والدتي واللي كسر خاطرها بشارع الصناعة ......... مهم رأي الجميع """"""""""""
 

اولا اشكركم لمشاركتكم موضوعي .ثانيا . موضوعي هو كنت جالس اليوم مع الوالدة الله يطول عمره وكنا نتكلم عن ارزاق البشر ومصدر الرزق الحلال وقالت لي انها شاهدت موقف كسر خاطرها يوم الاثنين الماضي 4/ 1 / 1431 هـ بعد صلاة المغرب في شارع الصناعة تقول كنت في السوق وفيه اولاد صغار يبيعون بعربيات ( نعناع - جرجير- بقدونس - وماشابهه ) واتى لهم مراقب البلدية وبدا بتكسير العربيات واللي فيها وضرب الأولاد الصغار ويمنعهم من البيع بحجة ممنوع البيع الا في محلات خاصة برخصة وووو..... عد واغلط وهؤلاء الصغار ماذنبهم ومن اين لهم محلات ما أتو الى هنا الا ترزق الله وعدم مد ايديهم واهلهم للناس على قدهم ومراقب البلدية والبلدية حرمتهم من هذا التعفف وعدم الحاجة للناس .
ارجوا من المسؤلين الانتباه لهذه النقطة ويساعدون من يعمل لا ان يعاقبوه ويضربوه ويجعلونه يبحث عن مصدر اخر للدخل قد يكون حرام او مضر له ولمجتمعه
كلامها كسر خاطري انا معها واكيد انتم كذلك .
شاكر لكم اختيار موضوعي وانتظر الردود .

ايوه صحيح انا شفتوهم ولو هالعيال اجانب كان ماسوو فيهم كذا
العيال ذولا ضحية اباء طماعين وقاسين

حسبي الله ونعم الوكيل

دولة xxxxx ضيعة اجيال المستقبل تحت مسمى (ولى الامر )حتى لوكان ظالم
قانون فاشل

اشكركم على مروركم واتمنى المزيد من الردود

أكيد بيطردهم ويضربهم تبغى يزاحمون البنقال وابو يمن اللي على كفالته
وكفالة اقاربه0
يارجال مراقبين البلديه هم يبغى من يراقبهم
وياليت رجال الحسبه ينتبهون لهم شوي ................. ؟؟؟؟؟
ماسك الجهاز تقول هذا جنرال في الاف بي آي ولو يدرون ان راس ماله مراسل وترقى لمراقب 0

الله المستعااااااان 0

تحيتي 0

آمين الله يعطيك العافيه واشكركم جميعا على المرور وانتظر المزيد

أنا اللي أشوفه أن أي شيء غير نظامي يهاوشونه بنغالي وغيره بس ياحرام الأطفال هذولا إذا كان يتيم الأب وين الأم إذا كان يتيم الأب و الأم وين الأخوات والإخوان وين الأخوال وين الأعمام إذا كان والده شيخ كبير في السن أين الإخوة الكبار وين الضمان الاجتماعي الجمعيات الخيرية عندنا في مدينتنا اللي يسجل في الجمعية الخيرية كل يوم يجيه عشاه أغراض المدرسة كلها جميع أغراض رمضان تجيه فيه كسوة للشتاء وكسوة للصيف والجمعية تساعدهم على استئجار منازل بسيطة مثل هؤلاء الأطفال مسؤول عنهم عدة جهات طفل أخليه يمشي بالشارع مدري من يتعرف عليه ولا يلعب عليه أحد والنتيجة شراب ولا شيء بسيط مايجي عشرين ريال والله الضمان يعطي مبلغ محترم وكثير من الأسر أيتام ومع ذلك عايشين حياة محترمة البيع مو حرام وطلب الرزق مو حرام بس وين أهلهم هذا طفل لازم يعيش طفولته لازم نخاف عليهم يغرر بهم أحد ماشاء الله فيه نساء يأخذن محلات في الأسواق الشعبية وآجارها بالسنة مية وفاتحات بيوت ويزوجن عيالهن من هالمحل .ارحموا هؤلاؤ الأطفال المساكين والبلدية لو تركتهم بيجي الفقير والغني يبيع وأهل المحلات مهب راضين بالخسارة بيسكرون محلاتهم ويطلعون مع البسطات وتعال شف الفوضى وإذا سمح للصغار جميع الجنسيات بتبيع ومن يحكمهم عاد. الله يرزق أطفال المسلمين أجمعين
عارفة بتقولون مافيه رحمة لكن تخيلوا جميع الجنسيات يجرون عرباتهم ولهب بهالشارع بيصير بجميع المدينة والإسلام جعل لكل طفل ولي أمر المحاسب أولياء أمورهم

طيب اوكي لنفرض انه ممنوع يبعون بدون محل ورخصة
طيب ليش الضرب والتكسير !
ممكن يقولهم بدون ضرب وتكسير !يعني إلا لازم يمد ايده ويخرب..!