|
<<<......... نقطة البدآية
بدآيتك بالمنتديآت لكل منا له نقطة بدايه في عالم الانترنت عامه وعالم المنتديات خاصه بلاشك كنا نجهل أبسط الامور منها ( الكتابه ) الى ( التنسيق ) كنا أين وأصبحنا أين ...؟ وهذا بلاشك راجع الى القرآءة والكتابه وخبرتنا بالمنتديات وانتقالنا المستمر من هذا المنتدى الى منتدى أخر ...فمنها وبها نمتلك الخبره بكل مابها . من هنا وهناك أمتعونا و بالتفصيل الممل / كيف هي بداياتكم وبالتحديد نقطة وصَفارة البدايه بعالم المنتديات ..؟ كيف ترى نفسك منذ نقطة البدايه ومع الذكرى القديمه الممتعه وكيف ترى نفسك بالوضع الحآلي ..؟؟ والسلآم عليكم جميعاً |
[align=right]
بداية الريم كانت بمنتديات ( خاصه بالمنطقه الشرقيه ) رغم لستُ من أهل هذه المنطقه ..لكن الاقدار أرادت أن أكن معهم من هنا أنطلقت الريم حقيقه بعالم المنتديات ... كانت تجهل كل مايدور بعالم المنتديات من ( الكتابه _ التواقيع _ الصور الرمزيه _ التنسيق الردود _ الخروج من المنتدى ..فتح الرسائل الخاصة وحتى التصفح بالمنتدى ) < لاأحد يضحك :rolleyes: و مع الخبره ومع مساعدة بعض الاعضاء عامة والادارة خاصه تعلمت الكثير والكثير لكن حز بخاطري كثيراً حيث المنتدى الذي كان نقطة بدايتي قد قفل الى مالانهايه ..!!! ...لكن مازالت الذكرى وكل المواقف والاحداث التي كانت هناك عالقه الى هذا الوقت ..[/align] |
الصراحة اول منتدى سجلت فيه منتدى بريدة.
عن طريق ابوحكيم اوالاستاذخالدالمقيطيب واشكرهـ جزيل الشكر. طبعامااعرف انزل موضوع يليتكم تعلموني. والصراحة ارتحت لكم كلكم فديتكم عسى الله يخليكم كلكم ومايفرقكم. واكيدتتسئلون ليش اول منتدى بريدة سجلت فيه لعدم التفرغ. وكنت ادخل للمنتديات للتصفح فقط واجلس على اليوتيوب والايميل &موضوع حلومررهـ:4_1_7v[1] |
هلا بالريم
بدايتي مع الانترنت كان بواقع الصدفه صراحة كنت اذهب للاستراحه عند الشباب وكانو يفتحون اجهزتهم وانا مثل اللي مايدري عن شي ويطلعون على الشبكة العنكبوتيه وانا كنت اقلب بالريموت قنوات التلفزيون وتكرر هذا المشهد ....... فحبيت اخوض التجربه وان كان منتدى بريده هو المادة الدسمه مع اني مشارك بمنتديات مختلفه حتى وان ذهبت الى البيت وجدت اخواني يتكلمون عن النت وما ظهر لهم من خفايا النت وفي الدوام نفس الوضع مع اني كنت لا اريد ان اشغل وقتي بالنت ولكن مع الايام استسلمت بالنهايه 0 و مع مرور الايام اصبح الجهاز معي بالسياره اينما اذهب وخاصة اني كنت انجز معاملات وغيرها عن طريق النت وبالممارسه والتجارب اصبح ماده رئيسيه بالحياة اليوميه 000 اشكرك الريم على طرحك الراقي والمتجدد 0 تحيتي 0 |
هلا بالأخت الريم
أنا توني أ ب في الكمبيوتر تعلمت ما كروسفت وبس وأريد المواصلة في الفيتو شوب وكل شي أما ألنت هذا أول منتدى لي وأريد اعرف أهل بريده لذلك سجلت وهذا أول توقيع عملته لي الأخت زكية الله يوفقها أما الصورة الرمزية لا اعرف وكل شي ما اعرفه وكثيرة هي غلطاتي وما لي في الكمبيوتر 8شهور ولا أحب أن يأخذ وقتي على حساب نفسي وأهلي يا لله وفقني كل الشكر لك |
الصراحة انا كنت اغلب اوقاتي متصفح للنت ولم اسجل باي منتدى الاقبل تقريبا 7شهووووور حيث بدأت اكتب وارد وشيل وحط وخاصة منتدى بريده تشكراتي لك الريم على موووووووووووضوعك الجميل |
[align=center]بدايتي كانت في منتدى(مسقط) خاص بسلطنة عمان , تعلمت منه أشياء كثيره لكن أغلب مواضيعي بمنتداهم منقوله ( يعني أجيب لهم أخبار عنا وعن طبايعنا وعاداتنا وتقاليدنا وصور من القصيم )< لأنهم يطلبون هالشي من والآن تاركهم من تاريخ 2006 لأني أغلب دخولي للمنتديات (منتدى بريده) و ( منتدى أهل الرياض)[/align]
|
بدايتي بمنتدى لواحد من الشباب عام 2002 يعتبر من اوائل المنتديات ،، وكان جامع خليط مابين شباب وبنات من بريدة والرياض ، وكانت معظم المشاركات بأقسام الالعاب والفن والكمبيوتر والبرامج ،، مغلق حالياً وبصراحه مايعني لي اي شي رغم اني كنت مراقب فيه ولي مشاركات كثيره فيه بس ذيك الايام كانت حلوه عشان كذا للحين اذكرها وللحين اذكر انه اخر مشاركه لي في ذاك المنتدى كان رقمها 896 ،، اما طريقه التعامل والكتابه والتنسيق واستخدام خواص نظام المنتدى لليوم اتعلمها ،، يعني فيه خواص واختصارات وتكنيكات كثيره اجهلها لليوم ، ممكن لاني موب راعي تنسيق وبكل تأكيد مودرن حالياً افضل من (....) سابقاً من حيث نوعيه المشاركات وعمقها وادراك اهميه التواجد داخل المنتدى ،، شكراً الريم موضوعك رائع واعاد لنا ذكرى ايام جميييله ،، |
اعتقد ان الكثير هنا لايزال بالبداية رغم تحنطه من القدم
|
اقتباس:
ما استفدت شيء من خبرك في المنتديات ... اهلا بعودتك واهلا بهالطله .. >>>عذرا الريم .. ولي عوده |
أعتبر نفسي لسه مستجد
كنت قبل 2007 مجرد زائر خفيــف لكن بعد هذا التاريخ دخلت في دهاليز المشاركه الفعليه وأن كنت لازلت (مقل) في المشاركات لاني لا أومن أن تكون عدد المشاركات هي الهدف ,, أمامشاركه تحكي قناعه أو الاكتفاء بالتصفح , ولا يلزم الردود التي تكون بصيغة( مشكور) ويعطيك العافيه بدون أبداء أي رأي! بالنسبه (لي) لست متعمق بخواص التنسيق والابداع في أمور التقنيــه لكن مع مرور الوقت والممارسه لابد من التطور! موضوع (مختلف) ربما يعيد الهدواء بعد موجه من السخونـــــــه والانفعالات التي تحدث هنا |
بالتأكيد البداية صعبه ..
ابتداء من الكيبورد والبحث عن الحرف وانتهاء بالتواقيع والصور والتصاميم والايميل له حكايه حين كنت ابحث عمن يغيثني ايميل لأتصفح به واحادث عبر المسن وارى الجديد الآن اصبحت انقذ المبتدئين وأخدم من يريد الخدمة واول واكثر مايطلب مني عمل الايميل !! تقديري لك.. |
[align=center]السلام عليك يالريم ،
< مرور سريع .. اقتباس:
اي مُنتدى تقصدين ؟ :( اللي توفى مديره الله يرحمه ؟ == قد اعود ،،[/align] |
الريم
قد نتشارك انا وانتي في مصير البداية حيث كانت بدايتي في عالم النت باحد المنتديات الأقليمية التي آلت إلى الفناء ولم يعد لها اثراً في هذه الشبكة انتقلت منه إلى منتدى آخر تم اغلاقه حينها فكان موعدي مع منتدى بريدة عام 2002 ولازلت هنا غير قادر على الخلاص منه في منتدى بريدة تعلمت الكثير بدءاً من الأشياء الصغيرة إلى الأشياء الكبيرة خصوصاً فيما يتعلق بالأمور الفنية للمنتدى كما هو الحال بالنسبة للتغيير في اسلوب واهداف الكتابة إلى ان اصبحت كما انا الآن وكل ذلك بفضل الله ثم بفضل هذا المنتدى واعضاءه ومشرفيه وادارته السابقون واللاحقون تحياتي |
[align=center]ياحبيك رمرومه[/align][align=center]
انا قبل اصير حرمه سنعه كان اخوي له كمبيوتر بغرفته وكان يقفل عليه بس مرات يفتح ويعطيني العب كان يشتري لي سيديهات وشوي شوي صرت ادخل منتديات عام 2001 بدون تسجيل بس ادور العاب وازياء ومن عام الفين واربعه بديت بالمنتديات عاد عدي واغلطي كنت اسجل ورد واطلع لحد مااستقريت بمنتدى زي اسمي^_^ الاميره وفيه تعلمت حتى اذكر تجيني رسائل مااعرف ارد عليها هه زغنونه كنت الصور والتحميل والشغلات هذي من صاحبتي العراقيه الي تعرفة عليها بمنتدى كانت عسل كانت تجلس معي بالمسن لوقت طويل كله عشان توصلني للي ابغى اعرفه وتوته توته خلصت الحدوته^_*[/align] |
| الساعة الآن 01:35 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة