|
مطاعم العوائل ومايحدث بها من مهازل ياخسااااره بس ؟؟؟
[align=center]بسم الله الرحمن الرحيم
مما لا شك فيه هو انتشار المطاعم العائليه في بريده والتوجه الكبير لها من قبل المواطنين والمقيمين ولك هناك بعض المطاعم تشترط ان يكون دخول العائله مع محرم ولكن مطاعم عمـــــــــــو حمزه فيها شي عجيب يسمح للعائله بالدخول بدون محرم وماحدث يوم الخميس الماضي دخلت المطعم مع زوجتي الساعه 10.40 تقريبا فقال لي احد العاملين تحتاج الا 30 دقيقه حتى تستطيع الدخول لاحد الكباين الموجوده في المطعم وكان هناك جلسه في النص من دخل المطعم اكيد يعرفها وكان هناك زحمه فضيعه اكثر من 13 امرأة لوحدهن ومعهن بعض الاطفال فقلت هناك زحمه قال لي هذه عائله واحده لاعليك سوف نجد لك جلسه قريبا المشكله ليست هنا بل بالفوضى التي تحدث من تعامل النساء الموجودات مع الموظفين بالمطعم من حيث التحجج بالطلبات كل شوي تسمع وحده تنادي تقول بكل سخريه وصوتهامسموع (ياعمـــــــــــو حمـــــــــــزه واحد ماء )كررتها اكثر من مره والتعليق عليها من كل جلسه فيها نساء فقط المصيبه هي انه اذا جاء ينادي في الخارج تتفآجى بقولها له ادخل وانزل الماء او غيره على الطاوله والضحكات في كل مكان وفي الختام اتمنى ان تكون هناك رقابه في هذا المطعم والتشديد على الدخول بدون محرم ومنعهم ودمتم بود [/align] |
[align=center]ماشفت شي يالحبيب ..[/align][align=center]
إذا هي على كذا ابد خلهم على اللي هم عليه .[/align] |
يا رجال قله الحياء كثر خاصة من العنصر النسائي وخذ هذا الموقف :
ذات مرة طالع انا وزوجتي الى النخيل المهم دخلت زوجتي محل فيه نساء بكثرة وجلسة انا عند الباب كي إذا أعجباها شيء نحاسب والا تطلع وأنا ماسك أبني الصغير أتت فتاة من خلفي لتمسك بإبني وتقترب مننا وتقول له يا حلوووووة بابا اللي جنبك كم رقمه ؟؟؟ قم السخافة والغباء هل يوجد رجل متزوج محصن يريد فتاة ساقطة مثلك ؟؟؟ لاأتوقع (اللهم إحمنا وزوجاتنا وأخواتنا وبناتنا وأمهاتنا من الفتن وماظهر منها وما بطن ) |
من راقب الناس مات هماً
|
هناك بعض المطاعم تشترط ان يكون دخول العائله مع محرم ولكن مطاعم عمـــــــــــو حمزه فيها شي عجيب يسمح للعائله بالدخول بدون محرم طيب عادي وش المشكلة اذا ذهبن مجموعة من النساء او البنات للعشاء في احد المطاعم العائلية ... اليست المطاعم العائلية عبارة عن كابينات منفصلة عن بعضها وتوجد فيما بينها سواتر ..خلوهن ينبسط ... |
[align=center]ههههههههههههههههههههههههههههههههههه
صراحه ردودكم روعه الله يستر على المسلمين الف شكر تقبل طلتي[/align] |
ليتها على كذا فقط, المشكلة إذا دخلت الفتاة مع غير محارمها إلى هذه الأماكن !
|
اكبر همومكم دخلت بدون محرم ولا مادخلت
مكان عام وش المشكله وقلتها جمااااعه حريم 13 حرمه يكفون بعض وممكن تجي وحده مع صديقها وتقول محرم ويحصل مالابالحسبان قال ايش بدون محرم ياشيخ فيه مشاكل اكثر من كذا وانت تقول محرم |
مرة رحت بامي وخواتي لمطعم ماكدونالد , اللي جنبنا بالكبينة رجال ومعه وحدة عاد البنت من قوة الضحك الهستيري اللي طالع منها تقول شاربة شي ( الله يجيرنا) والرجال مبسوط مسوي خفيف دم يغني خمس الحواس وهي تكمل الاغنية وتكركر ويوم دخل عليهم الهندي جايب الطلب تسمع كلام البنت مغير تجديع كلام على الهندي وبصوت عالي البنت مسوية تفت فت بالذب والدب اللي معه يكركر بشكل مخجل ,,
والله العظيم ان أماكن العوائل صارت أماكن مشبوهة لملتقى الخلان لشباب صايع وبنات بايعات الدين والاخلاق والعادات ,, عاد ماجلسنا عشر دقايق الا وحنا طالعين , حتى ماكملنا الوجبات من قلة الأدب اللي شفناها , وربي الاجانب مايسوون كذا , لكن عنز وطاحت بعبس والله يحفظ ماتبقى من الطاهرين والعفيفات |
اقتباس:
اللهم اهديهن ... واصلحهن ... اخي كاتب الموضوع ... مالعيب في ذلك ... الحضور للمطاعم بدون محرم ... ليس مشكلة إلم يكون فيها تبرج بالحجاب ومع مجموعة نساء ,,,, وهل تضمن كل من دخلت معها رجل ... يكون محرم لها ... لاظن ذلك ... وأن كان في الكثير من النساء فيهن الخير... عالج مشكلة ... سوء الادب ... وعدم الإلتزام بالهدوء في اماكن يكون فيها رجال دعواتي للجميع بالهداية ... |
لاحوول ولا قوة الا بالله
|
الله يستر عليهم
هذول بنات قليلات ادب والا الوحدة لجت تروح لمكان عام تلزم الصمت وان تكلمت تتكلم بهدوء وبعدين مين قال لك ان كل مطاعم بريدة لازم محرم مرة حنا رحنا لمطعم سينيز انا واهلي وبنات عمي طبعا حريم وعادي ماقالو شي ولا فضلونا على الناس لاننا حريم بس والحمدلله الواحد مخالف يوح لاي مكان بدون محرم بس اهم شي مايقل ادبه مثل اللي تقول عنهم |
الله يعافيك لا تدقق مره
|
مجموعه نساء بمطعم عام وداخل كابينه خاصه ماشوفه يستدعي الشجب والاستنكار :) واذا على تعاملهن مع عامل المطعم ،، فهو نفسه تعاملهن مع عامل محل الاقمشه والادوات المنزليه والمكياج ... الخ واذا على قله الادب ماوقفت على روحه بنات لمطعم :) لاتكبرون الموضوع وهو مايستاهل وبالعافيه عليهم لو انه متاخره :) |
السلام عليكم ورحمة الله وبركاته
لا احد ينكر ان في هذه الايام كثر الفسق من جميع الاجناس وكذلك قل الحياء من الجنسين لكن لاحظت من الردود فقط كلاً يقول ما حصل له ولم اجد من يطرح حلول ولم اجد احد يدعو لهم بالهداية والصلاح نسال الله لنا ولهم الهداية والصلاح الكاتب لم يطرح موضوعه الا لتنبيه لا لتشمت نريد حلاً واراء منكم لا مواقف حصلت لكم تحياتي لكم |
| الساعة الآن 10:36 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة