|
هايبر بندة والعروض الوهميه
السلام عليكم ورحمة الله وبركاته ..وأسعد اللـه اوقاتكم بكل خير ..أتضح لي جليا ً التلاعب با أسعار السلع من خلال العروض الترويجية وإستغفال الزبائن ببعض التخفيضات الوهميه لجذب الزبائن في أسواق (هايبر بنده) بريدة طريق الملك عبدالله...الأخوة والأخوات الكرام .. أكثر من مرة ..وآخرها أكتب لكم ماحدث لي هناك ذهبت للتسوق هناك برفقة أخواني الصغار لشراء بعض المواد الغذائية وكان هناك لحظتها عروض ترويجية على بعض السلع وكان من ضمنها عروض على مواد غذائيه بسيطه....واضعينها على جنب على طاوله كبيرة كعرض بنصف السعر وألقيت نظره على تاريخ صلاحيتها ..لاستبعاد احتمال قرب انتهاء الصلاحيه ..حصلتها جديدة ..وكل مجموعه كاتبين سعرها وكم مخفضين ..أخذت منها عدد اخواني شيبسات الحجم العائلي كان المعروض اربع حبات بعشرة ريال ..وسعرها الاصلي بدون التخفيض مع بعض تقريبا 17 ريال.. وكان ايضا مع المعروضات كيك السعر الاصلي لكل كرتونه 6ريال وبعد التخفيض 3 كرتونات 10 فقط .. اخذت من الصنفين لاخواني ...وما اكتشفت اثناء المحاسبه اللعبه.. لانها معها اغراض اخرى .. وبعد الخروج من المركز ألقيت نظرة على الفانورة حصلتهم بايعينها بسعرها الاصلي بدون اي تخفيض كل حبه بقيمتها الاصليه..يعني اخذتهم بـ 33 ريال وهذا تماما ديدن جيان مع الزبائن قبلهم .. يروح الشخص ويشيل معه جيان من التخفيضات على نياته ماعليه إلا مد بطاقة صرافته للمحاسبه ثقه من العروض ..! وما يشاهد الفاتورة بعدين إلا كل حاجه شاريها بحقها ما نقص ريال واحد..! ولا فيه اي تخفيضات ..ويكون راح راتبه كله بذيك المقاضي فماهو الحل مع هذا الإستغفال والخداع وهذا التلاعب على الزبائن لو كنت شاب في حكايتي على كيفي الطلعه والدخله واللـه كان رجعت إلى إدارتهم في ( مركز النخيل ).. ومعي فاتورتي ونماذج من سلعهم المعروضه وعليها التخفيض وواجهتهم ماهمتني فلوسي ..! بقدر مايهمنى كشف تلاعبهم وإحتيالهم بهذه العروض الوهميه واستغفالهم لنا...! * فهل تجدي الشكوى نفعاً ؟ وما هي الجهه المسئوله عن ذلك هل هي جمعية حماية المستهلك..؟ أم ادارة مكافحة الغش التجاري فرع وزارة التجارة ببريده؟ وهل هناك قسم نسائي يستقبل الشكاوي النسائية هناك.. تقبلوا فائق التحيه |
كلامك صحيح ..
أنا حصلت لي نفس المشكلة مع جيان ... أشتريت منتج مسوى عليه عرض ... تآخذ حبتين بـ سعر حبة و حدهـ ... لكن الحمد لله ,,, كنت ما أشتريت الا هذا بس ... هو اللي خلاني أنتبه للعبه ... يوم جيت أحاسب ,,, طلع الحساب بـ سعر حبتين ... أنا قلت للبائع ... هذا عليه تخفيض ... تخربط شوي ,,, قال أنت آخذه من المعروض على الأرض أو على الرفوف ؟؟؟؟ قلت من اللي في الأرض ... قال آسف ,,,, خلني أحسبها من جديد .. يعني لو أنا كنت آخذها من الرفوف كان حسبها بـ سعرها الأصلي !!! |
اقتباس:
خصوصاً في مراكز التسوق الكبيرة .. وعلى حد علمي أن التلاعب بالأسعار مسئولية وزارة التجارة، وبالنسبة للقسم النسائى الخاص بالشكاوي النسائية في وزارة التجارة .. لاعلم لي بذلك .. وبإذن الله تنفعك هذه الشكوى برد حقوقك إليك ( وتوعية المستهلكين هنا - رواد المنتدى- بأخذ الحيطة والحذر عند عملية الشراء ودفع الحساب في هذا السوق ..) وكذلك بأجر رفع الضرر عن المسلمين ومن أداء واجب الوطن عليك ..وهذا هو مسلك المستهلك الواعي .. بارك الله فيك[/align] اقتباس:
|
لا حول ولا قوة الا بالله هذا حالنا كلنا ندخل السوبر ماركات علشان العروض ولتوفير وبعدين نطلع ب500 ريال وكلها يقالها اشياء مخفضة ولا جيت للبيت ولا هو سعرها العادي ومرة اخت عصير وقت جيت للبيت واذ طعمه خراب ومين يلي يبي يرجعوا والله حلتو بالزبالة
|
MąGȯȮȯĐy وأعتقد أكثر المراكز الكبيرة هذا شغلهم ..لان هذا نوع من الخدع التسويقيه وافكار مدروسه متعوب عليها ..لكن حنا مانرضى احد يقص علينا كل الشكر لاضافتك |
اقتباس:
وهي مسؤولية وزارة التجارة فرع مكافحة الغش التجاري واشكرك لعرض العناوين ليستفيد منها أرباب الاسر خاصة مع قرب حلول شهر الخير واستغلال تسوقهم للشهر الفضيل .. والا مثلي خسارته ماتستاهل شكواها .. لكن هنا أحببت التنبيه لجل مايستغل غيري من الزبائن . كل الشكر الافق لاضافتك |
اقتباس:
مو مشكله.. نشتري حاجه ماعليها عرض ..لكن يصدقوا لما يعرضوا سلعه ويكتبوا عليها مخفضه ..! ومشكلة هذي مشكلة ثانيه وهي سوء التخزين ..! شكرا لإضافتك |
زين الي انتبهتي...
مشكلتنا نشتري ونمشي ولا ندقق بالفواتير... |
[align=center]لعب بلعب السوبرماركات حتى لو سوو عرض وخصم هل يكون بنفس سعر الجمله اكيد لا
داما اشوف البرشورات (النشرات) حقت السوبرماركات واسعار الاسواق العاديه ومحلات التغذيه يكون سعر السوبرماركات بعد التخفيض نفس سعر الاسواق ومحلات التغذيه الاصلي يعني ماسوو شي هم وعرضهم لكن انصح الجميع بزيارة ثلاجة العالميه للي عند سوق الخضار تره كل شي رخيص وبل هبل وتوفير بلا حدود والله اذا اشتريت من السوبرماركات ب500 ريال يصير هم ب300 ريال وشوفو الفرق [/align] |
نعم يجب أن يتنبه الجميع لمثل هذه التلاعبات من التجار ...
ولن نتنبه مالم يكون هناك ( مواضيع ) تُكتب و ( نشر إعلامي ) لمثل هذه التحايلات على الناس وهذا ( اقل ) واجب يقوم به المُستهلك تجاه مجتمعه . وهذا بالفعل ماقمتي به اختي الكريمه فجزاكِ الله كل خير . واتمنى نتنبه جميعنا بعد ذلك ...و ونحذر ونأخذ الحيطه ., تحياتي .,’ |
اقتباس:
ببعض انواع الخدع التسويقيه وتستفيدين على الاقل لنفسك حياك بسومه |
اقتباس:
ماتوجد للأسف في المستودعات للجمله اختي نشميه.. فيه منتجات مستورده خاصه للمركز ورائعه في كل تفاصيليها ويحق لهم يضعون التسعيرة المناسبه ..! لانها اخذه حقها منهم من كل النواحي.. اقلها تفردهم فيها عن باقي السوق .. ويعطيك العافيه اختي على خبرية الثلاجه .. رايك نتسوق منها للجمله للشهر الفضيل ..؟ شكرا لك اختي لاضافاتك المفيدة |
اقتباس:
وهو التنبيه والتبليغ. شكرا لك . |
لاحول ولاقوة الابالله
|
موضوع حساس وطرحه بوقته ..
انا من وجهت نظري ان الواحد يتابع الشاشه اثناء المحاسبه .. خصوصاً بالاشياء الي هو اشترها من ارفف التخفيض .. ماحصل لي الاسبوع الماضي : كان هناك عرض على احد انواع الارز .. اخذت منه ,, وتوجهت للمحاسب .. الي صار .. كان السعر الي على الرف 45 بعد التخفيض .. وسبحان الله تطيح عيني على الفاتوره واثاري السعر 47.5 !! اخذت الفاتوره بعد مادفعت الثمن .. وتوجهت لخدمة العملاء .. طبعاً بناءاً على كلامهم اذا اختلف السعر تأخذها مجاني .. الي صار رحت وشرحت الوضع وراح وتأكد من السعر على الرف .. وشاف الفاتوره معاي .. وحصلت على الأرز // مجااااااااني // يعني ضروري الواحد يلاحظ السعر اثناء المحاسبه قدر المستطاع .. شكراً لهذا الطرح .. |
| الساعة الآن 12:26 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة