|
باااااااااااريس نجد >>>>وشارع الشانزلزيه
بسم الله الرحمن الرحيم السلام عليكم ورحمة الله وبركاته الاسبوع الماضي حضرت لبريدة لتغيير الاجواء وبعدها قررنا الذهاب لعنيزة ايضا لتغيير الاجواء,,, وكان مقصدنا مزروع عنيزة مكان رحب وواسع ونسناس الهواء العليل يحيط بك من كل جانب,,, جلسنا في الجهة الشمالية تنظيم وهدوء جيد >>> وعند المغادرة حوالي الساعة الثانية عشرة ليلا>>>اكيد ليلا اجل بعز القايله والله لو اني ضب !! طلب الاهل ان يشاهدوا المحلات الصغيرة والموجودة في الجهة الاخرى على الشارع الرئيسي ,, مكان تغص به العوائل والسيارات لانه حسب علمي وممن ارشدني من الاصدقاء في عنيزة انه قسم للعوائل وفي الجهة المقابلة قسم الشباب وما يفصل بينهم سوى شارع عمومي. لاحظت اصوات الدبابات في كل مكان ازعاج و تزاحم وخيول الله يستر لا تتودس ببطون الاطفال !! استعجلت الاهل للمغادرة لان ما رايته حز في نفسي الا وهو وجود شباب بكثرة يقومون بمطاردة الفتيات >>>هاذي مقبوله اشوي!! الاغرب اني شاهدت فتيات يقمن بمطاردة الشباب بعدها اتصلت على صديق لي من عنيزة وقلت ماهذا الذي لديكم انا في المزروع فقال لي: شفت الزحمة ؟ قلت والله زحمة بس وش هاللي عندكم؟ .. قال لي وبدون ان اخبره شوف ترى المكان هذا بلاوي متلتله مواعيد غرامات و غير السحر والازعاج و دائما ماتحدث قضايا ... قلت اشوف الشباب هربوا للجهة المقابلة الظاهر الهيئة توها تجي قال لي :هذا بنسميه شارع الشانزلزيه !! وهذا كلام نقلته من احد المنتديات صحيح هذا الكلام انا حصل عندي موقف قداااااااااامي بنت تكلم شباب لا تعرفهم ولا تقرب لهم ولا شئ هي كانت تمشي والشباب جالسين وتكلمهم عن شعر رأس واحد منهم انه كدش او ما الى ذلك بس المفروض انه ما يغلق المفروض العوائل لهم مكان مغلق او انه كله يكون حق شباب لان العوائل كل شئ لهم دريم لاند لهم وايس لاند لهم حديقة الحيوان لهم كل شئ وحنا يا الشباب وين رحنا بس بر مليييييييينا http://www.shababonaizah.com/images/smilies/0015.gif _________________________________________ اشوف على دعايات اسواق (جيان) بعنيزة- وصف لموقعهم انه يقع بشارع الداليه http://onaizah.net/majlis/images/smilies/05515[1].gif وشو شارع الداليه ,, ؟؟؟؟؟ هل يقصدون شارع الحيالة وكتبو بالغلط : الداليه طيب ورى ماسموه (الشانزليه ) علشان يناسب مسمى باريس نجد لييت من يفيدنا عن مسمى هالشارع (الدليه ) هل هو اسم معتمد او خطأ مطبعي ان كان معتمد فبنظري انه مهب لم درب ابدابد لكم الراي ومن سمع ليس كمن رأى الله المستعان كيف يحضر الشخص اهله ولا يعلم ما يحدث لهم استغرب عندما يقوم اناس بحماية اغنام او كثبان رملية (نفود) وينسى بحماية عرضه!!... اترك لكم التعليق |
عادي مافيه شيء غريب إنتو لساتكـم بدونجيه :4_1_102[1 باريس نجد وبدكم تكون أماكن الترفيه مسوره ومغلقه يعني الشباب المساكين بمكان والعوائل بمكان تاني هههه ماعشت بالمدينه يابرق تشوف البلاوي بحق وحقيقه حتى الهيئه مالهم مكان ولا هيبه <<تتمنى امنيه تواجدهم بأسواق الراشد حسبي الله عليه خليكم بالبراري انقى واطهر وافضل :d ياحليلهم عنيزه تطورات والله بجد خسارتها تحيتي |
اهلا فيك وورد المدينة مرتن ثانيه
والله انا اشوف الوضع من زاوية اخرى نحن الى متى نعتمد على شي اسمه هيئة احس الناس تغيرت واعترف لك ما اشفت الشجاع اللي ينهى عن هالامور انا لا اعمم مدينة عن اخرى هذا شي شفته وحبيت اقوله هالشي يحصل بكل مكان ويحصل بالحضاري وبالنخيل بلازا وفي قلب بريدة لكن اللي اشوفه انا هنا فيه كثير من اهل الخير ناس تطوعت للأمر بالمعروف من غير الهيئة بسوق بريدة مرة نزلت مع اهلي مر هذاك الطيب وبأعلى صوته تستري يابنت الحجاب ياخزياه بس والله اني استحيت وانا مالي دخل !. بالمدينة هناك كم جاليه وكم فئة مدينة مفتوحة للجميع !! لكن ما رأيته بالمزروع شي اخر ووالله ان هالشي بدأ بتحليله نفسيا >>>دكتور صاير!! هناك عوائل مستورة جالسة بين هذه المشاهد لدرجة الشاب اللي ما يفكر بالامور هاذي احساسي انه يتشجع ويفكر انه يجرب مجرد تجربة بملاحقة الفتيات او بالترقيم والله شباب رايح جاي على حد المحلات ولا كنهم بمسعى وعيونهم قوية يجلس يناظر في البنت من فوق لتحت ولا يشيل عينه لدرجة اشوي ويصدمني مو لم طريقه ,,, والله احس انهم كالضباااااع اللتي تبحث لها عن فريسة ضعيفة او مصابة بمرض والحقيقة يحصولون والطيور على اشكالها تقع .. الشباب مروا من عند فتيات >>الفتيات طلعوا الجوال يعني البلتووووث ياولد !! غير اللي جت ومسكت جوال الولد وكتبت رقمها بجواله ومشت عاد هاذي قوية مشا ء الله عليها >>>انا شفت الحركة هاذي وين >>ايه ببريطانيا وفرنسا والله تطورنا |
اقتباس:
يوووه يابرق دحين مافيه شيء اسمو تناصح ولا حتى تربيه كل واحد عايش حياته بكيفه حتى الأب والأخوان مالهم حكم على البنات والله يابرق البنت تروح لأي مكان وبأي وقت وتلبس اللبس يلي على مزاجها وابوها واخوها مايسألوها فين رايحه وايش لابسه وتكلمي مين ومصاحبه مين بدكـ مين ينصح الأب والأم فلتانين اولادهم والكل يتحاشى المناصحه معتمدين على (هما عارفين يلي يعملوه غلط ليش لحتى احرج نفسي معاهم) مع العلم المناصحه بدها علم ودين وحكمه ولين ولطافه مش كل من هب ودب ينصح بطريقته فهدي تعتمد على مدى تقبلهم للنصح مين بيوقف هدي الحالات غير الهيئه والله لولاها كان اصبحت مدن المملكه شيكاغو ونيويوركـ لذلكـ لازم ولابد من تواجد الهيئه بكل مكااااااااااااااان وجودها تحد من مشاكل الفتيات والشباب يلي كل يوم نسمع فيها ومن بلاويهم تحيتي |
اقتباس:
ايه هذا اللي ضيعنا ايه تطورنا وصرنا بباغيس ما طلعت المشااااااااكل الا يوم تطوروا فيه مواقع اخباريه قريتها اليوم كلها مصايب ومشاكل بنات وشباب اللي هاربه مع شباب من شهور ,,,, واللي تدوج بالسوق ومطلعه عصاقيلها كنه طير ماء !! عارف حنا السبب طيب شفنا اشيا غلط ليش نستمر والله انا بشوف اخر التطور وش يصير يعني لازم الواحد يطلع قفته ويوري الناس انه مايهمه شي او يهمها شي عشان يحسون بالتطور ولازم البنت تطلع على كيفه وتهرب مع حبيبها عشان تحس انه طلعت على الدنيا بس حلوة الحركة الجديدة ان البنت قدام العالم اللي تناظرها تاخذ جوال الشاب وتكتب رقمها وترجعه له... هذا اللي خلاني احس اني بفرنسا لولا العبايات الل اشوفه قدامي عبايه بس للتكشخ كنه لا بسة قناع عشان ماتنفضح نسيت شي فيه حركة بعد ليش ما تفكر البنت انه تردف مع الشباب اللي يدورون بدباباتهم ... او ليش ماياقفن على ناصية الطريق و تحط الجوال على عباتها >>والله فيه بنات ودهن يعني كلمة اتحداك تلمسني و واي لاف يو قديمة اشوي. خلاص اكل عليها الدهر لازم يطلعون صرعات جديدة ياعلهم الصرع:36_1_3[1] |
اقتباس:
من قلبكـ طالعه :4_1_102[1 اقتباس:
عندنا شاب فاتح له كشكـ بأحد المراكز الكبيره المعروفه يبع اكسسوارات الجوال لو تشوف زحمة البنات عندو العالم تروح علشان تتفرج كأننا نشوف فيلم سينمائي ياكتر معجباته لانو جميل يتزاحمن البنات عليه خخ تعال شوف الباقات جميع انواع الورود وبجميع الوانها يهدوها له وهوا مبسوووووط معاهن ولو بدكـ تروح تشتري من عندو ماتعرف هوا يبيع ورد ولا اكسسوارات ههههه اتخيل يابرق له سنوات وهما على دا الحال مافش تغيير لاهيئه تجي تضفهم وتشيل قشه ولا يحزنون الدنيا عجيبه يابرق كل يوم نشوف العجب العجاب ولا يلي يتبادلو بلوتوثات بساحة الحرم هه ماأقول الا الله يهدينا واياهم لطريق الخير ويثبتنا على دينه تحيتي |
مزروع عنيزة ..
كنت فيه يوم الخميس الماضي وبالفعل فوضى الشباب ذو الأشكال الغريبه منتشره هناكـ للعلم إنه لأول مره تحصل فيه هذي الفوضى بشكل كبير وإلا المكان المخصص للعوائل مايدخلونه الشباب كان فيه هيئة ملازمه لذاك المكان لكن الخميس الماضي ماكو شي إلا من بعد الساعه 12,, |
اللهم حوالينـــا ولا علينـــــا , اللهم على الآكــــام وبطون الأودية وش ذالي نقرآهـ ونسمعه , الله يستر لا ينتقــــل هالفـــــايرس لبريدة , ياليت نمنع الهواء الي جـــــاي من هالمزروع بلاوي . |
اقتباس:
صدق ماعمري سمعت ان بنت اهدت وردة لامها >>> ما يليق فيها الطيبة |
اقتباس:
انا احس انه اول مره تصير >>>ياللي طااااااابه مرتن ثانيه >>>تكفى تعال :a1: صدق من وين هالشباب واللي يبيلهم جيش مع الحرس الوطني مع الدفاع المدني عشان يردونهم !! مشكور على الدعم والاستشهاد مششرفتنا بنت البدائع |
اقتباس:
اللهم آمين عاد اذا جانا الفايروس وين نروح >>>> مافيه مصل له والله يا انفلونزا الخنازير اهون !! الله يطولنا بعمرك على الدعاء ياابو احمد |
سلمت أناملك اخي على ماطرحت ..فهو موضوع بغاية الأهمية.. ومثل هذه الترهات للأسف لايفتخر بها. فهذا واقعنا ..تقليـــد أعمــى..!! فالشباب..يتجاهلون رقابة الله لهم..وكرامتهم كرجال. ومشكلة البعض من الفتيات..تنسى الحيـاء والعفه الذي هو زينتها.. وخوفها من الله. ولكن تبقى تربية الوالدين من المؤثرات العظيمة لهؤلاء. هدى الله الجميع لما فيه خير وصلاح. جزاك الله خيرا اخي البرق على غيرتك وحرصك ونفع بك. تقبل مروري ودي واحترامي. |
برق الوسم \
اشكرلك غيرتك وبالنسبة للتجمعاااات والحركااات هذي تكووون في كل مكااان مختلط تجد الام والاب جالسين بزاوية والاطفال مع الشغااالة بزاوية ثانية والبنت او الولد اللي كانهم كبارين عمارهن على 12 13 طاقتن الجووال والجنز ورايح جااي عند هالجحلط اللي الطوول طول النخلة والعقل عقل سخلة وطبيعي كل ساقط له لاقط اشكرك |
اقتباس:
نفس اللي حاصل بالمدينة حاصل هنا ,, فيه شخص بالسوق في بريدة مو جميل بس لسانه عسل ذاك الشات والبنات يتزاحمن عليه كأنه يوزع بلااااش ,, سبحان موزع الأزاق ,, لو هو يمني كان تشوفينه يهش الذبان خخخ ,, ذكرتوني بمزروع عنيزة ,, تصدقون لي كم يوم اقول مشتهية اروح لشي مدري وشو ,, خلاص الوعد المزروع بلبس عباية حمراء عشان تعرفوني ,, وبروح انصح هالسلاتيح والدشير اللي هناك ,, يمكن يهتدي احدهم على يدي ان شاء الله واخذ اجره وأجر البنات اللي يغازلهن ,, |
[align=right]عنيزة بمنطقتنا ما أشبهها إلا على جدة على مستوى المملكة نافذة للانفتاح
الغير مدروس.. المشكلة إن في بريدة ناس واصله العصبية لاذانهم ولا يبون عنيزة تصير أحسن حتى لو بالشر وكل ما زينوا عنيزة شيء راحو يقلدونهم .. أعقلوا خليتونا فرجة مجانية للناس ..[/align] |
| الساعة الآن 08:39 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة