|
الخرفنـــــــــــــــة ،،
معنا واحد من الشباب معطية الله موهبة تقليد الاصوات وفي ليلة خميس دخل علينا احد اكبر المراهنين بمنطقة القصيم حيث انة اكثر واحد يراهن ( يعني بالمحلي بزوع واثق ) .... مرة يلزم بالدفع الرهان و مرة يرحم و يترك و خاصة اذا بدأ يوزع ابتسامات صفراء و بدأ بالتمسكن و التلكع و هذا الشخص ما يتوب ابد... زبدة الكلام دخل الرجال ( البزوع ) و قال لي قصة رهانة مع خالة صارت لة قبل شوي و خسر الرهان كالعادة و اخذ منة 100 ريال قلت لة : ابجيب لك المية بس بشرط انك تعلمة انك اخذت 100 ريال منة و لا تعلمة ان لنا دخل بالموضوع قال و قسم بالله اني اعلمة و لا اعلم عنكم يا جماعة انا اعرف خالة جلدة و لا فية امل تاخذ منة ريال لكن نقطة ضعفة الاصوات الناعمة قلت لحبيب قلبي الاول ( اللي يقلد الاصوات ) تكفى كلمة طبعا بالبداية رفض و مع الحاح مني و من ولد اخت الرجال وافق ولكن بشرط ان يكون خارج الموضوع تماما كلمنا على الرجال و تم عمل تمثيلية محبوكة علية و قال خلاص انا هالحين بمركز صيانة لكزس اذا خلصت اكلمك طبعا .... يا جماعة الساعة 10.30 ليلا انا ما ادري وشلون فاتح مركز الصيانة لاااا و النصاب سيارتة فورد المهم بعد اخذ ورد وفي الساعة 1.30 ليلا تم ارسال بطاقة سوا قيمتها تساوي قيمة الرهان 100 ريال - يقال يا جماعة ان هناك ارقام تتداول بين البنات تتراوح اسعارها من 200 – 1000 ريال و يسمى اصحاب هذة الارقام خرفان بين البنات حيث ابو 200 ريال ممكن اذا كانت صاحبة الصوت الناعم محترفة تطلع منة كم بطاقة سوا و اما ابو 1000 ريال هو صاحب هدايا ثمنية نوعا ما و يقال ايضا ان هناك بنات عايشات على هالطريقة و كل مصدر دخلهن عن طريق الخرفنة بالنهاية ترا عندي رقم خروف صغنون اللي يبية ابغى ابيعة بـــ 50 ريال لاني و العلم عند الله ان رفيقنا صار حذر و عندة خبرة . |
[align=right]
ياحبكم للشرافة والتطنز بخلق الله يالاسترليني ,, تدفعون نص اعماركم وتتشمتون بالناس ,, بعدين هاللبنات عليهم اساليب ماتخرش الميّة للخرفان ,, اتمنى طرحها لنا لكي يتم الاستفادة منها مستقبلا ,, بعدين بيني وبينك يالاسترليني ابيك ترسللي الرقم وماعليك ففتي ففتي ,, تخبر صوتي زين ويأهل اسدح لكم كم خروف بالليلة وعند وكالة لكزس مايحتاج يصبر الين 1 ونص بالليل خخخ ,, فوووتك بعافية يالشروووووف ,, [/align] |
[align=center]طيب اذا شحن لي بطاقه علما ان البابا ماقصر
وش اسوي به<<مُبتدِاءه ووش يقولون اذا كلمو الخرفان غريب امرهم كل يراء نفسه الكاسب بوركت [/align] |
[quote=علشانك بس;2322911][align=right]
اقتباس:
ترانا نيتنا زينة يا علشانك نبية يتوب و يعقل و يترك عنة هالامور الخايبة ثانيا ناس ليلة جمعة مجتمعين وفاضيين لا شغل و لا مشغلة ما غير حش بخلق الله قلنا نطور اسلوب جديد من اساليب الدعوة و النهي عن المنكر اقتباس:
الرقم موجود بس اذا كنتي جازمة بة خروف كبير يعطي طقوم ذهب بس مشكلتة ما نقدر ندخل علية الا عن طريق زواج المسيار وانا جالس اخطط علية نبي نقلد صوت خطابة و نزرف منة المقسوم علشان يعقل و يلتم مع ام عيالة اذا انتي ناوية تشاركينن خلين اخطط و اوافيك بعدين بتفاصيل الخطة ( ف ق ) << هذي رمز العملية القادمة لا تعلمين احد |
ياما ناس خقت وياكثرهم اللي مسوين فيها روميو:confused: واحد من الربع جى لمي قالي صدق انا فيني اشباه تركيه<<ملعوب عليه:d1: قلتله ياابو الشباب شايف خشمك وش كبره:e8: قال ايه قال تركي استغرب من اللي قلبه سابتكو:( تصدقون فيه يقولون حب حراتهم كلهم صبيان وبنات:a2: |
الرياض: قضايا سعودية
انتشرت في الفترة الأخيرة تجارة فريدة من نوعها بين الفتيات في كثير من مدن المملكة تتمثل في بيع قوائم بأسماء وأرقام هواتف بعض الرجال الذين يُسمون بين شريحة كبيرة من الفتيات بـ(الخرفان) نسبة إلى ظاهرة (الخرفنة) والتي هي عبارة عن استغلال الفتيات لهؤلاء الرجال عبر المكالمات الهاتفية للحصول على الهدايا و الأموال وبطاقات شحن الهواتف الجوالة. وتراوحت أسعار القوائم بين 200 و 1000 ريال فيما تم تقسيمها إلى أنواع مختلفة فأقلها سعراً تلك التي تضم أسماء وأرقام الأشخاص الذين اعتادوا على تزويد الفتيات ببطاقات شحن أما أعلاها سعراً فهي قوائم تضم أسماء بعض كبار رجال الأعمال والتجار الذين يمكن للفتاة أن تستغلهم للحصول على هدايا باهضة الثمن دون أي عناء .. وقد وقفت (وكالة أخبار المجتمع السعودي) على الظاهرة وتحدثت مع عدد الفتيات و بعض المهتمين للتعرف على أسباب انتشار هذه الظاهرة فكانت البداية مع (رنيم خ ) وهي طالبتنا بعدم الإفصاح عن أي شيء يخص هويتها حيت قالت: "أنا إنسانة وجدت في هذه التجارة دخلاً جيداً يساعدني على تكاليف الحياة, ولا يهمني ماذا ستفعل بالقائمة من اشترتها, فهذا شيء يخصها وحدها" |
اقتباس:
الشغلة ما تبي شئ يا ايفل كلها بطاقة سوا بدون اسم و اشتغلي على هالخرفان تراها مكسبة و يمكن فيها اجر ثانيا اي كاسب يا بنت الحلال اقولك لو الخروف اللي لعبنا علية يشوف خوينا اللي يقلد الاصوات كان يتوب و يطلع امام بمسجد وكالة لكزس خخخ |
والتسينه ...؟ >>نسبة إلى التيس.. وش يسون فيه ذآ .؟!
طيب عندي مصطلح ثآني .. اسمه العنزنه للمتوحشين اللي يشفطون جيوب المعيز البريئآت .؟! ينفعـ وإلا الحظيره مقتصره على التيووس ...! |
هلا وغلا بالإسترليني ,,ترى الهمزه اللي فوق اللام غاثتن تكفى عدلها .
بخصوص الخرفان ياكثرهم بمنتدانا ,,أعرف لي كم خروف بالمنتدى أكلوا من حركات الخرفنه والمشكله إن اللي سحب فيهم أعضاء بمعرفات أنثوية . واحد من هؤلاء الخرفان يحدثني شخصيا يقول : لاحظت إن هالعضوه تطارد وراي وقلت ياولد يمكن ترفس علي وأنا ياغافل لك الله ..المهم بشك مع البنت (قصدي أبو شنب اللعين) وبعد أخذ ورد وحب ورومانسيه يقول : بدأت الطلبات ....بطاقات شحن وهات يامغفل وبالنهاية إكتشفت إنه صعلوك حرامي لعب علي . قلت له : تستاهل يامغفل . تصدق يالإسترليني قبل سنة حصل لي بالمنتدى مثل هالموقف لكن يقال (العاقل من إتعظ بغيره) وسحبت عليها لأنها تستاهل سحبة السيفون فوق دماغها اللي ماتختشيش. على فكره ترى الخروف اللي أنا أقصده موجود معنا بالمنتدى بس محرجني ماأعلم عليه. |
[align=center]
الإسترليني .. مجتمعنا مجتمع عاطفي جداً .. الأصوات الناعمة و الأهازيج الأنثويّة تؤثر به .. ناهيك على أن ( النقاب ) يعمل عمايله فيهم ..! للأمانه أبدعت في هذا المسلسل الرائع .. تحيتي لك[/align] |
... الإسترليني .. رفيقك ذا البزوع اللي كل متر يراهن واحد ذكرني بواحد من الشلة نطلبه تريلة من المكيرش وحوش تيوس و17 كرتون دجاج وشبك حمام ونقوله متى ...؟؟!! يقول بتلاقونها بالوصية ...:e5: |
الاسترليني 00
خله على ربك00 المراجل تضيع أمام الصوت الخاثر 00 يعني مشكلة يلعب علينا بالشكل والعباة والنقاب 00ويلعب علينا بالصوت بعد ! يعني كود نغمض ونسد اذاننا بعد ! أجل بعذر اللي الحين اول ما تتصل عليه وحده رقم غريب يبادرة لو سمحتي اشحني لي وخلي اشوفك ولا الوجه من الوجه ابيض 0 لكن يبي يروح فيه اللي يطب على الحايض والمرضع من الغنم ولا عزاء للخرفان0 |
[align=center]تصدق ياقلبي اني اعرف واحد شغلته المصريين والهنود يسحب فيهم بصوته
قسم مره بيوم شحن بقيمة 1700 ريال ومرة واعد هندي ويوم وصل له مسك الهندي وربطه بوسط الشارع وفصخ ثيابه وماترك عليه الا اللي يستر عورته بس واخذ فلوسة وكل شي معه حتى جواله يقول ابربيه علشان مايتميلح على سعودية مرة ثانية ههههههههه[/align] |
اقتباس:
حياك الين اليوم رفيقك ملعوب علية بمقابل لا و تلاقية مقيول لة انك تشبة مهند بس عاد استحى يقولك لانها شكلها قوية شف يا قلبي يا كثر اللي قلوبهم تاكسي يمشي و يشيل الله يكون بعونهم والله انهم يرحمون بس عاد وش تسوي |
اقتباس:
قصدك التيسنه وليس التسينه يا الديماسة انا اتوقع هذا المصطلح ما يمشي حالة لعدة اسباب اهمها ان مستوى التفكير لدى التيس اعلى من الخروف و هذا يخل بالمفهوم العام حول فكرة التسمية للاشخاص المستهدفين بالاضافة ان التيس مشهور بالفحولة و هذا ايضا ينافي المفهوم المقصود لان اغلب هؤلاء الخرفان لا يطالون سوى الدفع و الخسارة . بالنسبة للعنزنة ما تحضرني قصص حول رجال ضحكوا على بنات ( سحب اموال منهن ) فاذا كان لديك قصص عن رجال ضحكوا على عنزات وذلك بالتكفل بمصاريف الرجل على حساب تلك العنزة و حينها يمكن ان نبحث عن اسم يناسب تلك الظاهرة |
| الساعة الآن 10:01 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة