|
رايكم ؟
السلام عليكم ورحمة الله وبركاته,
لو سمحتوا مابي يفهم موضوعي خطأ . ........................ قبل اسبوع تقريباً ركبت في السيارة بروح للجامعة كالعادة ومعي اختي وعلى غير العادة بنت عمي . واللي تكبرني بالعمر. طبعاً أنا لي 5 سنوات يمكن ماسلمت عليها هذا إذا مانسيت إن لي بنت وهذا طبعاً تبعا للحياة الإجتماعية المغلقة والمتحفظة بطريقة زيادة عن اللزوم.. حتى انها حطت بين الأقارب حزازات لمجرد اني شفت أخت فلان بالغلط!! عموماً مشينا بالسيارة وسلمت عليه طبعاً ولكن الغريب إني كنت مثل السواق كلمات رسمية مبالغ فيها الحديث بالمواضيع يتم بين اختي وهي أما أنا فغير مرحب بي وهذا اللي عرفته يوم عطيت رايي ..بدأت ترد علي عن طريق اختي وكان الكلام لي بطريقة غير مباشرة!!! هذا نموذج من النماذج الكثيرة هنا وش المانع إذا جلسنا كلنا على سفرة غداء واحدة هي بحجابها وغطاها وأنا بإحترامي. ليش نصنع الحواجز حتى السلام وضع له خطوط حمراء! كثير من أصدقائي يدق على بيت عمه مثلاً وترد بنت عمه ! فيسكر السماعة أو هي تسكت واللي أوقله هذا ماينطبق على بنت العم بس .. بنت الخال وبنت الخالة وبنت العمه .. وهذا من جهتي أنا كشاب طبعا لكن تحت كل هالموانع والمحرمات الإجتماعية لإن الدين حث على غض البصر والإلتزام بالحجاب فقط ولم يأمر بوضع الجدران كحواجز وعدم تناول وجبة الغداء جماعة لتناقل الأخبار وكأنني بجلس بخلوة معها حينها! والله أعرف واحد يقول بنت عمي ما سلمت عليه من سادس إبتدائي ونسيت لي بنت عم مادريت إلا عمي يعلن عن حفل الزواج!! والسبب إن عمي لو أرن الجرس شك!!؟؟ حتى إذا بغت تجي لبيتنا عند اختي لازم يتأكد اني موب موجود!؟ ضحكت على صديقي بصراحة لإن الجميع يقول الحال من بعضه ... يكمل صديقي ويقول بغيت أقوله: منسينا إياها عشر سنين وتبينا نحضر زواجها بأي قلب بحضر وبأي حب بقابل الناس وأنا حتى إسمها ناسيه!!!!! |
هذا مجتمعك انا أتعامل مع بنات عمي ببساطة عكس أولاد عمي مع أخواتي
والسبب يرجع الى التربية وطريقة تفكير الأب ، فعلى الرغم من أن عمي كبير في السن إلا أنه كان من المشجعين على التواصل ولكن بحضوره وتحت عينه حتى كبرنا وأصبح كل له حياته وأسرته فأصبح الأمر يسير بسلاسة ويسر..أما أن نأكل مع بعضنا تو الناس.! |
صحيح السبب يرجع للبيئه والتعود
شكلك ناسي انك من بريده .. |
اقتباس:
ياأمي كيف ترتاح ولابسه البلاوي دي كلها والله حاله سبحان الله ماأحد راضي بعيشته اعرف عوائل كتييييييييييييير عندنا عااااااااااادي يقابلو بعض وبكل جلسه رازين الشباب انفسهم طبعا البنات ماعليهم الا طرحه والسلام واساسا مش مرتاحين بهدا الوضع بس مجبورين هه وربي ناس مابعرف كيف عايشين بالنسبه للسلام او الحديث معها سواء بالسياره او اتصلت على بيتهم وردت عليك مااشوف فيها حاجه طبعا بحدود مش كلام ورغي على الفاضي والمليان تحيتي |
كلامك عسسسسسسل ميه بالميه... اؤيدك انا
|
اقتباس:
وبالنسبة للأكل سوا وش فيها الأمر بسيط بس حنا نصعبه ونضخمه بتخيلات سقيمة!!!! |
اقتباس:
لا والله ما نسيت بس حتى لو كنت من بريدة . الدين سمة نبغى نحافظ عليها ولكن بحدود الدين نفسه بدون زيادة أو نقصان |
اقتباس:
|
اقتباس:
|
اقتباس:
|
اقتباس:
|
يا أخ العرب .. إسمع مني بار الله فيك . . ولا تسخر من كلامي فمــا يدريك لعله صواب . . (( قد تكون أنت لست بثقة , لكي تكلم إبنت عمك أو تجلس معهــا كما تقول على سفرة واحدة , فأنــا أمـــامك يوم أن كنت في الرابع إبتدائي قالوا لي لاعمرنـــا نشوفك توزوز عن باب الحريم نحش رجليك , ورضيت وسلمت بالأمر الواقع , بالعكس أنـــا عارف إنه هذا أفضل , حتى ما أتعلق ببنت عمي ثم بعدين أقعد أعض أصــــابع الندم لو تزوجهـــا غيري , الأفضل كل جنس يعيش لوحدهـ حتى يأذن الله لهم بالإلتقـــاء , وســـــاعتهـــا زين الي تقدر عليهـ , صدقني عـــاداتنـــا موووت , لو تفكر فيهــا من الجانب المشرق , وش رايك بالمصريين يرقص مع بنت عمهـ بس , أمـــا الغربـــاء ما يصحش يرقص معاهم , هههههه ذي عااااادااات بالله ..؟؟ عادتنـــا أحس شيء فينـــا صدقني صدقني صدقني .. ولا يهمك الي يقولك أنــا ما أقدر أحتك بالبنــا يوم أنـــا صغير وكذا , لأنه مثل ما قلت لك إنه من مصلحتك , وأنت تحفظ نفسك والنــاس يحفظون بنـــاتهم ونسلم . . |
خخخخخخخخخ والله ياأنت فله ..ليتك ولد عمي:20[2]:
أجل ياخلفهم ودك تجلس أنت وإياها على سفرة وحده والشيطان ثالثكما!!! ..حشى صارت إغنيه . إسمع ياحبيبي البنات ماسلمن وهن متحشمات ومتغطيات مو عاد تبي تجلس معها على سفرة وحده . أقول تعوذ من إبليس الرجيم وإلعنه وبلغ إحترامي وتقديري لبنت عمك اللي ماعطك وجه ولا تحدثت معك فلله درها . |
اقتباس:
وش تبي فيكـ تجلس معكـ على سفرهـ وحدهـ ليس وجهكـ يفتح لها باب من أبواب فتح الشهيهـ لو أعطيت الخيار بنت عمكـ .. تأكد راح ترفض أن تأكل معاكـ على سفرهـ وحدهـ ليس تتغطى وتبهذل حالها وهي تبغى ترتاح في أكلها كلهـ عشان وجهك يـ (( فاتح الشهيهـ )) وأنت وش تبغى تجلس مع الحريم الحين الواحد يتململ من جلسة أهلهـ وأنت بـ تزيد جلوسكـ بعد بنت عمكـ صارت فيها مراجل أفضل منكـ صدق من قال أن فيهـ عوائل حريمها أفضل من رجالها !! أبلغكـ سلامي الحار النابغ من الأعماق |
اقتباس:
مدري انتي تشوفين بس ملاحظ ان هذا الأيام فيه اناس ماعندهم احترام للدين اسأل الله لهم الهدايه الصالحه ويردهم للصواب |
| الساعة الآن 11:58 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة