|
ماهذه المناظر الشبابية السئية بطريق النهضة( فانتم لاتمثلون بريدة)
في تمام الساعة السابعة والربع صباح اليوم مررت مع طريق النهضة فشاهدت مناظر مؤسفة لم نكن نتوقع أن يصل الامر الى هذا تجمعات شبابية لانعلم ماذا يريدون وعلى ماذا يخططون وإلى أين سينتهون وإلى متى يتسكعون سيارتهم من الطراز الحديث مركبات ذات صفات شبابية هايلوكس وجيب ربع على شكل مجموعات يزعجون المارة ويضايقون العابرين ويزعجون الساكنين يهلكون أنفسهم بمركباتهم ينتحرون أنفسهم بحركاتهم زعموا الحرية باسم الجلسة الشبابية شاهدت اطفالا معهم شاهدت مدخنين شاهدت مفحطين شاهدت الدائرين رجال الامن ... حماة الوطن تعبوا وسهروا وسخروا طاقاتهم لماذا كل هذا العبث ولماذا كل هذا الاستهتار القضية ليست تجمع فقط وجلوس فر ودوران وتفحيط وتسكير للطرق عبر الاصطفاف الجانبي من المسؤل أسركم فجعت وأمهاتكم بكت وآباءكم عجزوا عن تسديد المخالفات لانها قليلة بحقكم كان بجواري زميل عزيز من الرياض صباح اليوم ونحن نسير في الطريق ذهابا لحي النهضة مررنا مع الطريق فانصدم وانفجع من هولاء وقال من هم هولاء ولماذا هم بهذا الشكل ( متسدحين على الثيل ) والله لو كنت اعرف انهم بهذا الطريق وحالهم كهذه الحال لمررت به مع طريق آخر وخلاصة القول قال ( توي ادري انه صحيح اللي نسمع عنكم في بريدة ) وحتى هذه اللحظة لاأعلم ماذا يقصد بعبارته همسة لرجال الامن الرجاء من جميع القطاعت التكاتف والقضاء على هذه الظواهر |
[align=center]ياحول ياهالشباب وكانهم جايين من كوكب ثاني
تراهم عيالنا ولاتلومهم اللي يلوم شباب بعمر الزهور تراه غلطان هل هم من عائله وحدة ؟؟ من عوائل متفرقه اذن ليست العملية عملية تربيه لو كانو من عائله واحدة قلنا ابوهم مهملهم لكن هم من ثلاث ارباع عوائل بريدة .. اذن ماهو السبب الي خلاهم بالشكل هذاا ؟؟؟ دايم اتذكر ابوي الله يعافيه يوم كنت صغير يجلس هو شيبان يتطنزن بنا مع اننا بزران المخ صغير مافيه ادراك محتاج توجيه مهوب تمهزي المفر وض بدل الطنازه يمسكون على ايدينا ويحطوننا على الطريق الصح تسان الحين تلقان تاجر مع هالتجار الي طلعو صدفه :12[1]: ..[/align] |
لا حول ولا قوة الا بالله كل بيت وكل اسرة وكل ام وكل اب يشتكي من ابنه المراهق وكثرت طلوعهوا من البيت والسهر الزائد عن حده ما نقول الى الله يصلح شبابنا وشباب المسلمين ويبعد عنهم كل شر وقرب لهم كل خير يا رب العالمين
|
يحول يا حنا وش مسوين لكم والله يا انتم ترفعون الضغط طيب جلسنا ابيتنا بستراحه ملينا وين نطس
النهضه واذا رحنا لم النهضه لازم قسيمه ناخذ قسيمه ونلس بنهضه ونستانس وراه حنا مانمثل بريده ماملينا عينك ؟؟؟؟ لكن مو بس شباب بريده الي تجمعون وسذا كل منطقه وان كانك تحم على الواحد من شكله او انه يدخن راجع حسباتك وتراك غلطان فمان الله سؤالي موجده لك وراه مانمثل شباب بريده؟؟؟ |
ازودك من الشعر بيت
تقولي همسة لرجال الامن الرجاء من جميع القطاعت التكاتف والقضاء على هذه الظواهر بعض الشباب الي بشرطه ينصب سيارته بنهضه ويروح يداوم ظلم او لا |
أعتقد أنك مكبر الموضوع
وماهذه المناظر وماهذه المناظر أنا عبالي شايفهم عراة أخر شيء جالسين على الثيل ومتسدحين خلهم ياخي وين تبيهم يروحون وش حارق رزك أنت والله العظيم اني مامريت من ذاك الشارع الصبح وشفتهم ألا من وصفك متسدحين على الثيل تذكرت العام الماضي صحيح يكون فيه تفحيط ومشكلة وإزعاج لكن قليل أعتقد لكن أغلبهم جالسين عادي اللي بلوت واللي يسولوفون ترانا نمر ونشوف بعيوننا بالليل وش يسون بعدين أنت شانن عليهم حرب كهنم إرهابية واضح أنك صاكن الأربعين شكلك ياخوي رح للرياض شف تكسير السيارات الماره شف التفحيط والرعب اللي يسونه هناك جالسين ومسوي هوايل كيف لو أنهم واقفين ..!!!! لاحول ولاقوة إلا بالله الظاهر لو يجلسون ببيوتهم طلعتوا وقلتوا لماذا هم انطوائين شباب بريدة رضاء الناس غاية لاتدررررررررررررررررررررك |
قبل شوي درجة الحرارة 48 اقسم بالله جالسين تحت ظل النخله معهم كنتاكي
هههههه واي ازعاج او شغب فهذا يدل على انه امنيا فيه تقصير |
يارجال اسمع به بعض الشباب الي يتجمعون على خير
وبه شباب يتجمعون على الشر ولايرتاحون الا يفسدون عيال المجتمع فالذلك التجمعات منه خير وشر وهو اكثره شر لانهم راعين دخان وبزارين هــذولا مســاكــين والله يهديهم ,,, |
ليست المصيبة هنا الجلوس ..
قد يكون هناك أهداف أخرى .. ماأجمل الجلوس بين الأهل في المنزل .. |
اقتباس:
وهذه تصرفاتهم نعم يلام الشباب لان تصرفهم خطأ x خطأ |
اقتباس:
أين دور الام نعم يتركونهم في الشوراع يزعجون المسلمين ونطالب الامن بالتصدي لهم الواحد يشتري للبزر سيارة جديدة ويطلقه يهيم في الشوراع ولاحسيب ولارقيب واذا تم ايقافه انواع الواسطات والمخالفة تدفع فورا |
اقتباس:
أنا قلت لكم مارأته عيني والخافي أعظم الله يجعل القسايم دبل عليكم نعم أنت عار على بريدة بهذه التصرفات نعم يوجد دخان + مخدرات + تفحيط+ دوران + سرقة لوحات + xxxxxx |
اقتباس:
الحمدلله عمري تجاوز الاربعين وانا ادرك تماما هذه التصرفات مشينة وخاطئة مالذي يجلسهم هناك حتى الساعة الثامنة صباحا أين الاباء أين الامهات نحن لانطالب بسجنهم بالبيوت لالا والله بل نقول لهم اخرجو وابسطو ولاتزعجوا المارين والمسلمين مالهدف من هذه التجمعات ومالهدف من التفحيط ومالهدف من الدوران ومالهدف من سرقة اللوحات كل واحد اهله مشترين له سيارة ومطلقينه يهيم فس الشوراع ثم نطالب الامن بضبطهم يجب على الامن بكافة قطاعته محاسبة الاباء قبل الابناء الخطر قادم والانفلات لاح في الافق بريدة تدمرت بشبابها هداهم الله |
اقتباس:
أخي بندر اعرفك شخصيا وانت لاتعرفني هنا انت انسان رائع ومميز في تغطياتك نأمل ان نرى صورا لهولاء المنفلتين في النهضة طلبي الخاص تصورهم الساعة 7 صباحا او اي احد من لجنة المنتدى الاعلامية حتى نناقش الموضوع بكل شفافية ووضوح فلغة الصور كفيلة بفضح هولاء وعشان يقتنع اللي يدس رأسه في التراب |
اقتباس:
التجمع بهذه الصورة كله شر x شر تجمعات الخير في الملتقيات الصيفية والاندية التعليمية والبرامج الترفيهية والاندية الرياضية وحلق التحفيظ القرآنية |
| الساعة الآن 06:48 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة