت يفيد احد ياخذ مره مسيار منتهي بالزواج الكامل يعني ياخذها مسيار ويقسط على اهلها المهر كامل إذا كمله يستأجر بيت وياخذها وإذا ماكمله يروح عليه اللي هو دفعه ويطلق يعني الدعوى اقساط بأقساط غيره ماحد بيقدر على العرس اتمنى تفيدوني بفكرتي تنفع ولا لا |
أخوي ابوصالح الدنيا هكذا كل شي يريد مصاريف وأكيد أن الزوج يبي مصاريف والا عمرك سمعت أن أحد تزوج بدون مصاريف لكن الواحد منا إذا جت أمور الزواج بدأ يتشكى والا لو تلاحظ أنه قبل يتزوج أو يفكر أنه يتزوج شاري سياره فخمه أو موديل جديد و لايوجد شي بهذه الحياة الابتعب لكن لازم يكون عندنا توكل على الله عزوجل قبل كل شي ودمتم بخيرررررررررر وسلام |
اقتباس:
|
التوكل على الله عزوجل وعدم ترك الصلاة وطاعة الوالدين هن أكبر ميعن لنا اجل فلنحرص أشد الحرص |
لكنك لا تعلم أن من ترضى بالمسيار إما مطلقه أو أرملة أو فتاة فاتها القطار
وكلاهم بتوافق على الزواج بدون مصاريف كبيره مرهقه وبالنسبه للزواج بشكل عام ومصاريفه فالأكيد إنه الزواج مكلف أنا عندي أخ واحد تزوج وكان يشتكي من المصاريف لكن إذا جيت للحق أخذ قرض على راتبه بحوالي 100 ألف راحت منها 50 بسياره جديدة والمهر كان 30 والتأثيث 20 تقريبا وعشرين عنده سلفا كانت القصر والعشاء وصلى الله وبارك والحمد لله هذاه عنده ولد ومرتاح يعني زواجه كلف تقريبا 70 بس هي السيارات اللي تخسر هالشباب لو يتركون عنهم المظاهر تزوجوا |
اقتباس:
لاكن ان كنت تأكد ان الزواج بالبساطه اللي تتصورها فياليت تثقفنا شوي عن اكثر من اخوك يشرفي مرورك |
لحضه خلنا نحسبه حسبه بسيطـه
مهـر = 50000الف ريال اثاث شقـه = 30000 الف ريال قصر وعشاء وطقاقات وخرابيـط =25000 الف ريال شهر عسل وروحـه =15000 الف ريال المجموووع = 120000 الف ريال ..!! شااب مقبل على الحياة وين بيجيب كل هالفلوس !! ياما يجلس يجمع حاله لعشرين سنه قدام او ياخذ قررض ويعيش بهم الديون و يقعد يقسط فيه لعشر سنوات قـدام امرين احلاهما مر يآزين بنات الشاام بـس رخص وزيـن ودلـع |
[align=center]للأسف
أن تسمع هذا الكلام في بلد النفط !![/align] |
كخ كخ اللي مو قد الزواج ليش يتعب حاله ويتعب بنات الناس معاه يجلس مع امه احسن |
اقتباس:
أنا أشوف الزواج أمره بسيط لكن حب الناس للمظاهر هو اللي يسبب هذي النظره أخي معلم راتبه حوالي 7000 يسكن شقة مستأجرة يدفع شهريا إيجار 1450 ريال إستقطاع من راتبه ثم يدفع حوالي 2500 ريال أقساط للبنك يعني شهريا يروح من راتبه 4000 ريال ويتبقى 3000 مصاريفه إلى نهاية الشهر هذا حاليا وسابقا قبل الزواج أخذ قرض على راتبه بقيمة 100 ألف دفع المهر منها 30 ألف كما هي عاداتنا وتأثيث الشقه كلف من 20 إلى 25 تقريبا ( يعني الأساسيات غرفة نوم مجلسين مطبخ بمستلزماته ) ثم قصر أفراح 10 آلاف + العشاء 10 آلاف ثم على قولتكم الطقاقه ( كانت هدية من الوالده ) والحمد لله له حوالي سنه ونصف متزوج ومرتاح البال علما بأن حالة الوالد الماديه بسيطه لم يساعده ولا بريال لكن اللي أشوفه إن السيارات هي من يضيع الفلوس أخوي من يوم إستلم الوظيفه هو سياره شكل أول شيء هايلكس >>> كامري >>> بافندر >> ورجع للهايلكس وكل سياره يبيعها يخسر بها لدرجه سياره ما إستخدمها كم شهر خسر بها 10 آلاف الأهم هو حسن التصرف من أراد الزواج الله ييسر له الأمر ويعينه |
[align=center]أنتم الشباب تعظمون و تهولون أمر المهر و تكاليف الزواج
خذ مثال شاب لديه شقة مستقلة في عمارة والده و المهر فقط 30000 و القصر يكفي استراحة ب 4000و السفر بعد الزواج لمكة وأبها < هذي السفره ما أظن تكلف شي > وتجهيز الشقة يكفي 15000 لكن الشاب بكل بساطة يأخذ قرض ب 50000 عشان سيارة آخر موديل قال إيش لاحق على هم الزواج و المسئولية لا عاد تطرون المهر و تكاليف الزواج لأن المشكلة مو من البنات من الشباب اللي مو قد المسئولية........[/align] |
من رأيي على أهل الولد وأهل البنت (( على المجتمع السعودي عامه )) سوى كان غني أو فقير بأن يبتعدوا عن ما يسمى بـ (( الزواج التقليدي )) ويتبعوا سنة المسمى بـ (( زواج المسيار )) الزواج التقليدي المعظم من الأزواج والزوجات مالين من بعضهم كلن يشكو الملل من الآخر عند الغير يعني روتينهم ممل جدآ جدآ جدآ بعذرهم ولا الومهم دامهم مقابلين بعضهم معظم أوقات اليوم لكن تعالو لزواج المسيار يلتقون مابين فتره وفتره هنا يزداد الشوق لبعضهم ودائمآ البعد سبب من أسباب الوله والشوق وغير هذا وما أراه ما بين الجنسيين العنصر الذي يربطهم أو سبب أقبالهم على هذا الارتباط بأن 99% سببه الجنس من كلا الطرفين وزواج المسيار تتوفر في هذه الصفه من كل مجاميعه وكمان أحلا من الزواج التقليدي بسبب عدم الأكثار منه كل لحظه وكل ساعة وهذا فيه فايده لمن لديه أشغال وأعمال يخلص شغله سريع سريع على الطاير ويمشي كلا الجنسيين تعمهم هذه الفائدة دون قطع جنس عن الآخر |
اقتباس:
ما عندك إلا هالقاعدة أنتِ ما الومك دام يدفع لك مهر وتوكلين وتشربين عسى أقرب الناس لك يمر على مرحلة ممن لم يقدر على الأقبال في هذا الزواج |
اقتباس:
عسى بس ما تكلفتي وأنتِ تطرحين هذا الرأي حساباتك هذي بحاسبه حسبتيها أو بتوليفن منك يعني عن واقع أو تبرئه لبنات جنسك ! |
أنا أتكلم عن واقع
خذ مثال زواجي المهر 30000 قصر الزواج أقصد الاستراحة 3000 و الطقاقات 2500 و السفر لمكة و الطائف ما أظن يكلف شي و البيت شقة مستقلة مع أهله جاب لها الأساسيات و الباقي (مثل الأواني الغير أساسية ) كملناه على مهلنا و حط في بالك إن السكن مع الأهل و الجماعة غير السكن بعيد عنهم |
| الساعة الآن 10:43 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة