|
المرأة المطلقة والأرملة في زمن الكلاب الضاله!!
لا أعلم من أين أبدأ ولا أعلم أيضا ً ماهي الخاتمة التي أختتم بها الموضوع فسوف أدع قلمي يبحر في سماء الخيال وأتركه يكتب إلى أن يجف حبره فإن جف ليس ذنبي وإنما ذنب المصنع الذي لايعلم بأن القلم سوف ينتهي به المطاف إما إلى الرمي من الشباك أو سلة المهملات أعزكم الله .
نقول وبعد التكلان على الله عز وجل وبعد أن نحييكم بتحية الإسلام فالنظرة التشاؤمية للمرأة المطلقة في مجتمعنا أصبحت هاجس كل بيت فيه مطلقة أو أرملة وكأنها خلقت لتكون فاسدة الأخلاق ونسى المجتمع أنهم يحثونها على الإنحراف وبالتالي طالما العين عليها فهي مراقبة أربع وعشرون ساعة وتحت بيتها يوجد شيخ الغفر إما والدها أو أحد إخوتها فهي تشعر بأنها محاصرة إجتماعيا ً والكل ينظر لها نظرة دونية بأنها المرأة التي جلبت العار لأهلها إذا ًَ فهي تتحمل جزء من هذه المحاصرة التي قد تستمر سنوات . والمشكلة الكبيرة أن التخلف وراء كثير من هذه المشكلات فنجد أن الأسرة مسؤولة مسؤولية كبيرة عنها فالتقاليد لها مالها وعليها ماعليها فنجد يزوجون البنت دون أخذ رأيها ودون أن ترى خطيبها طبعا ً النظرة الشرعية وبالتالي نجدها تصدم في ليلة الدخلة أو نجد أسرة تزوج بناتها لأزواج في سن أجدادهم وهذه هي المصيبة الكبرى فإلى متى يا أخوة ياكرام ونحن نعيش في جهل الجاهلين وإلى متى يا أحبابي نحكم على بناتنا بالإعدام . أما أنت ِ أيتها الأرملة فما نقول لك إلا أصبري وصابري وماصبرك إلا بالله ولا تنظري إلى غيرك ولا يأخذك الشيطان إلى طريق صعب العودة إليه فأحذري أختاه وكوني حريصة أشد الحرص على نفسك أولا ً وعلى مستقبلك ثانيا ً وذلك باللجوء إلى الله في كل الأوقات ويرحمكم الله ويرحم أمواتنا وأموات المسلمين . لكم من أخيكم الجهني اصدق المنى وأعذب التحايا لكم بالعيش السعيد والحياة الهنيئة |
اقتباس:
لكن المشكله لاعشت بمجتمع مايفرق بين الابيض والاسود والحصان والحمار مشكور الجهني ,,,,[/align] |
هذاك أول ينظرون للمرأة المطلقة نظرة تشاؤمية ,,
اما الآن فـلااااا ,, المرأة المطلقه مثلها مثل البنت البكر ,, وبالعكس ماشي سوقها احسن من أي بنت ,, من أول يوم تتطلق فيه تنخطب فيه وتتزوج سيد سيد اللي طلقها ,, وتطلع وتدخل وتخالط الناس ولا كأنها مرت بأي تجربة زواج ,, كلامك نعم حصل ,, لكن هذاك أول ,, المطلقات الآن مبسوطااات وفالاتها ومايبن يتزوجن مره ثانيه ,, يفضلن الحرية والوناسه ,, |
[align=center]وكأنك تقراء افكاري او تحس بمعاناتي !
للاسف ليس من مجتمعي بل من اهلي المجتمع والناس ارحم على من اهلي المشكله اننا نطرح مشاكلنا هنا بس مانلقاء لها حل ومافيه الا حل واحد وهو >>>صعب اكتبه هنا لوجود بعض الارهابيين الجهنى اشكرك من الاعماق علشانك بس صح سوقنا ماشي بس كلهم خشاش شكرا [/align] |
^^^^^^
سندريلا اعجبني كلامك لان البنت البكر سوقها خشاااااش فما بالك بالمطلقة ؟؟؟!!! كان الله في عون المطلقات وحفظهن وحظهن في الدنيا والاخرة شكرا لك ا |
اقتباس:
ادعي ربك وبيجيك اللي يسعدك طول عمرك بإذن واحد أحد ,, بس ابتعدي عن الإستعجال .. والله الله بالإستخااارة ,, وماخاب من استخار ,, والمطلقه راح تنخطب من صنفين من الرجال ,, الصنف الأول اللعابين ,, وهو اللي يتزوج ويطلق وينبسط مع الحرمة كم شهر ويطلقها ,,, ولو يجلس بمجلس ويتحدونه على الزواج من فلانة قال والله ماتشرق شمس ذاك اليوم الا وانا داخل عليها ,, وتصير هالبنت ضحية تحدي ,, ( هذا صنف الذكور ألقريبين للحيوانات بعيشتهم ) والصنف الثاني هم الرجااااال ,, يكون متحمل حرمته عشان عشرتهم وخايف فيها من الله ,, ومايبغى يشتت عياله ,, ويفضل يتزوج ويرتاح ويخلي زوجته ام عياله على ذمته معززة مكرمه ,, ويونس الثانية ويريحها وينسيها معاناتها مع زوجها الأول ,, ( هذا الرجل اللي ينحط على الجرح ويبرى ) وباقي الرجال اللي مااتزوجو ويتقدمون للمطلقه هذولا يااداجين أو يعانون من نقص سواء بمستواه التعليمي ,, أو بالعائلي أو بالخلقي .. أو أو ,, واذا هو كامل والكامل وجه الله .. راح يجيه يوم ويتزوج عليها لأنة بيجرب يتزوج بنت مثله مثل غيره بس صابر الين تزين أمورة ,, <-- باخصه الرجال بخص ,, |
اقتباس:
سندررريلا الله يعينك ويستر عليك ويرزقك الرجل الصالح |
علشانك بس
بصراحه مااستعجلت متردده وخايفه من تكرار الفشل رافضه مبداء الزواج الا يوم غير معلوم ارفض المتقدم لى قبل اعرف اسمه احيانا اقول فى نفسي اصبر لين اتم الثلاثين واتزوج حرام اسلم نفسي شايب من الحين ! والشباب ما اثق فيهم على قولتك واحد لعاب والثاني يبي يأدب زوجته على حسابي بس اللي ابي اعرفه لو تجبر المطلقه على الزواج بيدها حل انها ترفض ؟؟ او تستسلم !! شكرا |
اقتباس:
ليش هو بزماننا فيه رجل ! عشان يصير صالح ؟؟ ولك دن >>>على قولت (خوان بابلو سورين) قصدي( الينــ اليوم ) |
اقتباس:
ليش انتي عايشه مع الرجال كلهم علشان تحكمين عليهم ؟ اذا صار اللي عندك ارخوم لاتحسبون كل الرجال مثلهم واصابعك مهب وحده |
سندريلا ,, اللي خلق السربوت خلق الملتزم الخلوق ,,
الرجال مو واحد ,, الصبر والدعاء والإستحارة خليهم ملازمينك دائما ,, والله يوفقك ويعوضك خير ياقلبي ,, اقتباس:
والأهل بالتأكيد راح يهتمون بالسؤال عن الخاطب أكثر من أول عشان مايتكرر الطلاق مرة اخرى لاسمح الله ,, |
اقتباس:
كفيت ووفيت بالرد.. والشكر للجهني |
اقتباس:
وانا عارفه من مو كلهم ارخوم نصهم والنص الثاني ملاقيف زيك :d4: |
علشانك بس
مشكورة ماقصرتي |
اقتباس:
|
| الساعة الآن 09:51 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة