مجتمعنا يفرق بين الاولاد والبنات !!
 

السلام عليكم ورحمه الله وبركاته .. اولا .. احب اقول اني سعيده بانضمامي للمنتدى ..
بما اني انظممت لكم حبيت اذكركم بشي يتساهل فيه معظم المجتمع قاهرني ... وهو تفرقه الاباء بين الاولاد والبنات
واللي يقهرني زياده انه نادرا ما احد يتكلم عنه مع انه فيه حديث عن النبي صلى الله عليه وسلم نهى عنه ( والله ما اعرف الحديث بالظبط لكني قريته ) والمشكله ان الاباء والامهات هذولا << المريظين يقولون انه ما فيه فرق بين عيالنا ... واننا نحبهم كلهم زي بعض و هم سامحين للولد يتكي بغرفته و ما بقى قناة بالعالم مب عنده يتفرج على اللي يبي ... والبنت غاصبينها على قناة المجد مبلمة فيها ما وراها الا ذالشيبان المنشدين << اللي يقعدون كم اسبوع وبتحولون مغنين .. والولد معطينه جوال من قبل لا يعرف ينطق زين وما يوصل المتوسط الا وهو مكلم كل بنات خلق الله والاهل دارين بس ما يقولون ولا كلمه .. ليش ؟؟ لانه ولد ... ما منه فظيحه ... يعني هم ما همهم الا الفظيحه .. ما همهم انهم يربون عيالهم تربيه اسلاميه .. واللي قاهرني زياده كيف يعاملونه الاب والام كانه هو الامر والناهي بالعائله ... يشرف على خواته الظعيفات كانهم دبش ما يعرفون مصلحه انفسهم ولا خرفان يبيلهم راعي ... واصلا اساس الخطر في المجتمع هم العيال ... هم اللي يغازلون وهم اللي يخطفون بنات خلق الله وبالنهايه لما ينلعب على البنيه المسيكينه يصير كل الغلط غلطتها ... والولد وينه ؟؟؟ محد يدري ... ما كأنه سوا شي ،،، والبنت هي اللي يصفقونها اهلها ويتبرون منها .. والناس يقولون بنات الحين مدري وش فيهم ... طيب ليش ما عمركم تكلمتوا عن [mark=#3366ff]عيال الحين[/mark] ... وكل ما القوا محاظرات عن ذا الموظوع القوها على البنات كأنهم هم اساس البلى وهو اصلا اساس الفساد في المجتمع هم العيال .. واذا بنت غازلها ولد قالوا هي ما تسترت ... الحين مين اللي مغازل مين ؟؟ ... ووين غض البصر اللي امر فيه رسولنا الحبيب ؟؟ ... ما اقول الا الله يهدي ذالناس المتخلفين اللي عايشين حياة الجاهليه وهم بالقرن الواحد والعشرين .... ادري ان الموظوع طلع عن عنوانه الرئيسي ... لكني تحمست ... وش اسوي !! ... مقهوره من ذا المجتمع ..

مشكورة ايمو على الموضوع الرائع بصراحة مرررة عجبني وعلى قولتهم يمس الوتر الحساس ..اما (ذا الشيبان المنشدين)>>فقعت عليها من الضحك:18[1]:
ننتظر المزيد اختي امو:17[1]:

الله يعينك ياخيتي على الدنيا وسعي صدرك موضوعك بصراحة يضحك والله العظيم 000هالحين وش جاب سالفة المنشدين الشيبان والمغازل 0000وأيضا موضوع التفرقه بين الأولاد 000الله يكشف همك00

يا خي انت لا تدقق ... طلعت كل ما في جعبتي بموظوع واحد خخخخخخ ..
لكن الصراحه ما اهتم كثير ... لاني طالعه من ذا المجتمع بعد سنتين انشالله .. واخلي الناس المتخلفين بتخلفهم ..

على وين خذيني معس

حياك الله يا سوبر جونيور بكمل دراستي برا اذا ربي يسر ... تجين معي بس على شرط .. ما تتزوجين سعودي لانهم ما يستاهلوننا وانا احبك في الله وما ابي لك الشر ( بالزواج من سعودي ) ..

اسفه يا الريم راح احتفظ بهذا لنفسي ... واسمي إمو مب أمو ( يعني الهمزه على تحت ) ..
لماذا تتكلمين للغه الفصحه ؟؟: Ps*

نظـرتك للمجتــمع سيئه للغــــايـــه..

مو كــل أبو أو كـل أم مثل ماتقوليــن .. لا ياحبيبتــي..

ناس عن نـاس تفـرق
وانا مااقولــك أن ذي الاشكـال مو موجــوده ..فيــه بس قــله ونادريــن..

يعنـي الشعب السعوودي اللـي جالسه تتكلميـن عنه وتذميـن فيه ..
تغير الحيــن..والله مو مثـل أول ..

والله النــاس الحين صارة تفضــل البنت عن الولــد أو نقوول مافـي فرق ..

لان الفرق اللي تقوليــن عنــه قدييييييم .. والحين البنت والولد سوا سوا .. مافي فرق

وعلى العمووم أشكرك على الموضوع .. وأتمنى نظرتــك تتغير عن المجتــمع السعودي ..

{{ والدنيــــــــا للحيــن بخيييييير }}....

وإن شاءالله للأحســـن ..

يعطيك العافيــه.. تقبلينـــي بكل صدر رحــب..

{} الأسيــــ بنت ـــاد {}

اهلين يا امو انا والله بعد ابهاجر معك ونخلي كل النا س المتخلفين هنا ونشب بهم بير غوار علهم الحراق هم وزيته هاللي ذابحيننا فيه <<

والله ياختي زي ماتقولون الشر يعم والخير يخص يعني الأهالي اغلبهم يفرقون بين عيالهم ..
زي ما البنات سبب الفضيحة كلها والمصايب وبعدين ليش مانتكلم بشكل منطقي الحين الاغلبية يفرقون بين عيالهم وصاير زي ماتقولين فطرة او غريزة تربوا عليها هذا اولا ثانيا ليش الحين قايمين علينا (انا ماتكلم عن نفسي انا اتكلم كبنت في مجتمع سعودي)يلاحقوننا عشان نتغطا ونتستر طيب ليش ماتلاحقون هالعقليات المتخلفة اللي صايرة زي عقول الجاهلية مابقى الا يدفنون البنات وهن حيات ونصير زيهم؟؟!!
هذا اللي أمرنا به الرسول !!وين الدين ؟الدين عندكم غطاء وملاحق شوفوا عقليات المجتمع كيف صايرة ..انتم ماتشوفون الا البنات وتاركين وراكم اعظم شي نهانا عنه الرسول وين كلام المصطفي _صلى الله عليه وسلم-(فإني قد تركت فيكم ما إن اخذتم به لن تضلوا بعده) !!!!!!!!!

تعجبييييييييييني يا شخابيط بنات ... الله يكثر من امثالك ويقوينا على العيال ..

اسفه يا بنت الاسياد ..... لكن انا عارفه انه حتى انتي جواتك ما تصدقين الكلام اللي تقولينه .. لانه مب صدق و كلنا عارفين ان المجتمع يفرق بين الاولاد والبنات حتى لو بعض الناس قالو العكس ... واتحداك تكونين ما تعرفين ولا واحد يبغى اول طفل له ولد << وهذا اشد انواع التفرقه .... مع انه ذا الحركه قديمه بس الى الحين موجوده عند السعوديين ( يعني ما فيه شي يعتبره المجتمع هذا حركه قديمه ) ...... وراح اغير رايي بالمجتمع لما يتغير هو .. ^ـ^