|
راعيات القطط ... مجرد تساؤل !
القطط من الحيوانات الأليفة المحببة للكثير ( وتكون مبغضة ) لدى البعض .. ويكثر تربيتها داخل البيوت وقد يتراوح عمرها مابين 13 و 15 سنة وقد يصل عمرها إلي 19 سنة .. وتلد الأنثى من 3 إلي 8 بعد فترة حمل 63 يوماً وقد تقل أو تزيد .. مايهم أن القطط مباح تربيتها ومنهي عن بيعها كما جاء في صحيح مسلم : عَنْ أَبِي الزُّبَيْرِ قَالَ سَأَلْتُ جَابِرًا عَنْ ثَمَنِ الْكَلْبِ وَالسِّنَّوْرِ( القط ) قَالَ : "زَجَرَ النَّبِيُّ صَلَّى اللَّهُ عَلَيْهِ وَسَلَّمَ عَنْ ذَلِك " فمن أرادت قطة عليها تجنب شرائها ,, مادعاني للحديث عنها هو تعجبي من حب الفتيات الشديد للقطط ! فمحال أن تسأل فتاة عن حبها للقطط وتجيبك بإنها تكرهها ولو علمت بكرهك لها لاستثارت وغضبت منك ولوصفتك بالقسوة ايضاً ...! فهل السر في حبهن للقطط هو ذلك الحنان الزائد المتفشي بنفوسهن ؟ أم أن هناك أمر آخر نجهله ؟ |
يالبا البسينات بعد ,, انا عن نفسي احبهن واموت على المواليد منهن احب اغفصها واصرخ عليها واذا شفتها مرتاعه ضميتها :a5: ودي اوريك صوربستنا البيضا توحش تاخذ العقل علشان تدري ليش نحبهن بس مامعي الوصله وانا بسفر .. حتى بساسة الشوارع الصغار اذا شفتهن صرت اعضض اصابعي اموت عليهن :b8: |
اقتباس:
|
بالنسبه لي ما اواطنهن ولا احب احد يقربهن لي :(
|
بالنسبة لي أموووووت على القطط بس مستحيل ألمسها
أو أجيبها تعيش معي بالبيت بس أطالع صورها من بعيد بالنت أو برى البيت خخخخخخخخ http://up4.m5zn.com/9bjndthcm6y53q1w.../rqpm9lydx.jpg |
وووووووووووووووهـ بس فديت البساسه كلهن
انت جرب مره تربي بسه وشف خفة الدم على اصوله والملح والزين والقبله انا سبب حبي لهن ان ابوي الله مير يحفظه ويطول بعمره على عمل صالح وصحه وعافيه هو وامي والمسلمين من يوم وحنا صغيرين معودنا عليهن فتربينا وحنا نحبهن ونربيهن وننام معهن وندلعهن حتى اضفناهن لدفتر العايلة |
ذقت العذاب من كرهي لهن ..
الى درجة اني أفكر أعالج بطريقة التدرج .. يعني على شوي شوي .. ماراح انسى ضحكهم علي اذا رحنا لعمتي لان عندهم بسة بس ماتت الحين .. بس قلقة وياما رحت منا وياما رحت مناك .. والمشكلة ان بعض الناس مايصدق يحسب اني ابالغ .. شكرا جزيلا وموفق باذن الله .. |
أنا أتوقع سبب تربيتهن للقطاوة وحبهن الزائد لأنهن في المستقبل يبن يصيرن مربيات لأولادهن وبناتهن فأخذن القطاوة كتجربة مثل ما تدخل بنتك أو ولدك للروضة يسخن للدراسة الحقيقية ..!! .. اما بزاريننا عندهم عداوة أزلية مع كل واحد اسمه قط أول ما يشوفونه كل واحد يأخذ أقرب ما عنده ثم تبدأ المطاردات والمضاربات ..!! .. تصلح بموضوعي .. صور متناقضـــــــــــة ...http://buraydh.com/forum/images/icons/icon10.gif |
يارجال مهب البنات اللي يربن البساسة واحد من الزملاء أخوه بعمر الـ 18 تقريبا مربي له بسة ولاهب رخيصة شاريها غالية ، ولها أوراق وجواز وحركات يقول الرجال : ماغير أشغلتنا هالبسة ، وكل فترة يروح فيها للرياض ماأدري يعالجها أو يسوي لها فحص شامل ، وشكلهن لهن دكتور نفساني :) حنا موفرين أنفسنا بمستشفيات حكومية وشلون هالبسة :) وكل يوم والثاني يحوم يدورها فوق الجدران ماغير ضايعة أو حابة تجلس لحالها == شكلها تحب الوحدة قلت له : شكل هالبسة تحب ، وانتبهوا على بستكم من عرابجة البساسة اللي يحومن بالشوارع ، خصوصا اللي عيونه تلاقط :) |
. . :) أي حيوان أليف لازم أسوي بيننا علاقة ودية ... سواء قطة , غنمة , هامستر , ناقة , لكن ما يأسرني هي : الأرنب :) :) :) القطة مهما يكن تربية شوارع , حتى وإن ادعت الرقي :) لكن الأرنب ماتسيع بالشوارع , أحس بها روح الأمومة ,,, ( أحيلك إلى أنشودة : آل الأرنب لـا أمو اسمحيلي روح إلعب ) ودائماً تأتي بأفلام الكرتون : أم لابسة مريلة طبخ وحولها فطافيطها .... , :) |
انا وعيالي وبناتي نكره جميع الحيوانات وخاصة القطط...
حتى اليوم الي اشوف فيه البسه اكره عشاي وغداي وفطوري ... |
:(
اكره القطط :( واتوحش منهم كل الحيوانات الاليفه احبهن الا القطط ..<< مدري وش السبب :( |
اقتباس:
عني أنا أكره جميع الحيوانات أليفة وغير أليفة<< :b3:[/align] |
ياخي ذكرتن بالبس ( سعيدون) الي كان عندنا يوم انا بزر
اذكر انه اشهبن الهب عاد ذاك الوقت كل الخلق شهبان واذكر لاسمع ابوي يقرقش بالباب جا يمشي مليون للباب .. وكان من الوفاء الي عنده يسرق لحم من الجيران ويجيبه لنا ههههههههههه ايام ماكان بين الجيران باب << يازين ذيتس الايام المهم هذاك الوقت توه جاي دجاج الشوايه قام الوالد الله يقومه بالعافيه جاب دجاجه اول مره نشوفه ولكن من الشفاحه ماعطينا البس شي لانه شويه علينا ههههه وقام البس يخابط وينطنط يبي لو نتفة ولاعطيناه يوم ايس راح منكسر خاطرة واختفى كم يوم شكله زعل .. المهم لاعادت على هاكالدجاجة عطانا عين مابعده عين كلنا في ذيك الليلة المشؤمة طرشنا يعني استفرغنا بس لو تشوفه اشهب ومخطط برمادي ياخي ذكرتن بالدنانة والنباطة اطلق وسائل ترفيه |
[align=center]قلبت المواجع علي
انا امـــــــــــــــــوت بشي اسمه بسه و امنتي اربي بس امي الله يهداها حالفه ما تدخل بيتنا بسه بس لو اشوف صوره لهن احس شوي و ابكي ابغى اربي بسه ..........احد يتوسط لي عند امي[/align] |
| الساعة الآن 12:02 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة