![]() |
من مذكرات زوج (مــعــلــمــة ) سابقا !!!
حكى لي صديقي وصديق العمر (أبوعمر) عن تجربته الزوجية وفشل حياته الأولى ونجاح حياته مع الزوجة الأخرى ذات المواصفات الخاصة والطبيعية في نفس الوقت .
صديقي تزوج من (معلمه) وإستأجر دور ارضي في فيلا بحي الريان واحضر خادمه اندونيسية لتخدم زوجته وماقصر في أي شيء لكن زوجته المعلمه لم تبادل زوجها نفس التضحيات والعطاء بل تفرغت لمدرستها وطالباتها وتصحيح الكراريس والشرح طوال الوقت وإذا جاءت للمنزل حوالي الساعة الواحده والنصف وإذا هي مرهقة وتعبانه وعلطول تحط رأسها وتنام ولماتصحى علطول مسكت القلم الأحمر وهات تصحيح وهكذا وعزايم مع زميلاتها المدرسات وحفلات,,يقول صديقي: حتى احيانا زوجتي تقول لي : ترى صديقاتي جايات اليوم وحيسهرن حتى الساعة الواحده صباحا ,,يعني لا أشوف رقعة وجهك . صرت(على لسان صديقي) آكل من المطاعم لأني اكره غدا الشغاله وحتى قهوتها . صديقي احيانا يخرج من عمله الساعة الحادية عشر صباحا ولما يرجع لبيته يلقى هالشغاله بوجهه والله إنه يقول : تصدق ياعسولي إن الخدامه تحرشت بي اكثر من مره والسبب لأن زوجتي بمدرستها >>ياترى كم واحد فينا وزوجته معلمه وعنده خدامه ويلقاها قدامه وببيته لما يرجع مبكرا من عمله ولوحدهم ماذا سيحصل؟؟ الزبده صديقي طلق زوجته المعلمه لأنها فشلت في خلق إنسجام بين بيتها وعملها . وتزوج صديقي من زوجه متخرجه من كلية الحاسب الإلي /جامعة الملك سعود . وما توظفت وجالسه في البيت وشرط عليها إنها ماتشتغل ووافقت وهالحين له سنه متزوجها ومتشقق من الوناسه . يقول دائم القاها في وجهي بالبيت وقايمه بدورها بنجاح منقطع النظير . هالحين عارف إن بعض البنات يبن يشنن هجوم مضاد ويقولن مو كل معلمه فاشله وياما فيه معلمات ومتزوجات وعايشات .. هالكلام ملينا من سماعه .(انتهى)معروف إن المرأه الموظفه لاتصلح أن تكون (زوجه رسمية) يعتمد عليها بل هي عبارة عن مكينة (صراف) والدليل ياكثر خيانة أزواج المعلمات . الله يستر علينا بس |
ياااااصبر الارض على هالموضوع .. ياشين اللي يتمنى شيناااه صدقني لو انك مرتبط بموظفه ماراح تجرؤ تحط موضوع زي هادآ<< رجعت البنت جداويه آآعنبوا حيك مااستعزوا الا يوم اخذوا الموظفات سكنوا بيوت زي الناس وشروا سيارات كانوا اول يشوفونهن (بالتلفوز) بس ! وتاكل من يد الخدامه وزوجتك موظفه تلعب شده بصرافتها ازين من تاكل من يد الخدامه وزوجتك ربة بيت ترجع من دوامك وتوها الست هانم قايمه من فراشها ! |
[align=right]اجل حياتهم لا تجد ركودا إلا في الاجازات , تكون العلاقة حميمة وبعد أول يوم دراسي تبدأ حياة التشفير بين الزوجين
وبما أن في هذه الاوقات أنتشرت مسميات لزيجات بعدد سكان الصين أقترح لصديقك أن يقترح زواج ويسمية زواج اليوم الدراسي وينعم بحياة سعيدة الزوجة الأولى صرافة والزوجة الثانية مستهلكة ..!![/align] |
شباب السعودية من تطلع قلوبهم يقولون نبي كامري ونبي مدرسة هذي امنيتهم بالحياة
خل عنك هالكلام اللي مايودي ولا يجيب والله ماانبسطو الرجال الا مع الموظفات اللي كافياتنهم مصروفهن واقساط البيت والسيارة وراتبه هو للدخان وللمقاهي والاستراحات والسفرات ال ايه ال مانبي موظفات انتم حصلوهن بس . والله ياعليهن طلب اكثر من طلب بروستد البيك |
مرحبا عسولي
حمداً لله على سلامتك طال عمرك لقد صدقت بكل حرف قلته ولذالك فوالله أنني أكره الزوجه الي تشتغل سوا مُعلمه او وظيفه حكوميه او قطاع خاص كان والدي حفظه الله يزن على بأن أتزوجك من مُعلمه والسبب هي أن تصرف على نفسها لكن انا مُصر على أن لا أتزوج الا من طالبه او مُتفرغه لبيتها , لقد ضربت على الوتر الحساس للبعض شكرا من قلبي الى قلبك |
اقتباس:
|
عسولي....
أنت تعلم باننا "كبنات" سنقول مالا تودان نقوله ... "هالحين عارف إن بعض البنات يبن يشنن هجوم مضاد ويقولن مو كل معلمه فاشله وياما فيه معلمات ومتزوجات وعايشات .. هالكلام ملينا من سماعه "مليت او مامليت من سماعها يظل واقع وحقيقي وتجربه صديقك ليست "دليل" بان كل الموظفات "فاشلات" بحياتهن الزوجيه .. أجزم بان هناك" الكثير" من المقصرات ولكن لسنا بدليل على فشل جميع الموظفات..هناك بيوت تنعم " بالاستقرار" التام لان الزوجه استطاعت التوفيق بين عملها وبيتها... وقفه/ ولا يهينون الاخوات بردودهن "بتتوهق ياللي مانت متزوج موظفه" دمت برعايه الله |
لكن زوجته المعلمه لم تبادل زوجها نفس التضحيات والعطاء بل تفرغت لمدرستها وطالباتها وتصحيح الكراريس و((الشرح طوال الوقت )) وإذا جاءت للمنزل حوالي الساعة الواحده والنصف وإذا هي مرهقة وتعبانه وعلطول تحط رأسها وتنام ولماتصحى علطول مسكت القلم الأحمر وهات تصحيح وهكذا وعزايم مع زميلاتها المدرسات وحفلات,,
^ ^ وانا اللي كنت اظن بس الحريم كفارات العشير !! ههههههههه وش تضحياته ووش عطاءه ياحسره !! ترى ما استغرب منكم يعني عشان سكنها في بيت ويجيب لها رز وسكر صار تضحيات !! هذا واجب وغصب عليه :) :) ووووو سبحان الله كل يوم تصحيح !! وكل يوم تطلع مع صديقاتها !!!!! ارجح في هذه الحاله (عدم التوافق بينهم) وليس لانها معلمه .. يعني لانها ماحبته او ماحبها -انفصلوا- وفيه اسباب ثانيه ، وقال ان السبب انشغالها بالوظيفه ! لكـــن بالعكس انا ضد كلامك كله غير صحيح .. الوظيفه تساعد ايجابا في نجاح الزواج :) :) |
وتزوج صديقي من زوجه متخرجه من كلية الحاسب الإلي /جامعة الملك سعود . وما توظفت وجالسه في البيت وشرط عليها إنها ماتشتغل ووافقت وهالحين له سنه متزوجها ومتشقق من الوناسه .
يقول دائم القاها في وجهي بالبيت وقايمه بدورها بنجاح منقطع النظير ^ ^ طيب وبعدين واذا صارت متخرجه حاسب ! هههههههه وبعدين ترى استانس السنه الاولى لانه بوجهه كل الوقت احتمال السنه الثانيه يقول ياليتها تحل عن وجهي شوي <== نسمع ونقرا كثير عن هالشي :) ونجاحها في البيت ترى مو لأنها عاطله !! لأن فيه كثير عاطلات مانجحن ببيوتهن يا بطل :) ينامن لحد العصر واذا صحن يبن طلعه مع الصديقات :) :) معليش ع فصل الرد وسلـــم لي على المعرس الـطـّــاف :) :) |
فتكبر عقولنا قليلا ..
هل قصتك هذه حكمت حكما لانقاش فيه بأن كل متزوجة موظفة هي فاشلة .. وبالمقابل كل متزوجة ليست موظفة هي زوجة ناجحة !!! أين العقول ؟؟ كم من بيوت قامت بسبب راتب الزوجة .. كم من زوجة وموظفة وبدون خدامة وحياتها كرف في كرف ولو تقول لزوجها باخذ اجازة ارتاح قال لها علي الطلاق ماتاخذين ... يااخي خل عنك سواليف حدارجا بدارجا |
|
خخخخ مضحك جدا الموظفه ماتنفع والعاطله ماتقدر ظروف الزوج الماليه والزوج دائما مظلوم >>حياه الشفى ياهالزوج بس سوعال كاني قاريه هالموضوع قبل كم شهر يقول تزوج وحده خريجة ثنوي ولا واهمه؟؟؟ |
اقتباس:
بيخون لأن الخاين يخون ربه قبل زوجته .. بالنسبه للزوجه .. كلامك صحيح .. بس أنا اقول اللي ما يبي صراف لا يتزوج موظفه .. بأمكانه أن يعيش هو دور الصراف ويتزوج ربة منزل .. .. |
والله انا اقول فيه اهمال بعض الشي من المعلمات ببيوتهن بس والله ياعليهن طلب موب سهل منكم يالشباب
ولوانا شاب مااطلب معلمه عشان تتفرغ لي ولعيالي وبيتي وانا مستعد اني اصرف عليه طول العمر بس اهم شي انه ماتهملن وهي اللي تطبخ موب الشغاله الله يقرف العدو |
ياعسولي ولايهون باقي الأعضاء شكل خويك ماوفق مع الأولى اللي هي المدرسة الزوجات هالوقت وحتى العاطلات ، إلا ماندر ماغير نوم وتسدح وحب للطلعات والروحات والجيات تخيل زوجة عاطلة ، تدبخة نومة للظهر ، وإن صارت سنعة فهي جهزت للزوج غداء عبارة عن سندويش وجبن ، والعشاء من برا ، لأنها طابخة اليوم :) هذا شي والشي الثاني تشغلك ـ بحكم فضاوتها ـ أبي وأبي وماأبي وفلانة قالت وعلانة حطت ، وودن لفلانة أو السوق وغيره ولاننسى سحب الدراهم بشكل مستمر ومسرف ، لأنها ماتعبت فيها والمدرسة أو الموظفة صحيح إنها ماتجلس بالبيت ودايم مشغلتها وظيفتها بس على الأقل تشيل نفسها شوي غير إن طلعاتها بس بأيام الإجازة فرايي إن الله أصلح الزوجة ، وزين القلوب فالمدرسة والعاطلة زي بعض ماهنا فرق وبعض المدرسات أو الموظفات حشمتهن لأزواجهن وبيوتهن أفضل وأحسن من العاطلات وكذلك كل شخص تطبق عليه مواصفات يحبها بالزوجة من ناحية هي موظفة أو لا |
الساعة الآن 02:15 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة