ماذا يحدث بشارع النهضة إطلاق نار وصدم ؟؟؟
 

السلام عليكم ورحمة الله وبركاته
ماذا يحدث بشارع النهضة إطلاق نار وصدم ؟؟؟
حدث في يوم الاحد 26-9صباحا طوق امني من قبل الدوريات الامنية لجميع شوارع النهضة اي سيارة تمشي بشارع يتم توقيفها وتحويل من في السيارة لشرطة الشمالية ومن لايقف يتم طرده واطلق النار على بدي اسيارة او صدم الموتر وظرب وإلى أخ..يقول احد العساكر الموجودين في الموقعة انه بأمر مدير الشرطة الزهراني تم اطلاق الناروصدم لأبعاد التجمعات لكي لايستمر التفحيط المشكلة اننا وسط حي فكيف يتم هذا الامر هل شبابنا مجرمين او إرهابين لكي يطبق هذا الاسلوب او هل هم عجزو عن القبض على المفحطين وتجهولمن هم جالسين هل هذا يدل على فشل ام ماذا
المشكله ان واحد مرفي هذا الشارع ليس من المنطقة وليس لهو ذنب وتم صدم موتره لتوقيفة وتسليمة لشرطةالشمالية بحجة انك لماذا تأتي بهذا الشارع المشبوه
اسف على الاطالة وعلى تأخري في تنزيل الموضوع
والله ولي التوفيق

يستاهلون بدل ما يرحون يصلون قيام جالسين يفحطون ....لا وقالوا يبون يشتغلون ووظائف

هذه اولها انه غير اهل للمسؤلية.....

يازين الشارع الأصفر والشارع الأخضر قبل كم سنه ندور بنتظام بس دوران تقول قعره مقطوع راسه هههههههههه اذا صار تفتيش بالأصفر نروح للأخضر والعكس صحيح بس مانسبب شوشره ولا اضطراب للسير لكن اللي بالنهضه الحين مدري مقدر افتي لك لأني لم اطب الشارع طول ليالي رمضان والله يهدي شبابنا وبناتنا ويعين رجال الأمن على اداء مهامهم

وين حنا فيه أطلاق نار علشان دوران وتفحيط وش قالوا لك في هوليود

الله يستر بكرا يصير فيه حرب شوارع في بريدة

تجمعات الشباب أمر لابد منه واتحدى اي مسئول يقول اننا سنقضي عليها .......لكن المشكلة ببعض الشباب حينما (ينزرق) قدام اخوياه ويبدأ يفحط ويستعرض وبالتالي ازعاج وفوضى وتجمهر والمتضرر منهم اصحاب البيوت القريبة و عابر السبيل .......او تلقى بعض الشباب مسوي انه (فلكة) ويقاله راهي مضاربات وهو (بو) بس يجمع شلل وناس حتى يخيل لك وكأننا بالفلوجة .......وبعض الشباب مسوي انه (طاقعه) مايهمه احد تلقاه يدخن او يأكل بنهار رمضان أو مفصخ سريويله وقاطع الشارع وهو يسئ لسمعة أهله قبل نفسه ..........ولو كان التجمع دوران معقول او جلسات واستعراض سيارات كان الامر اهووووووووووون بكثير .
وعن اطلاق النار من قبل الشرطة اذا صح ذلك فالأمر يتعدى مسألة دوران أو تفحيط ....قد يكون بينهم احد مطلوب أمنياً .....وبالنهاية الله يحمي شبابنا ويقوي رجال الامن

كوده ينفع بهم


فيه عالم همج ماتجي الا بالعين الحمراء


بالتوفيق لرجال الأمن

[align=center]بارك الله في رجال الامن وعساهم على القوة [/align][align=center]

هذه من بركات الشكوى المقدمة على مدير الشرطة وسمو الامير

وأزف بشرى لمرتادي طريق النهضة من الشباب الضائعين
والمستهترين وقليلو الادب وعديمي الضمير والذين يستهترون بالارواح ويزعجون الجيران وعدم مراعاة لحقوق الطرق وحق الاخرين

بان الامانة سوف تقوم بنزع الجزء المزروع ووضع بدلا منه بلاط

واذا تبون تجتمعون روحو بالنفود وفحطو وسوو الي بروسكم محج قايل لكم شئ

معروفة حركاتكم وقريبا سأكشف موضوع عن اعتراف شاب هناك

مسوين فيها مظلومين مقهورين وكبت وحرية شخصية

اقول الناس بصلاة القيام وحالات في طريق النهضة تم القبض عليها

أستحي من ذكرها ولعل المشرف يتركها ( لواط + سكارى ) وفي رمضان


اللهم سلط على من آذانا في طريق النهضة [/align]

أخواني الله يوفق رجال الأمن على هذه الجهد الجبار
ولا يصلح مع ذا الشباب الى كذا الشد
وبنسبه شارع بدر صار مهزله في مهزله التفحيط
وأتمنى يكون فيه مراقبه شديده على الشباب ورجال الأمن
وجزاكم الله خير بماينفع البلاد

وهالمبزره للحين مالقو لهم حل ...
حشاا شارع مايتعدى طوله كيلو والا كيلوين ولا يقدرون يقضون على هالمشاكل اللي فيه

طيب وش ذنب آهل الحي اللي على الشارع مادآم هالمبزره ماغير مجاهره بالأفطار وتفحيط وتجمعاات رضاعين كلها منكراات والعياذ بالله ..
والمصيبه مثل ماذكر لي ان اكثر من يجتمع فيها هم الجنود في المرور بعد مايسلم شغله
عشاان انه يعرف المستلمين بالشارع ..!!

اللي أقدر اقوله كل ينتبه لعياله واخوانه من هالشارع النتن
والأمن مايقدرون يغيرون تربية شباب تعودو على الآعمال الدنيئه ..

سلام

اما تعليقي على الخبر فااقول ان الشباب حتى لو ضيقوا عليهم بهذا الشارع فبلا شك انهم سيتجهون الى شوارع اخرى وبها من الفساد مالله بـه عليم وخير مثال عليها الدائري الجديد المودي الى طريق عنيزه - العوشزيـه


وين النصح وين الارشاد وين التوعيه من قبل اخواننا الملتزمين ممن يجيدون فن الحوار والتفاهم والتخاطب مع نوعية هؤلاء الشباب

فوالله لو ان احداً منهم امسك باحد هؤلاء الشباب المقصرين ونصحه باسلوب لين واهداء له شريط فيه قصص ومواعظ لخجل من نفسـه وقد يهتدي على يـده


لكن للاسف بعض سياسات من ( امـن ومطاوعــــه ) هي القمـع والشـده والضرب والطرد وهذا لن يولد الا الحقـد والكراهيـه والعدواه