|
اللاعبون يتسكعون في القاهرة و الأحمري خارج الحسابات و أطفال بالمعسكر.. يا قلب لا تحزن
اللاعبون في القاهرة و الأحمري خارج الحسابات و أطفال بالمعسكر.. يا قلب لا تحزن خلووون أفسر عن ذرعاني ، و أفضفض لأخوتي التعاونيين .. يا ولد خذ ...... بسم الله إلى متى و حنا نشكي الحال ، و إلى متى و حنا بحالن الله أعلم به من نادي يمشي بالبركة ... لا نلعب على أرواحنا و نقول التعاون يمشي بالطريق السليم .. هذا مهب من صالح التعاون و التعاوني الصميم ما يقبل أن ناديه يضيع .. الإعلام التعاوني مع الأسف يا أبيض يا أسود .. يعني يا واحدن يترصد للإدارة و يفضح المستخبي أو واحدن يعمل لنا بهرجة إعلامية و يجعل من التعاون الاتحاد أو الشباب .. و هذا غير معقول ، و لا يقبل به أي تعاوني يطمح لناديه للأفضل .. و علشان نصير أكثر وضوح و شفافية خلونا نعرّج على بعضات الأمور الي تقهر و كل تعاوني صرخ لفرحة صعود ، و إنكسر لحال ناديه .. قريت اليوم بالجزيرة أن لاعبوا التعاون فالينه بالقاهرة تمشي و فلة حجاج و لا رجعوا من المولات إلا على تسع بالليل ، و ترى تسع بالليل خارج المعسكر يعتبرون متأخرين مرره .. و عللوا عنه أن هذي من ضغط التمرينات و المعسكر .. و خلونا نوقّف عند هذي .. وش الي عمل التعاون بالمعسكر علشان ياخذ راحة و يفلة ، مهب المعسكر بحد ذاته راحة و تمرين و ضحك و غيره من ما يكون في معسكرات اللاعبين .. لو كان الفريق لعب لقاءات ودية مع الفرق المصرية ثلاث أو أربع لقاءات ودية كان قلنا فيه انسجام و تقارب أكثر بين اللاعبين ، و لكن المشكلة ما لعب إلا مع فريق أقل من عادي ، و على وضع التعاون المزري فاز واحد مقابل صفر .. صحيح أن كل نادي لابد يخرج من جو المعسكرات و غيره و يحق للتعاون مثله مثل غيره .. و لكن يقلب المعسكر تمشي و لاعبين أجانب ما بعد جو ، كل يوم و الثاني جاين واحد .. هذي جريمة بحق جمهور التعاون و كل رياضي غيور ... لذلك لازم يشاف حل للمسؤول العام عن المعسكر و يحاسب بكل صغيرة و كبيرة .. و الغبينة أن هذاك الإداري جايبن بزارين معة للمعسكر و كأن التعاون مسؤول عنه و عن عياله .. صحيح أنت تدعم ، بس مهب من حقك تبسط عيالك على أكتاف النادي .. تصوير و ضحك و تمشي و الجمهور هنا أكله علقه ما بين الرجاء و الأمل .. و الله شيء .. أجل الأحمري ألي لحد الآن ما تدرب مع الفريق و لم تنهى كل أموره الخاصة مع النادي ، و ليته على هذي .. حتى المعسكر ما دعوه للمعسكر و جاء رفض تواجده بالمعسكر من قِبل المسؤول على البعثة التعاونية .. و هذي ألي حرّت بخاطر الأحمري و تغيّب عن الفريق ، و هذا من حقة لأنه أفضل لاعب بالفريق ... ( خلونا واقعيين شوي ) ترى الأحمري يقدر يروح لأي نادي ، .. و هذا دوري و وظائف رياضية من حقه ينتقل لأي نادي ، و اللاعب موهبة أفضل من غيره ... بعدين تعالوا ... هو أزين من أحمد الحربي و لا فيه أصابات و لا غيره ، ليه إدارة النادي تستغني عنه و تجيب الحربي .. الأحمري لاعب متمكن ، و لكن للأسف هذا التعاون ماله رفيق ، إذا ما بغى لاعب و اللاعب صاحب جماهيرية تبلش بوه الإدارة لذلك تعلقه ، و تحاول تهمشوه من بعيد لبعيد ... أجل معسكر بمصر يحتضن كل طاقم نادي التعاون بما فيه يمنع منه سعيد الأحمري أسطورة التعاون .. و الله شغلهم ما يشغله أحد .. و جرحهم للأحمري راح تكون مصيبة عليهم إذا ما عطوه حقه ... خلونا نشوف خلاصة المعسكر : 2- تهميش الأحمري وهو أفضل لاعب تاريخي بالنادي ، و هذا له أسباب طويلة ..! 3- عضو الشرف جايبن بزارينه يمشيهم بمصر على أكتاف النادي ..! 4- المحترفين كل يوم يجي واحد و الفريق قربت جيته لبريدة .. وين الانسجام وو ..! 5- أخذين مدرب الشباب على ما أظن مترجم لمدرب الفريق الأول ..! 6- أحمد الحميد حوسة ببريدة علشان سالفة نقل المدرب يترجم ..! 7- تسريح طلال النخالي من المعسكر برأي المدرب ، و هذي مهب السالفة ..! 8 - صفقة الحربي الي ما رضي عنه جمهور التعاون و تهميش الأحمري ..! يعني بالله عليكم ... كيف الفريق راح يقدم مستويات يرجي منه التعاوني خير بعد الله .. ... و الله الحال بالتعاون ما يسر أي تعاوني .. أسمحوا لي ، بس هذا الواقع الي حاصل للتعاون .. إذا ما تكلمنا و لا تعاطفنا مع التعاونيين ما راح تنحل أمورهم ..! .... سلاااام |
يارجال خلك مع الي بالبرازيل وش علاقتك بحقين مصر ..
|
ياشيخ إذا بنتكلم اجل ليش لاعبين الرائد كل يوم بالسوق بالبرازيل صارت سياحه مب معسكر،،
ترا كل انديتنا كذا،، تحياتي،، |
شاطيء
والخافي اعظم , الوضع في التعاون غير مقتع اطلاقاً والجماهير هي الضحيه معسكر غير منظم اللاعبين يصلون على دفعات ومبارايات مع فرق ضعيفه كل هذا ما راح ينفع الفريق ,والوعد الدوري . شباب النادي بدون مدرب لأن مدربهم رايح مترجم لمدرب الفريق الاول اعجبني اليوم في الجزيره كاتبين عن التعاون يقولون يتهم بقيمة المعسكر صلحوا ملاعب النادي اللي ما تصلح يتمرن عليه اللاعبين أما الأحمري فهو كلام ثاني مشكور على الموضوع . |
أنباء القصيم - ( أيمــن الغبيــوي )
( إلى أين سيمضي بي التعاونيون إلى المجهول .. أم ماذا ) http://www.newsqassim.com/newsm/2541.jpg هذا هو لسان حال قائد الفريق سعيد الاحمري الذي لم ينخرط في التدريبات بعد ولم يُدع إليها , التدريبات انطلقت قبل ثلاثة أسابيع والقائد في حيرة من أمره , ويتساءل هل انتهت أيام العسل التي قضيتها مع فريقي وساهمت في صعوده لدوري الكبار (زين) أم ماذا ..أم أن هذا تنسيق لي بلهجة أخرى لم نعتاد عليها كلاعبين ؟ الأحمري لم يتلقى حتى الأن أي اشاره تدعوه بالبقى أم بالرحيل ليسعى خلف رزقه. هذا التصرف من التعاونيون يثير علامات إستفهام كثيرة خاصة وأن الأندية دائماً ما تسعى في مصلحة لاعبيها إلا التعاون الذي فضل الصمت تجاه لاعبة (القائد) ..! |
اقتباس:
|
عزيزي:
لاتحاول انك اعلم وتبخص حال المعسكر اكثر من مشجعي السكري فياليتك ياعزيزي ضبطت واهتممت بتبديل العمله للاعبي فريقك واهتممت بحال فريقك المفضل |
مسكين التعاون خلاك تسهر الليالي وتتابع اخباره وتكتب عنه !!
الله يرحم ضعفك ××××××× |
اخوي منهو العضو الشرف الي مودي بزرينه
انا ابيك تردلي ×××××××××× |
اخوي وش حشرك في التعاون يروح لي اسواق او مايروح انا ودي ادري منهو العضو الشرف ريح على حساب النادي
|
اقتباس:
|
لو انصب اهتمامك بناديك اكثر من اهتمامك بسكري القصيم لما صدر بحقكم ( قرار رحمه ) ؟..
كاني اشوف سيناريو العام الماضي يعيد نفسه ؟.. |
بعذرك فرحان تبي تفقد الأهداف والمهارات بالديربي بعد ذهاب سعيد ..إثر سعيد مسوي فيكم الهوايل ××××××
|
شاطئ الرحه...........................@!@ كان بودي أن لا تستعجل (( ترى الركادة زينه )) ..........!!! وشلون تصكصك الكبكات وتخلي أزرة صديرك مفتوحه............ والله عجب !!! لكن ودي تغسل عيونك زين وتبص على الموضح أدناه :- اقتباس:
** غريب أمر النظام العسكري .... كل هذا عدم ثقة باللاعبين .... يعني خايفين يصير حاقة مثل العام الماضي ولجنات وحكايات وغيره!!! **طاهيات بنفس المعسكر (( ؟؟؟ )) ** بعد الدرعمه للأسواق والرجوع بخف حنين بسبب العملة ..... هاهي القبلة الأهم علينا كمسلمين ..(( يدرعمون ثلاث مرات ))....!!! (( نأمل أخذ الحيطة والحذر حينما يكون الكرينكوف موجوداً )) |
^^^
وش صاير العام فيه أحد يمكن سفر ورجع لديرته !!! |
| الساعة الآن 02:34 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة