|
حذاري من التعاما مع مكتب الفوزان للخدمات العامه
السلام عليكم ورحمة الله وبركاته
معاناتنا مع مكتب الفوزان للخدمات العامه بخصوص استقدام خادمه... الحظ السيء قادنا قبل سنتين لاستقدام خادمه عن طريق مكتب الفوزان للخدمات العامه حيث فاجأنا صاحب المكتب بعد انتظارخمسة شهور بطلب مبلغ الف ريال اضافه للمبلغ الاساسي ثمانية الاف وهدد بعدم احضار الخادمه في حالة عدم دفع المبلغ الاضافي وبعد وصولها طلب اجرة احضارها من مطار الملك خالد الى بريده؟؟؟ ومابيدنا حل سددنا والطامة الكبرى ان كل المواصفات المطلوبه لم ينفذها وقمنا ببيعها بعد أن وضعناها عند المكتب لمدة عشرين يوم وقدمنا شكوى لوزرة العمل الذين أفدونا أن هذا المكتب غير مخول بالاستقدام وبالتالي لا يخضع لسلطتهم وأنما يخضع لسلطة وزارة التجاره لكونه مكتب خدمات عامه فقط ويمارس عمل غير نظامي باستقدام الخادمات عن طريق صاحب المكتب او عن طريق المصري الذي يعمل في لديه وفي كل مره كنت اراجع المكتب أجد أحد الزبائن يتشاجر معهم طوال مدة أنتظار وصول الخادمه حيث أن صاحب المكتب والعامل المصري يتمتعون بسوء أخلاق غير طبيعي ورعونه في النقاش ولا يوجد لديهم أي مصداقيه وقد قمت بالاتصال على فرع التجاره ببريده وأخبروني أن هذا المكتب غير مخول بالاستقدام وتوقفت عند هذي المرحله مؤقتآ وسوف أستمر أن شاء الله في مشواري حال عودتي إلى بريده!! وهذي الرساله فقط لانقاذي ما يمكن أنقاذه... ولدي جميع المستندات التي تثبت ذالك والله من وراء القصد وعلى الباغي تدور الدوائر مع خالص تحياتي |
لا بارك الله فيييه من مكتب نصب في نصب
|
لاحول ولاقوة الابالله
|
نصاب واخلاقة زفت الزفت؟
|
يقل المثل اذا طاح الجمل كثرة سكاكينه
|
حسبنا الله ونعم الوكيل
|
اخي العزيزالمكتب قام بي الواسطة بينك وبين مكتب الاستقدام واذا كان هناك تاخير فهو راجع الى البلد الذي استقدامة منة والى السفارات في تلك البلد ومكتب الاستقدام .
منذو زمن ونحن نتعامل مع هذا المكتب ولم نرى مايسوء . انت ذهبت للمكتب لتقليل التكلفة التي ستدفعها لمكتب الاستقدام لذا قالو اعطى الخبز خبزة لو اكل نصفة . بعدين عيب عليك تبيع الشغالة وتغش فيها المشتري . قال بكم بعتها براس مالها وهي غير صالحه اوبمكسب. بعدين اذا كانت مخالفة للشروط لك ثلاث شهور ترجعها حتى لو اختلف شرط واحد لكن اقول حسبي الله ونعم الوكيل في امة الاسلام هذالزمان |
بسم الله
انا من المتضررين من هذا المكتب الله لا يحلله ولا يبيحة و حسبي الله علية المشكله انك لما تكلمة ما يبالي و كانك حشرة قدامة انا مقدم على خادمة من شهر 2/1430 هـ و يوم جاب لي الشغاله و شفتها قسم بالله اغمى على ولا صفة من الصفات موجوده فيها اقلها كان عمر الي جيبها 50 سنه و انا طالب من 25 الى 30 سنه بعد ما رفضتها بوقت عرفت من اشخاص من اقاربي انه ياجرها على الناس و ما سفرها عشان يجيب لي بديل ......ولاكن وعدني انه يجيب لي بدالها بععد ما جاب لي شغاله بديلة مع انها كبيرة بالعمر لاكن مقبولة الشكل قبلتها غصب على بحكم الحاجة.... طلعت ماهي باسمي واحد ثاني يعني الله يعين الي باسمه و حتى الان ماني عارف كيف اخذ حقي من الضالم وعلى العموم انا جاهز للي يبي شهاده في اي وقت واي مكان و الادلة موجوده والسلام عليكم |
شـكــ وبارك الله فيك ـــرا لك ... لك مني أجمل تحية .
|
اعووووذ بالله
والله ماسوى هالشي إلا وراه ظهر مدبر وضعه وما طول لسان هالمصري إلا عشان كفيله |
اقتباس:
أولآ.. تكلفة استقدامهم أعلى من تكلفة استقدام اي مكتب آخر خصوصآ انهم بقلة ادب طلبو مبلغ إضافي بعد توقيع العقد بأربعة اشهر وهدد صاحب المكتب الي انت تدافع عنه انه في حالة عدم أحضار المبلغ الاضافي للمكتب وتسليمه للمصري فلن يحضر الخادمه ومن أمن العقوبه أساء الادب ــــــــــــــــــــ....ــــــــــــــــــــ....ــ ــــــــــــــــــ....ــــــــــــــــــــ....ــــ ــــــــــــــــ ثانياً.. يبدو أنك لم تدرك ما المقصود بمخالفة الشروط وانت تتهمني باني غشيت بها شخص آخر ببيعها له فالخادمه التي لاتناسبك بسبب السن او الشكل او عدم معرفة اللغه او اي سبب آخرليس له علاقه بـ الحاله الصحيه والنفسيه قد تناسب شخص آخر ـــــــــــــــــ....ـــــــــــــــــــــ.....ـــ ــــــــــــــــــ....ــــــــــــــــــــــ.....ـ ـــــــــــــــــ ثالثاً..قابلت في حياتي ناس كثيرين اخلاقهم وتعاملهم غير طيب لكن لم يسبق لي ان تعاملت مع شخص بـ هذه الدرجه من البذاءه والاستخفاف بعقول الناس واعرف اكثر من عشرة أشخاص يحملون نفس المشاعر عنه والناس شهداء الله في ارضه لكن الوعد قدام وأن كان لك مصلحه معه او قرابه فا الله يهني الجعل بدربيته ... ـــــــــــــــــــــــــ....ــــــــــــــــــــ. ....ـــــــــــــــــــــ....ــــــــــــــــــــ. ...ــــــــــــــــ والسلام ختام |
اعووووذ بالله
والله ماسوى هالشي إلا وراه ظهر مدبر وضعه وما طول لسان هالمصري إلا عشان كفيله ======================= معروف ان المصري كله لسان وذا مالقي أحد يعرف يتعامل معاه بحزم وشده وقوه سوف ياكلكم بلسانه |
السلاااااام عليكم
غريبه انا اشوف اخوي تعامل معهم ويمدحهم مرره ويمدح اخلاقهم يقول ياليت يجي واحد لأختي اخلاقه زيه من كثر ماهو عاجبه والمصري اللي تحكي عنه يجنن تعامله ترا هذولي الناس اللي ما تهمهم الفلوس يعني لو اخوي ما تعامل معهم كان اقول معك حق بس للأسف ليه كذا انتو لمن تشوفون الواحد ماشي شغله تحبون تخربون عليه |
ايه صح ياليت توضح في مكتب الفوزان اثنين
|
السلام عليكم ورحمة الله وبركاته
الصراحة اني تفاجئت من الكلام الي تداولتموه بس اللأسف هذا الكلام كله غير صحيح لأني منذ 8 سنوات وانا اتعامل مع هذا المكتب وجميع الأقارب والمعارف الذين اعرفهم نتعامل مع هذا المكتب ولا نجد منهم إلا كل شي يسر واللي يقهر من الموضوووع انك تقول اخلاقهم قذره ولو نشووف على كلامك كان ماشفت الجاي والطالع وإذا كنت تبي تكاسرهم تراء هذي نصيحه مني انت رايح محل خدمات مو محمل أبو ريالين وذا كنت حامل لأصحاب المحل موقف تراء المحل غير مسئووول عن هذي المواقف وإذا كان موضووعك سواء زيادة نقاط مشاركه عاد هذا شي راجع لضميرك ,,,,,,,,,,,,,,,,,,,,,,,,,,,,,,,,, (( كل إناء بمافيه ينضح )) |
| الساعة الآن 10:02 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة